2020-08-06 13:05:05
Ажойиб янгилик!
Ҳаммага ассалому алайкум! Ижтимоий тармоқларда кислород концентраторлари ҳақидаги жойлаштирган кечаги постимдан сўнг, бу соҳани яхши тушунадиган мутахассис врачлар ва бу борада анча тажрибага эга кўплаб ватандошларимиз менга мурожаат эта бошлашди. Улар биз бошланган хайрли ишга ўз ҳиссаларинини қўшиш истаклари борлигини изҳор этиб, ўз ёрдамларини таклиф қилардилар.
Бир кечанинг ўзидаёқ,
COVID-19 ва зотилжам касалига чалинган беморлар учун ҳаводек зарур кислород концентраторларини бир қанча модельларини пухта ўрганиб чиқдик.
Мақсадимиз камида
5 литр ҳавони
93-96% кислород билан туйинтириб бера оладиган концентраторларни топиб, уни аҳолимизга
инсофли нархларда етказиб бериш эди.
Эрталаб менга яна бир олижаноб йигитлар алоқага чиқишди. Улар
"JUMAO" русумли концентраторларни мамлакатимизга аллақачон олиб киришга улгуришибти. Амалда фойдаланувчилар ишончини оқлаган бу ускуна, махсус тиббий муассасалар ва касалхоналарда ҳам кенг қўлланилаётганини билдик. Айни пайтда шу концентратор Ўзбекистон бозорида
650$ дан 1100$ гача сотилаётган экан. Дўстимиз Искандарнинг айтишларича, бир ҳафта олдин, жуда ночор ва оғир вазиятда бу концентраторни ҳатто 4000$ га ҳам ололмаганлар. Қўнғироқ қилганларида, узр, сотиб юбордик деб айтишибди!
Кеча биз мазкур мосламани ишлаб чиқарувчи завод билан
10 000 дона кислород концентраторларини Ўзбекистонга етказиб беришга шартнома қилдиқ. Бу билан концентраторларни таннархини сезиларли даражада камайтиришга эришдик, чунки мўлжалимиз
400$ эди. Мосламанинг биринчи партияси Тошкентга
5 кунда етиб келишини билдик,
АММО бунча вақт кутишга имконимиз асло йўқ! Минглаб бемор ҳамюртларимизга бу мосламага ҳозироқ, ҳаводек муҳтожлар!
Унда нима қиламиз? Кейин шуни аникладикки, кечаги рейс билан Тошкентга бу концентраторларинг
550 таси кириб келган, аммо уларнинг таннархи биз режалаштирганимиздек 400$ эмас, балки
550$ атрофида.
Яна савол туғилди, унда нима қиламиз?"GSR Logistics" ва
"Whole Pharm" лик олийжаноб дўстларимга бир таклиф бердим ва уларнинг розиликлари билан, шундоқ ҳам қийналаётган аҳолига қимматлик қилмаслиги учун,
нархдаги фарқни (82 500$) биргаликда ўз чунтагимиздан ёпишга келишдик.
Яъни биринчи партияданоқ концентраторларни
4,310,000 сўм (400$) дан сотувга чиқарадиган бўлдик.
Албатта 4,310,000 сум, бозор нархидан
бир неча баравар арзон, лекин барибир кимлардур учун буни харид қилиш имкони йўқ. Шуни инобатга олиб, кўнгиллиларни жалб қилган ҳолда, ҳамкорларимиз билан биргаликда
100 гача концентраторларни молиявий имконияти чекланган инсонларга
БЕПУЛ вақтинчалик фойдаланишга бериб туришни қарор қилдик.
Бугунги кунда биз LeBazar, Express24, Asaxiy.uz, mobilezone.uz, Bringo, Girgitton, XonXonim каби электрон савдо платформалари билан ҳамкорликни ўрнатишга муваффақ бўлдик. Улар ушбу хайрли ишга бажонидил қўшилган ҳолда, мосламани белгиланган
ягона нархда тарқатишда ўз ёрдамларини беришга тайёрлар.
Мана шунақа гаплар, азизлар! Бир савобли ишга энди қўл ўргандик, Парвардигорнинг Ўзи бу хайрли амаллармизда бизни қўллаб-қувватлаб, бизга кўплаб олийжаноб ва саҳоватли инсонларни учраштирди.
#biz_birgamiz
• Бу ажойиб янгиликни дустларингизга хам улашинг
37.2K viewsedited 10:05
M
