ТАРОЗИ (24. 09 — 23. 10) Анчадан бери куч ва имкониятларинги | 🌟Munajjimlar bashorati ⚡
ТАРОЗИ (24. 09 — 23. 10)
Анчадан бери куч ва имкониятларингизни бағишлаган бир тадбирда иштирок этишингиз кутилади. Сиз тадбирда сўз олишингиз ва бу ишингиз билан йиғилганларни ҳайратдан ёқа ушлашга мажбур этишингиз мумкин. Ижодий ёндашиш орқали ишлаб чиқилган лойиҳаларни ҳаётга тадбиқ этиш бугун хайрли кечади. Кечқурун оила қурмаганларни романтик учрашув кутиб туради. Бардам бўлинг! Асабларни эҳтиёт қилинг.
ЧАЁН (24. 10 — 22. 11)
11 январ куни бирданига бир нечта маиший мавзудаги муаммолар ижобий ҳал бўлиши кутилмоқда. Улар турар жой, бошқа жойга кўчиш, меросга эга бўлиш ва иш юзасидан ҳамкорлик қилиш билан боғлиқ бўлиши мумкин. Агар бу йўлда кимдир сизни қонунни бузишга ундаётганини сезиб қолсангиз, жисмоний жиҳатдан жавоб қайтаришга уринманг. Бу муаммони оддий сўзлар билан ҳам бартараф этишга қодирсиз. Кечқурун танишлардан бириникига меҳмон бўлиб боришингиз кутилади.
ЎҚОТАР (23. 11 — 21. 12)
Ўйлаб қўйган ишларингизни амалга ошириш учун сергак ва қатъиятли бўлинг. Бу режаларингиз йиллаб ўз интиҳосини кутиб турган бўлиши мумкин. Уларни бартараф этишда, амалга оширишда қатъиятлилик зарур. Хато қилишга ҳақли эмассиз. Оила қурмаган бўлсангиз, сўзамоллигингиз натижасида ажойиб бир инсон билан танишиб, келгусида муносабатларни романтик кўринишгача етказишингиз тайин.
ТОҒ ЭЧКИСИ (22. 12 — 20. 01)
11 январда сиз ёши улуғ, ҳаётий тажрибаси кўп, сизни чақалоқлигингиздан яхши билганлар қаршисида яна бир маротаба имтиҳондан ўтишингиз мумкин. Тушдан кейин имкон топсангиз, табиат қўйнига йўл олинг. Дам олинг, кўнгил ёзинг. Ўша ерда сиз қўшимча эмоция ва қувончга эга бўласиз. Кечқурун кун давомида эришган муваффақиятлар билан дуч келганга мақтаниш ҳуқуқига эгасиз. Соғлиғингиз панд бера бошласа, албатта мутахассис маслаҳатига амал қилган ҳолда муолажалар олинг.
ҚОВҒА (21. 01 — 19. 02)
Бугун ўзингизга нисбатан янада қаттиққўл бўлинг. Ўзингизни танқид остига олинг. Хавотирланиш, қобилиятингизни ўзгалардан сир тутишни бас қилишингиз тавсия қилинади. Оиласизлар муҳаббатда жиддий муаммога дуч келишлари кутилади. Анчадан бери сирлигича қолиб кетган бир гап ошкор бўлиб, бўлғуси жуфтингиз билан ўзаро муносабатларингиз совуқлашиш эҳтимоли бор. Фақат жаҳдга ҳаддан зиёд эрк берманг.
БАЛИҚ (20. 02 — 20. 03)
11 январ куни сўзлаган сўзларингиз, бажарган ишларингизда беихтиёр хатоларга йўл қўйишингиз мумкин. Бу анчадан бери мириқиб дам олмаганингиз натижаси бўлса керак. Дам олинг. Ёлғиз қолинг. Иш қочиб кетмайди. Шахсий ҳаётда сал сирлироқ бўлинг. Ҳадеганда бўлар-бўлмас гапларни гапириб қўйишдан сақланинг. Кечқурун албатта тоза ҳаво сайрига чиқинг. Имкон бўлса, велосипедда сайр қилсангиз ҳам зиён қилмайди.
