MUSLIM VA MUSLIMALAR UCHUN

2022-10-08 12:01:20 АЁЛ ОХИРАТДА КИМ БИЛАН БИРГА БЎЛАДИ?

Машҳур саҳоба Абу Дардо розияллоҳу анҳу ўлим тўшагида. Севикли завжаси Умму Дардо унга деди:
- Шу дунёда менга совчи қўйдингиз. Ота-онам сизга никоҳлаб беришди. Мен энди охиратда сизга совчи қўяман. Раббимдан сизни сўраб оламан.
- Ундай бўлса мендан кейин ҳеч кимга эрга тегмагин!—деди Абу Дардо розиялллоҳу анҳу.

Абу Дардо қазо қилди. Муовия ибн Абу Суфён розияллоҳу анҳу унинг хотинига совчи қўйди. Умму Дардо эри билан бўлиб ўтган суҳбат ҳақида Муовияга айтиб, турмуш қурмаслигини билдирди. Муовия розияллоҳу анҳу Умму Дардога: "Ундай бўлса сиз кўпроқ рўза тутиб юринг. Чунки рўза шаҳватни синдиради, никоҳ истагини сўндиради"—деб маслаҳат берди.
“Адуб ан-ниса”. 271–Б.

Аёл киши дунёда энг охири кимнинг никоҳида бўлган бўлса, охиратда ҳам (агар жаннат иккисига ҳам насиб этса) ўша сўнгги эри билан бирга бўлади!

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-08 11:57:59 ҚАБРИСТОНГА БОРИБ, МОЗОРЛАРГА ҚАРАНГ...

Шифокор ҳузурига безовталикдан шикоят қилган хаста-бемор келди. Бажариши зарур бир дунё юмуши борлигини, лекин улгура олмаётгани, ишлар эса кутиб турмаслигини куюниб айтди.
Доктор сўради:
«Бу ишларни бошқа биров қила олмайдими? Ёки биронтаси ёрдам берса-чи?»
– Йўқ, уларни фақат ўзим уддалай оламан. Бошқаси эплашига кўзим етмайди.
«Сизга бир рецепт бераман, – деди доктор.
– Унга тўлиқ амал қилсангиз, даво топасиз».
Бемор рецептни ўқиб, ҳайрон қолди. Унда ҳар куни икки соат сайр қилиш ва ҳафтада ярим кунни қабристонда ўтказиш тавсия этилган эди.
– Сайрни-ку тушундим, лекин қабристон нега керак? – сўради шифокордан.
– Қабристонга бориб, мозорларга қаранг. У ер ўзини ҳаммадан керакли билган одамлар билан тўла. Сиз ҳам қабрга киргач, фақат менгина қодирман, деб ўйлаган ишларингизни бошқалар давом эттираётганига гувоҳ бўласиз...

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-08 11:21:44 Ўшанда ҳали бола эдим.

Онам ишдан ҳориб қайтса-да, ҳар кеч биз учун нон пиширарди. Бир куни вақт алламаҳал бўлган, онаизорим шоша-пиша биз учун кечки овқат тайёрларди.

Бир оздан кейин у отамнинг олдига овқат ва нон қўйди. Менинг икки кўзим нонда эди. Кимдир ноннинг куйганига эътибор берармикан деб кутиб турдим.

Лекин отам нонни индамасдан чайнади ва мендан мактабдаги куним қандай ўтганини сўради. Ўша кун унга қайтарган жавобимни эслай олмасам ҳам, овқатдан кейин волидамнинг отамга нон бир оз ўтиб кетганини минг хижолат билан айтгани кечагидек қулоғим остида.

Отам ўша куни жилмайиб туриб, онамга: “Азизам, куйган нон менга ёқади-ку”, деди. Ухлашдан олдин отамга хайрли тун тилаш учун унинг олдига кирдим ва ундан куйган нонни ростдан ҳам яхши кўриш-кўрмаслигини сўрадим. Отам мени бағрига босиб, қаттиқ қучоқлади.
— Ўғлим, онанг кун бўйи ишлаб, жуда чарчаган. Бир марта куйган нон есам, менга ҳеч нарса бўлмайди. Лекин ёмон сўз онангни ранжитган бўлар эди, — деди.

Биз барчамиз хом сут эмган бандалармиз. Кези келганда муҳим саналарни, зарур нарсаларни, бурчларимизни эсдан чиқариб қўямиз. Шунча йиллар мобайнида ўрганган нарсам шуки, бир-биримизнинг камчиликларимиз билан қабул қилишимиз керак. Чунки ҳаёт афсуслар билан уйғониш учун жуда ҳам қисқалик қилади.

Доктор Абдул Қалам

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-08 11:16:16 Отажоним...

Ҳар бир карвон бошида бир сарбон бўлар,
Ўша сарбон карвонларга посбон бўлар,
Сизга атаб шеърлар ёзсам достон бўлар,
Ҳаётимга сарбонимсиз Отажоним...

Армонларинг қаршисида бош эгмаган,
Синовларнинг қаршисида бош эгмаган,
Аламларнинг қаришисида бош эгмаган,
Ғурурлари осмонимсиз Отажоним...

Болам дея ҳалол луқма тишлатганим,
Насиҳатла юрагимни хушлатганим,
Қўл узатсам юлдузларни ушлатганим,
Умидимсиз имконимсиз Отажоним...

Милкларингиз тишларидан жудо бўлди,
Белларингиз кучи биз деб адо бўлди,
Бугун шу сўз юрагимдан садо бўлди,
Энг покиза виждонимсиз Отажоним...

Ҳассаларни ушлатмайман қўлингизга,
Вужудимни гилам қилай йўлингизга,
Борингизнинг ўзи давлат ўғлингизга,
Тугаб битмас бойлигимсиз Отажоним...

Ёнимдасиз керак эмас менга дунё,
Дунё нима бир ён сароб бир ён рўё,
Фахр билан ашъор битди Зоҳид Зиё,
Уйим кўрки бир файзимсиз Отажоним...

Ҳар бир карвон бошида бир сарбон бўлар,
Ўша сарбон карвонларга посбон бўлар,
Сизга атаб шеърлар ёзсам достон бўлар,
Ҳаётимга сарбонимсиз Отажоним...

Муаллиф: Зоҳид Зиё...

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-08 06:26:37 Aссалому алайкум. Шанба тонги муборак бўлсин!

Асл саодат нафас олиб турган ҳар онимизга шукр қила олишдир...
Бугун ҳам шукр ва зикрга бой кун бўлсин!

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-07 06:42:32 Жума кунининг суннатларидан бири Пайгамбаримизга куп саловот айтишдир.

اللهم صل وسلم وبارك عليه

"АЛЛОҲУММА СОЛЛИ ВАСАЛЛИМ ВА БААРИК ЪАЛАЙХИ"

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-06 19:14:54 ХАЙРЛИ ТУН

Аллоҳнинг бандасига берган энг яхши неъмати - инсонларнинг бир бирига бўлган мехр-муҳаббатидир. Бу шундай инъомки, уни дунёдаги барча бойлик эвазига ҳам сотиб олиб бўлмайди.

Аллоҳнинг бу инъомидан бахраманд бўлиб яшаш ҳар бандага насиб қилсин!

Хотиржам калб билан уйкуга кетишни истасангиз -уйкудан аввал хаммани кечиринг!

Хайрли тун азизларим.
Аллоҳга омонатсиз


АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-06 15:47:52 ҲОЖИ ҚИЛМАГИН МАЙЛИ...

Қарияпман кун ўтган сайин,
Энди ётиб қолмоғим тайин,
Қийин бўлди,онанга қийин,
Қийнаб бағрим тилмагин болам,
Майли Ҳожи қилмагин болам.

Сиқаяпти кундан кун нафас,
Қўрқма олтин қаср керакмас,
Ўн кунда бир хабар олсанг бас,
Қийнаб бағрим тилмагин болам,
Майли,Ҳожи қилмагин болам.

Ёш пайтингдай чиқариб қанот,
Кел ўзингни қучоғимга от,
Бир кечага онанг билан ёт,
Қийнаб бағрим тилмагин болам,
Майли Ҳожи қилмагин болам.

Қўрқаяпман кўрмай қолишдан,
Оёқ тортиб,юрмай қолишдан,
Бош ололмай қолдим болишдан,
Қийнаб бағрим тилмагин болам,
Майли,Ҳожи қилмагин болам.

Ташвишларинг ўтга солдими,
Ё ҳаёлинг бойлик олдими,
Беш кунлигим ўзи қолдими,
Бир бор тингла дилдаги нолам,
Майли,Ҳожи қилмагин болам.

Мактуба ШАЙДО

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-06 15:45:39 БИР КИШИ АЙТАДИ:
Дадамнинг кўнгиллари хар не истаса мухайё қилдим, не тусаса топиб келдим. Бундан доим кафтларини дуога очиб "Аллоху Акбар" деб қўярдилар. Волидам "Ўғлингизни тузукроқ дуо қилиб қўйсангиз яхши бўларди, ахир сизнинг кўнглингизни топиш, дуоингизни олиш учун қўлидан келгани қадар харакатни қилмадими!?" дердилар. Дадам эса бунга жавобан "Аллоху Акбардан хам яхшироқ дуо борми? Каломнинг буюги шу эмасми!?" деб қўярдилар. Шу зайл бир неча йиллар давом этди. Бир кун атрофда йўқ бир нарсани истаб қолдилар. Мен қийинчиликлар билан топиб келдим. Шунда қўлларини дуога очдилар-да, "Эй Бор Худо-ё! Сен гувох бўл, мен фарзандимдан розиман, Сен хам рози бўл..." деб узундан узоқ дуо қилдилар. Мен кўзларимда ёш билан "Омийн, Омийн" деб турдим...
Ўша кундан ишларим мисли кўрилмаган даражада ўзгариб кетди, мен бундай холатни аввал кўрмагандим. Дадамнинг илтижолари Хаққа етганди...
Ва энди, эй Қадрдоним, сухбатдошим, мен шундан билдим-ки, дуонинг ижобати отанинг ризосида эди!
Уларнинг хизматин қилинг, онангизни розилигин олинг, қўлларин ўпинг, хар турли дуогўйларни топарсиз, аммо, бундай қўллар ўринбосарларин учратмассиз!
Огох бўлинг! Бу икки кишини йўқотсангиз қайта бундай мушфиқларни тополмассиз!...

Салим Айюбий

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash

2022-10-06 11:17:37 Қидиринг мени...

Мен бугун кетаман бир манзил томон,
Кетмасам бўлмайди аҳволим ёмон,
Қайда деб қалбингиз қийнаса гумон,
Онамнинг кўнглидан қидиринг мени...

Борлиқдан минг бора гўзалроқ маскан,
Гуллар ҳар қадамда ястаниб ўсган,
Мехри армонларнинг ҳанжарин тўсган,
Онамнинг кўнглидан қидиринг мени...

Тўрт фасл бир бўлиб яралаган баҳор,
Қуёшни эркалаб уйғотар наҳор,
Сув эмас мехрга лиммо-лим анҳор,
Онамнинг кўнглидан қидиринг мени...

Чарчатди дунёнинг изтироблари,
Домига тортади ғам гирдоблари,
Борай қарши олсин бахт гулоблари,
Онамнинг кўнглидан қидиринг мени...

Қалби гўзаллиги маълум инсоним,
Тафти қуёшдайин мехри осмоним,
Аввалроқ кетардим бўлса имконим,
Онамнинг кўнглидан қидиринг мени...

Унинг осмонлари зулматга чўммас,
Зарра ноҳақликка алдовга кўнмас,
Жуда ҳам чарчадим кетмасам бўлмас,
Онамнинг кўнглидан қидиринг мени...

Мен фақат у ерда сокин бўламан,
Ғамгамас қувонча тўкин бўламан,
Ҳозироқ кетмасам гулдай сўламан,
Онамнинг кўнглидан қидиринг мени...

Ҳеч кимга индаманг кетганларимни,
Гўзал бир манзилга етганларимни,
Дунёдан сир сақланг айтганларимни,
Онамнинг кўнглидан қидиринг мени...

Борлиқдан минг бора гўзалроқ маскан,
Гуллар ҳар қадамда ястаниб ўсган,
Мехри армонларнинг ҳанжарин тўсган,
Онамнинг кўнглидан қидиринг мени...

Муаллиф: Зоҳид Зиё...

АЛБАТТА ЎЗ ЯҚИНЛАРИНГИЗ БИЛАН ҲАМ УЛАШИНГ

Каналга аъзо бўлинг
https://t.me/joinchat/AAAAAEeFhjsyO5K84RjQLg Ochish/sharhlash