ФАРЗАНД ТАРБИЯСИ Сизга шундай савол билан мурожат қилсам: Гер | AYOLLAR PSIXOLOGIYASI
ФАРЗАНД ТАРБИЯСИ
Сизга шундай савол билан мурожат қилсам:
Германияда туғилган бола қайси тилда гаплашади?
Албатта немис тилида гаплашади дейсиз бир овоздан.
Яна сизга савол нега немис тилида гаплашади?
Нега рус тилида, ўзбек тилида гаплаша олмайди???
Албатта, рус тилини ҳаётда эшитмаганидан кейин, ота-онаси ўзбек бўлиб ўзбекча гапирмаганлигидан кейин, ота-онасининг тили немисча гапиради-да!
Энди худди шу мантиқни ўз оилангизга тадбиқ қилиб кўринг: Нега сизнинг фарзандингиз жахл тилида, асабийлик тилида, ўғрилик тилида, ўқимаслик тилида, ёлғончилик ва дангасалик тилида гаплашмоқда???
Ҳа, бале! Чунки сиз, хурматли ота-она фарзандингиз билан жахл тилида, дангасалик тилида, асабийлик тилида, қўрқоқлик тилида, китоб ўқимаслик тилида гаплашмоқдасиз. Сиз хурматли оила рахбари, жахлдан тушинг, фарзандингиз вазминликни ўрганади. Китоб ўқишни бошланг, фарзандингиз китоб ўқиш қадрига етади. “Қўшнининг идишини тезда олиб чиқиб бер!”,- деб ўратинг, у халолликка ўрганади. Қўшниникидаги хашарга бирга ўғлингиз билан чиқинг, у мехнатини эхсон қилишга ўрганади. Фарзандингиз олдида ғийбат қилманг, фарзандингиз рост гапиришга ўрганади. Фарзандингиз олдида чекманг, алкоголь ичманг, у ўғри бўлмайди. Ҳаммаси жудаям осон..., аслида жудаям қийин...
“Эплолмайсан!”, “Қилолмайсан”, “Эй, ношуд!” деб фарзандини эплолмасликка тарбия қилаётган ота-оналар.
Бу ота-оналар фарзанди нима қилмасин, хурсанд бўлмай, камчилик топишади. Боладан жудаям кўп нарса талаб қилишади. Ўзлари ҳаётда эриша олмаган ҳамма орзуларига фарзанди эришиб, ота-онасини бахтли қилиши керак гўё. Нега фарзандингиз сиз кира олмаган институтга кириши керак, айтинг?! Нега сизнинг фарзандингизга “менга ўхшамагин, ношуд!” дейсиз. Кимга ўхшасин? Қўшнининг эрига ўзининг ўғли, қўшни аёлга ўзининг қизи ўҳшайди. Нега сизнинг фарзандингиз томдан тараша тушгандек уларга ўхшаб қолиши керак? Ўқишга кира олмаган бўлсангиз, демак, ўқимагансиз, хозир хам кеч эмас, хар куни ўз ишингизга, уй тарбиясига, касбингизга оид китобларни ўқишни бошланг. Кактуслар оиласидан райхон ўсиб чиқмайди.
Бу турдаги ота-оналар фарзандларининг ютуқларини эмас, камчиликларини кўришади холос. Ҳар бир фарзанд иқтидорли. Сиз бу иқтидорни оча олмаяпсиз холос.
Бу оилада вояга етган фарзанд ўз ота-онасини “мени яхши кўрмайсизлар” деб катта бўлади. Бу оиланинг ўғли уйимдан тўйиб кетдим, дейди. Бу ота-онанинг қизи эрта кунда ўзига химоя сифатида севги объектини топиб, тезроқ шу уйдан чиқиб кетиб, турмушга чиқиш пайида бўлади.
Бу оилада катта бўлган фарзанд ўз ишхонасидаги бошлиғини, мехр берган турмуш ўртоғини олдинги планга қўйиб яшайди. Ва охир оқибат бу ота-она менинг фарзандим мени қариган чоғимда ташлаб қўйди, деб ҳамма жойда жар солиб юришга арзиб қолади.
