2022-06-22 21:33:11
Nima uchun musiqa buzuqlik hisoblanadi?
Musiqani buzuqlik va faxsh tarqatuvchi ekanligida aslo shubha yo‘q va bunga yetarlicha sabablar bor. Hozir esa imkon qadar sabablaridan faqat bittasini yoritib berishga harakat qilaman.
Musiqa tinglash va kuylash o‘ta rivojlangan zamonda yashayapmiz, deyarli har kuni bu buzuqlikni yangi turi chiqadi va asta sekin ommalashib boradi.
Biroq qanday turda bo‘lishidan qat‘iy nazar har qanday musiqa ko‘pi bilan 2-3 yil davomida "hit" bo‘ladi. Vaqt o‘tgach o‘rniga yangilari chiqadi, odamlar bitta qo‘shiqni qayta va qayta eshitishdan zerikishadi. Bir paytlar hit bo‘lib hammaning qalbidan joy olgan qo‘shiq, oz fursatdan so‘ng arxivda saqlaniladigan va ba‘zi - ba‘zida kimdir yoshlik xotiralarini yodga olgisi kelib qolsagina eshitadigan bo‘lib qoladi.
Allohni Kalomi bo‘lmish Qur‘on oyatlari esa bu qo‘shiqlarga zid ravishda 15 asrdan buyon bir harfi ham o‘zgarmay qayta va qayta tilovat qilinadi. Kalomullohni qalbi bilan tinglagan har qanday inson uni yana eshitgisi kelaveradiki, aslo undan zerikmaydi.
Yoki siz biror bir insonni "
Namozda hadeb birinchi "Fotiha" surasini o‘qishdan zerikdim, endi boshqa sura bilan boshlayman" deganini eshitganmisiz?! Yo‘q! Allohning kalomini hatto bitta oyatini ulamolar turli xil tafsir qilishadi, ammo haligacha undagi ma‘no, go‘zallik, balog‘atu-fasohatni tubiga yeta olishmaydi.
Qo‘shiq eshitishga mukkasidan ketgan "
musiqa jinnisi" bo‘lgan insonlar bora-bora birxillikdan zerikadigan va doimo barcha narsani yangisiga intiladigan bo‘lib qolishadi. Chunki ular hech qachon bitta qo‘shiqni yillab eshitishmaydi, har doim yangi turini izlashadi. Ba‘zan rok eshitishsa ba‘zida rep aytib yurishadi, "siqilgan", "hayotdan hafa" vaqtlarida esa sokin klassika eshitib shiftga tikilib yotishadi.
Mana shu xilmaxillikka ko‘nikib qolgan qalb birxillikdan bezor bo‘ladi, unga hamma narsa doimo yangilanib turishi kerak. Yangi qo‘shiq, yangi kiyim, yangi mashina, yangi uy va hkz. Asta sekin bu narsa qadriyatga aylanib boradi. Atrofidagi odamlardan zerikadi va yangi do‘stlar, davralar qidiradi.
Eng yomoni esa bunday qalb egasi xoh u erkak bo‘lsin xoh ayol kishi, bora-bora halolidan zerika boshlaydi hamda qalbi nomahramlarga talpinaveradi. Erkak kishi bo‘lsa uyida o‘z jufti haloli bo‘la turib ham qalban boshqa ayollarga intilaveradi, chunki birxillikka o‘rganmagan, unga hamma narsa o‘zgarib turishi kerak. Ayollarda ham huddi shunday.
Ko‘rdingizmi?!
Musiqa - buzuqlik, faxsh va zino targ‘ibotchisi! Qalbimizga nazar solaylik, unga bu buzuqlik kirib o‘rnashishiga yo‘l qo‘ymaylik! Musiqa eshitishni bas qilaylik!
Alloh har birimizni bu illatdan omon saqlasin. Allohumma Amin.
Fathiyya Nabijon
t.me/fathiyyanabijon
1.7K views18:33
𝑺
