Балад сураси Маккада нозил бўлган. 20 оятдан иборат. Сурани | Muxlis.uz

Балад сураси

Маккада нозил бўлган. 20 оятдан иборат. Суранинг номи ўзининг биринчи оятдаги сўзидан олинган.
«Балад» сўзи, «юрт, ўлка, шаҳар» маьносини англатади. Ушбу оятдаги «Балад»дан мурод эса Маккаи Мукаррама шаҳридир.
Сурада бойлик эгаларининг қул озод қилиш, очлик кунларида таом бериш каби хислатлари зикр қилинади. Шунингдек, нафс хотиржамлиги нима билан ҳосил бўлиши ҳам айтилади.
Бу сурада жуда қисқа сўзлар ила охират ҳаётининг борлиги, Аллоҳ инсонга икки йўл–саодат йўли ва бахтсизлик йўлини кўрсатиб қўйганлиги, инсон хоҳлаганини танлаб юришлиги, оқибатда эса қилганига яраша мукофот ёки жазо олиши айтилади.
Бой кишиларда иймон бўлмаса ҳовлиқиб кетишлари, дунёда менга кучи етадиган ҳеч ким йўқ, мен у қилдим, мен бу қилдим, деб мақтанишлари эслатилади. 

Улашинг
https://t.me/muxlisuz