Мустақиллик бу - ҳуқуқ! Ўз ҳуқуқига, эркига эга бўлган одамгина мустақилликни хис қила олади. Унда тобъеликка мойиллик бўлмайди. Давлат тўғрисида ҳам шундай дейиш мумкин. Ҳуқуқ учун, эрк учун давлатлар ҳам курашади.
Мустақиллик бу - кураш. Яшаш учун, яшаб қолиш учун кураш. Миллатнинг яшаб қолиши учун, давлатнинг яшаб қолиши учун кураш.
Кураш фақат қўлда қурол билангина эмас, кураш онгда бўлиши керак. Инсон ўзини онгида ўз ҳуқуқи, эрки учун кураша олиши керак. Мустақилликни онгда шакллантириш, юракдан ҳис қилиш керак.
Очликка рози бўлиш мумкин, омалекин қулликка, тобъеликка асло тоқат қилиб бўлмайди! Бир бурда нонни ҳам ўз уйингда, ўз эркингда, ўз инон-ихтиёринг билан ейишинг керак.
Мустақиллик бу - озод юрт, озод Ватан, озод фарзанд, озод келажакдир. Билимли ва қўрқмас авлоддир!
Илоҳим юртимизга кўз тегмасин, мустақиллигимиз абадий бўлсин!
Мустақиллик байрами муборак бўлсин!
@muxbir1
