​​Қизим бақириб йиғлашга одатланиб қолди Ассалому алайкум! Ме | Muslimaat.uz

​​Қизим бақириб йиғлашга одатланиб қолди

Ассалому алайкум! Менинг саволим фарзандим тўғрисида. Қизим икки ярим ёш, яқинда сингилли бўлди, характери яхши, лекин кўпинча озгина дакки берсам, бақириб йиғлашни одат қилиб олган. У кўпинча болалар билан киришиб ўйнамайди, бирор даврага кирса, ҳеч ким билан кўришмайди, лекин яхши гапиради. Бундай ҳолатда қандай йўл тутсам бўлади?

Жавоб:
– Ва алайкум ассалом! Фарзандингиз ҳали жуда кичкина экан. Болалар билан киришиб ўйнамаслиги бу генетик томондан бўлиши ҳам мумкин. Ёки Аллоҳ таоло берган хулқ бўлиб, босиқ ва уятчан бўлиши мумкин. Энг асосийси, уришиб-талашиб, жанжал қилмас экан! Демак, хавотирга ўрин йўқ. Айниқса, сингилли бўлганидан кейин барчанинг эътибори чақалоққа қаратилгач, ундаги айрим ўзгаришларни тўғри қабул қилишингиз лозим. Унга эътибор қарийб эллик фоизга камайгач, янги меҳмонга адаптация қилиши учун ҳам унга вақт керак бўлади. Хулқидаги ўзгаришларига сабр қилинг. Сиз унга меҳр беришда давом этсангиз кифоя, ваҳимага асло ўрин қолмайди.

Мутахассис Нилуфар Раҳимова жавоб берди.

#САВОЛ_ЖАВОБ
Савол бериш учун: savollar.muslimaat.uz
T.me/muslimaatuz