Шавкат Мирзиёев Жиззах вилоятида саноатни ривожлантириш ва қайта тикланувчи энергия манбаларини кўпайтириш масалалари бўйича йиғилиш ўтказди.
Президент жорий йилда вилоят саноатини 14 фоизга ошириш имконияти борлигини таъкидлади. Бунинг учун 750 млн долларлик 10 та йирик лойиҳа ва 580 млн долларлик 110 та ҳудудий саноат лойиҳаси бажарилиши қайд этилди. Уларда 7 минг 500 та янги иш ўринлари яратилади.
2023 йил қурилиш материаллари бўйича 460 млн долларлик 31 та лойиҳани ишга тушириш вазифаси қўйилди.
Жиззах вилоятида камида 2 минг МВт қайта тикланувчи энергия манбалари учун салоҳият борлиги таъкидланди. Бундан фойдаланиб, 270 МВт қуёш энергияси қувватлари ишга туширилиши айтилди. Бунинг ҳисобига 236 млн кВт соат ишлаб чиқарилиб, танқислик ортиғи билан қопланади, жами 71 млн куб метр газ тежалади.
@muxbirdaliev
