Холимиз сўрабсиз... -Яхшимиз... Юзимиз эгаллаб турибди, Кулгу | AYOLLAR KANALI
Холимиз сўрабсиз...
-Яхшимиз...
Юзимиз эгаллаб турибди,
Кулгудан чизилган нақшимиз...
Қалбимиз ким очиб кўрибди,
Холимиз сўрабсиз... -Яхшимиз...
Юрибмиз кун каби ёришиб,
Гоҳида ташвишга қоришиб,
Баъзида ғам билан олишиб,
Холимиз сўрабсиз... -Яхшимиз...
Пешона эканда начора,
Куламиз дилимиз садпора,
Қилмаймиз дардимиз ошкора,
Холимиз сўрабсиз... -Яхшимиз...
Кун ўтар бир текис бир хилда,
Озор бор гоҳ танда гоҳ дилда,
Юракда бошқамиз лек тилда,
Холимиз сўрабсиз... -Яхшимиз...
Кам эмас биз каби хокисор,
Ким меҳр яна ким бахтга зор,
Ҳамманинг айтилмас дарди бор,
Холимиз сўрабсиз... -Яхшимиз...
Ёш эмас чанглардан кўзда нам,
Одамзод бошида турфа ғам,
Жимдирмиз минг озор кўрсак ҳам,
Холимиз сўрабсиз... -Яхшимиз...
Бизларга ҳаммаси ярашар,
Билмаслар ҳавасла қарашар,
Қачондир чиндан хол сўрашар,
Холимиз сўрабсиз... -Яхшимиз...
Юзимиз эгаллаб турибди,
Кулгудан чизилган нақшимиз...
Қалбимиз ким очиб кўрибди,
Холимиз сўрабсиз... -Яхшимиз...
Зоҳид Зиё...
Яқинларга улашинг
@DIYDOR_SHIRIN
