2022-08-14 18:16:00
#тафаккур_вақти
Султон ва 99 қоида
Султон вазирини ҳузурига чақириб сўрайди: Менга хизмат қилаётган хизматчим ҳаётда мендан кўра бахтлироқ эканини кўряпман, ҳайронман, сабаби нимада? Унинг ҳеч нарсаси йўқ, Мен эса султонман, ҳамма нарсага эгалик қиламан, лекин менда унингдек тинчлик ва роҳат йўқ.
Буни эшитган вазир жавоб беради: Эй султоним, сен унга 99 қоидасини ишлат! Султон: «99 Қоида қандай бўлади?
Кечаси 99 та тиллани ҳамёнга солиб, эшик олдида қолдиринг ва “Бу 100 тилла сизга совға” деб ёзинг, кейин эшикни тақиллатиб, нима бўлишини томоша қилинг. Султон қизиқиб вазир айтганини қилди.
Хизматкор эшикни очиб, ўнгга, чапга қараб, тиллаларни олади. Олтин тангаларни ҳаяжон билан санади, бироқ битта тилла кам эканлигини кўриб, “Ташқарида, қаёққадир тушиб кетган шекилли”, деб ўйлади ва болалар билан йўқолган тиллани қидира бошлади.
Тун бўйи йўқолган тиллани изладилар, қарамаган кўча қолмади, Лекин беҳуда эди.
Эртаси куни эрталаб, хизматкор хафа бўлган ва ўйчан эди. Чунки у йўқолган тиллани излаб тун бўйи ухламаган эди. У султон ҳузурига ғамгин, бахтсиз, норози кайфиятда борди. Шундай қилиб, Султон 99 қоидасининг маъносини билиб олди:
Худди шунга ўхшаб, баъзида Аллоҳ таолонинг бизга берган 99 неъматини унутиб қўямиз. Кейин умримизни ўша "йўқолган" неъматни излаш билан ўтказамиз. Ҳолбуки, ўша неъмат биз билмаган баъзи ҳикматлар туфайли бир синов, балки ундан яхшиси бўлиши мумкин ёки охиратда берилиши мумкин.
Лекин биз 99 неъматни кўрмай, ўша “йўқолган” нарсага интиламиз. Кейин топа олмагач, ўзимизни бахтcиз, нотинч, маъюс қилиб, ичимиздаги неъматларни унутиб қўямиз.
Тўқсон тўққиз неъматдан баҳраманд бўлайлик, Аллоҳнинг чексиз неъматларига шукр қилайлик. Шубҳасиз, шу шукроналик билан неъматларимиз янада кўпаяди. Аллоҳ берган неъматларига ҳамд айтиш неъматни зиёда қилади деган олтин қоида бор.
@azon_official
1.3K viewsBest2all, 15:16