Ўзбекистонлик аёл Россияда қиз туғиб, чақалоғини дарёга улоқтирди
Россиянинг Санкт-Петербург суди туғилган қизини ўлдирган ўзбекистонлик аёлни 3,5 йилга озодликдан маҳрум қилди.
Аёл Россия Жиноят кодексининг 106-моддаси «Янги туғилган чақалоқни она томонидан ўлдириш»да назарда тутилган жиноятни содир этишда айбдор деб топилган. Суд 2021 йил 20 сентябрь куни аёл Колпино шаҳридаги Изҳора дарёси қирғоғидаги Володарский майдонида ёлғиз ўзи қиз дунёга келтирганини аниқлаган. Текширув шуни кўрсатдики, қизда нуқсонлар бўлмаган, аёл тиббий ёрдам олиш учун мурожаат қилмаган. У қизини полиэтилен пакетга солиб, тугун билан боғлаб, боланинг кислород таъминотини узиб, дарёга улоқтирган.
Судланувчи пакет қирғоқдан кўриниб қолганини кўриб, сувга тушиб, ичида бола бор пакетни яна дарёга отган ва жиноят жойини тарк этган. Икки кундан сўнг чақалоқнинг жасади топилган, бир ҳафта ўтиб эса қотилликда гумон қилиниб, аёл қўлга олинган.
Кўпроқ @muxim_xabarlar
