Намоз ўқимаслик, ёлғон гапиришлик гуноҳ эканлигини билсам ҳа | Muslimaat.uz
Намоз ўқимаслик, ёлғон гапиришлик гуноҳ эканлигини билсам ҳам қилавераман, бундай иллатдан қутулиш учун нима қилсам бўлади?
Ассалому алайкум! Мен 17 ёшдаман. Намоз ўқимайман, ўқий олмайман. Бугун ўқийман, эрта ўқийман, индин ўқийман, деб юравераман. Қуръондан 2 пора ёдлаган эдим, аммо бир сурани ёдласам, олдинги сураларим эсимдан чиқиб кетар эди. Ёдлашим жуда қийин. Қийналиб кетганимдан охири 2 порани топширганимдан сўнг ёдламай қўйдим. Ўзим бенамозларни динга хилоф иш қилаётганларни кўрсам, жаҳлим чиқиб кетади, уларга намоз фарзлигини тушунтираман, динимни инсонларга чиройли тушунтиришга ҳаракат қиламан, дин бўйича саволларим бўлса, дарров уларга жавоб олмай қўймайман. Намоз ўқишни қандай бошлай? Бундан ташқари кўп ёлғон гапираман. Баъзан ўзим ҳам сезмай қоламан ёлғон гапирганимни. Намоз ўқимаслик, ёлғон гапиришлик гуноҳ эканлигини билиб турсам ҳам қилавераман. Маслаҳат беринг. Аллоҳ рози бўлсин!
Психолог:
– Ваалайкум ассалом. Намозингиз бўлмаса, ҳаётингизда мазмун бўлмайди. Одам ўзи намоз ўқимай туриб намоз ҳақида бировларга гапириши уни мунофиққа айланиб қолишига олиб келади. Аллоҳ асрасин. Шунинг учун гапларингизга аввал ўзингиз амал қилишингиз керак. Истиғфорни кўп-кўп такрорлаб туринг. Ёлғон гапираётганингизда охиратда бу учун жавобини беришингизни ўйлаб, сукут сақлашни ўзингизга одат қилиб олинг. Муҳитингизни ўзгартиринг. Ибодатли, илмли одамлар даврасида кўпроқ бўлишга ҳаракат қилинг. Валлоҳу аълам.
#САВОЛ_ЖАВОБ
Савол бериш учун:Savollar.muslimaat.uz
T.me/muslimaatuz
