"МУШТУМ" журнали расмий канали

2022-07-04 13:03:00 Рассом Ҳусан СОДИҚОВ

Каналга обуна бўлинг
https://t.me/mushtumjurnali Ochish/sharhlash

2022-07-04 10:41:01 Ochish/sharhlash

2022-07-01 12:32:38 ҚАЙНОНАЛАР ПАРАДИ

Бир кун аввал каналимизда “Келинлар фестивали” ҳақда шеър берган эдик, кўплаб қайноналардан шикоят тушди. Ва суюкли қайноналарни ҳам ўкситмаслик мақсадида қуйидаги шеърни чоп этишни лозим топдик.


Тонналаб ош дамлайсиз,
Қулоч-қулоч кабоблар.
Мақтанишга, эрмакка
Топилар кўп сабаблар.

“Пицца”, “Лаваш”, “Музқаймоқ”,
“Сомсаларнинг додаси”:
Ким ўзар қуриб кетсин,
Қуриб кетсин модаси.

Театрда “Келинлар
қўзғалони” бўларди.
“Келинлар фестивали?!.” –
Қайси хумпар чиқарди?

Олмаларга қурт тушса,
Бир бирига ўтаркан!
Эшак қолса эшакдан,
Қулоғини кесаркан.

Ўғил туғиб ўстирдик,
Қадди қомат энкайиб,
Келинлар парад қилса,
Турамизми мунғайиб?!

Асло!..
Қараб турмаймиз!
Келинлар қараб турсин!
Асли ўғил ўстирган
Қайнона парад қилсин!..

Рассом Ҳусан СОДИҚОВ

Каналга обуна бўлинг
https://t.me/mushtumjurnali Ochish/sharhlash

2022-07-01 09:57:46 Яп-янгисидан бор!

ҲОКИМ ВА ЖУРНАЛИСТ

ҲОКИМ:
– Бизнинг туманимизда ишсиз одам қолмади ҳисоб.
Кредитлар вақтида берилмоқда.
Йўл, ичимлик суви, газ, светдан умуман муаммо йўқ.
Аҳоли мамнун ва бахтиёр.

ЖУРНАЛИСТ:
– Яшанг, Ҳанс Ҳристиан Андерсен жаноблари!

Низомиддин МАДРАҲИМОВ

Каналга обуна бўлинг
https://t.me/mushtumjurnali‌‌ Ochish/sharhlash

2022-06-30 11:43:00 Телеграмдаги мухлислар ижодидан

ПАШШАНИНГ СЕВГИСИ
(Масал)

Пашша севиб қолибди
Бир кўришда Бургани.
Борар эмиш эрта тонг
Севгилисин кўргани.

Қанча уринса ҳам, лек
Ҳеч Бургага ёқмади.
Бурга карашма билан
Бир қайрилиб боқмади.

Чунки Тиллақўнғизни
Севар экан-да Бурга.
Учрашувга, сайрга
Чиқар эмишлар бирга.

Буни билиб Пашшавой
Қасд қилибди жонига:
Чўктирибди ўзини
Мураббонинг комига.

Алишер ЭРГАШЕВ

Каналга обуна бўлинг
https://t.me/mushtumjurnali Ochish/sharhlash

2022-06-30 08:44:43 Рассом Ҳусан СОДИҚОВ

Каналга обуна бўлинг
https://t.me/mushtumjurnali Ochish/sharhlash

2022-06-29 15:01:50 КЕЛИНЛАР ФЕСТИВАЛИ

Озғинлар ва дўмбоқлар,
Чиқишар келса гали.
Қандингни ур, бўйдоқлар,
Келинлар фестивали.

Сенга керак қандай қиз?
Шакарими, асали?
Мана сенга сюрприз,
Келинлар фестивали.

Отни қамчила банда,
Омад кулган маҳали.
Исмлар барабанда,
Келинлар фестивали.

Иккинчи июль – сана,
Таксига ўтир, жўна.
Буёғи "Жана-Жана",
Келинлар фестивали.

Илойим бахтингни топ,
Тўй қил ва қўша қари.
Ўйланма жаққа жавоб,
Келинлар фестивали.

Низомиддин МАДРАҲИМОВ.
Фарғона вилояти, Данғара тумани

Рассом Ҳусан СОДИҚОВ

Каналга обуна бўлинг
https://t.me/mushtumjurnali Ochish/sharhlash

2022-06-29 11:35:53 Рассом Фаррух ТЕШАЕВ

Каналга обуна бўлинг
https://t.me/mushtumjurnali Ochish/sharhlash

2022-06-29 08:40:33 БИР “МУҲАББАТ” ХУСУСИНДА

Умрим ўтиб кўрмагандим бундай хотин шу чоққача,
Бир қарашда қолдим қотиб, музлаб бошдин оёққача.

Лаб – қонталаш, юз – кунталаш, сочлар – ҳабаш, кўз – хунталаш,
Ял-ял ёниб югурмиш зар ёноқдан то қулоққача.

Юрар нозли бир-бир босиб, кўрганни эсдан кетказиб,
Оқ бўйинга олмиш осиб: писка, занжир, таёққача...

Тўсдим йўлини илжайиб, гап қотсам қўйди жилмайиб,
Дедим, жўш уриб, талтайиб: «Борсанг боргум қаёққача...»

О, сизга ўтрик, менга чин, кўринг муҳаббатнинг кучин
(Балки синаб кўрмоқ учун) кетди бошлаб овлоққача.

Вужудим бир титрайди, денг, жигар-бағрим сўтрайди денг,
Тортиб товонимдан томир, яхлаб ичак-чавоққача.

Илкис, у деди чақчайиб: «Аввал чиқаргин ақчани...»
Текширди сўнг, пайпасланиб, липпадан то белбоққача.

Кетмиш оларини олиб, топқанин тўрвоға солиб,
Қолаверибман ажралиб ойнакдан носқовоққача.

Чироқ ёнмайди ичимда, не савдо кечмиш бошимдан
Шомга етмаса пешиндан, «никоҳ»дан «уч талоқ»қача.

Ахир бу қандай маломат, муҳаббатингга минг лаънат,
Энди сўкиб ёзурман хат «Муштум»дан то «Қармоқ»қача.

Холмуҳаммад ҲАСАН

Каналга обуна бўлинг
https://t.me/mushtumjurnali Ochish/sharhlash

2022-06-28 10:43:57 АФАНДИДАН САВОЛ:

Эшагим чилланинг иссиғида роса қийналяпти. Унга қора кўзойнак тақмоқчи эдим. Мабода, бу ҳам “тонировка”га кирмайдими?.. Яна эртага иштарап-пиштарап тўлаб юрмай дейман-да! “Тонировка”га кирса, бу учун қаерга, қанча пул тўлашим керак?.. Жониворга жудаям раҳмим келиб кетаяпти.
Қонун чиқарувчи жаноблар, Сизларнинг ҳам эшагимга раҳмларингиз келсин!..

ЎзМуштАА

Каналга обуна бўлинг
https://t.me/mushtumjurnali Ochish/sharhlash