Қайта тикланган Тошкент халқаро кинофестивалига ҳам оз қолди. Кеча Киночилар уйида кинофестиваль арафаси баландлиги 14 метр, кенглиги 29,5 метр бўлган DCP форматдаги экраннинг тақдимоти ўтказилибди. Киночилардан янгиликнинг зўри бўлибди. Қачонгача эски экранларда фильм кўрамиз. Таниқли режиссёр Рустам Саъдиев томонидан суратга олинган "Барон-2. Соғинч" фильмининг катта премъераси шу экранда намойиш қилинибди.
— Киночилар уйига жами 5 та экран жойлаштирилади. Эртадан бу ерда Мустақиллигимизнинг 31 йиллигига бағишланган байрамолди намойишлари бошланади. Кинотеатр юртимиз аҳолиси ва меҳмонлар учун очиқ, — деган Кинематография агентлиги Бош директори Фирдавс Абдухолиқов.
— “Барон-2: Соғинч” фильмининг МДҲ мамлакатлари ичидаги ягона бўлган энг катта DCP форматдаги экран орқали премьера қилингани мени хурсанд қилди. Актёр сифатида ҳам, режиссёр сифатида ҳам бу мени жуда руҳлантирди, – дебди фильм бош рол ижрочиси Фарҳод Маҳмудов.
Киночиларнинг ўзи ҳам хурсанд бўладиган воқелик бўлибди.
