ДУОИБАД ҚИЛМАНГ БОЛАНГИЗ! Ёшлигим эсимда... Кўчада. Болалар ж | Muslima ona kundaligi
ДУОИБАД ҚИЛМАНГ БОЛАНГИЗ!
Ёшлигим эсимда... Кўчада.
Болалар жам бўлиб ўйнардик.
Қий- чувлашиб, тўполон қилиб.
Бақир- чақир қилиб қувнардик.
Оналар бўлишиб хўп безор.
Тартибга чақирар жимгина.
Агар танбехлар кор қилмаса.
Қарғашга ўтиларди тезгина.
" Йигит ўлгур!", "Жувонмарг бўлгур!".
"Бўйгинанг лаҳадда чирисин!".
"Кўзингга бўз тупроқлар тўлиб".
"Оғзигинангдан қонинг келсин!".
"Қирчинингдан қийилиб кетгин!".
" Бошингни е, башаранг қурсин!".
" Ҳа бўйнинг узулгур!". Войдод!
Ундан кўра шапалоқ урсин!.
Наҳотки ялтироқ тишларнинг.
Орасидан чиққан шу сўзлар?
Гар айтилмасада чин дилдан.
Хунук, қўпол, ёқимсиз сўзлар
Ҳозирда шуларни эсласам.
Этларим кетади жимирлаб.
Ким чиқарган экан қарғишни?
Тагига етолмайман ўйлаб.
Беадад шукрки қарғишлар.
Тарихдек ўтмишда қолдилар.
Оналар, бувилар ниҳоят.
Қарғиш ёмонлигин билдилар..
Қарғиш- бу тилимиз офати.
Дуонинг ёмони, даҳшати.
Фаришта Омийн деб юборса.
Тузатиб бўлмас оқибатин.
Росулуллох( с.а.в.) таълим берганлар.
"Қарғаманг молингиз, жонингиз.
Ўзингиз ва ёки кимнидир.
Айниқса фарзанд- болажонингиз".
Ҳар кунда бир ажиб фурсат бор.
Дуоларинг қабул бўлади.
Қарғиш шу фурсатда бўлсачи.
Омийнларга тушиб қолади.
Шайтоннинг сўзига бўй суниб.
Ҳеч кимни қилманг дуоибад!
Унутинг бу хунук сўзларни!
Қарғиш зора йўқ бўлса абад!
Қарғиш олган бола унмайди.
Шуни дўстим ёдизда тутинг!
Фарзанд- Аллохнинг омонати!
Дилингиз, тилингиз пок тутинг!
Дуо билан улғайсин бола.
Қарғиш олиб сўлиб қолмасин.
Ўғри, номард, ёлғончи инсон.
Ё маттаҳам бўлиб қолмасин!
"Ҳа, қори бўлгур!" денг болага.
"Ҳа, бўйгинанг чўзилгура" денг.
"Олим бўлгин!" , "Одам бўлгин!"- денг.
Бу дуолар олтинларга тенг.
Мустажоб бўлсин бу дуолар.
Қарғиш олмай ўссин болалар.
Мастура эл учун дуода.
Қўшилинг азизлар, оналар!
Мастура ҳожи она
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@metrikafoto
@love_ifor
