Бу қўшиқни илк бор янграганига 22 йил бўлди. 22 йилда қанча ўз | Ziyolilar kanali

Бу қўшиқни илк бор янграганига 22 йил бўлди. 22 йилда қанча ўзгаришлар бўлди, қанча сувлар оқиб ўтди, қанча шаҳарлар қад ростлади.
Ўшанда Мустақиллик байрамларида сўнгги қўшиқ ким томондан айтилиши жуда муҳим эди. Ўша, ўша энг зўр қўшиқни ким айтади, байрам тантаналарига кимни қўшиғи якун ясайди... Интиқлик билан кутиларди. Бу байрамларни ёшу қари ҳамма телевизорда қайта қайта кўрарди.
"Адойинг бўлгаймиз сени" халқни бирлаштирадиган қўшиқ бўлди. Уни ёшу қари ёд олди. Шундай йиллар бўлдики, бу қўшиқ мазах қилиниб ҳам айтилди. Лекин... йиллар ўтиб, халқимиз учун бу қўшиқ ўзига хос мадҳияга айланди.
Хуллас бугун байрам сўнгида бу қўшиқни қайта эшитар эканман, ўша илк бўлмасада, анча узоқда қолган мустақиллик кунларини эсладим.
Оқ йўргакка ўрагансан, ўзинг бизни...
Оқ ювиб оқ тарагансан ўзинг бизни...
Бешигимиз узра бедор она бўлиб,
Кунимизга ярагансан ўзинг бизни..
Адойинг бўлгаймиз сени, Ўзбекистон.
Фидойинг бўлгаймиз сени Ўзбекистон...
Ушбу ўзига хос Мадҳиямиз янграйверсин, юртимиз гуллаб яшнасин!