2023-04-22 19:33:53
ТАРОЗИ (24. 09 — 23. 10)
23 апрел куни биринчи навбатда жуфтингиз, оила қурмаган бўлсангиз, танлаганингизнинг сизга нисбатан туйғуларини яна бир бор назоратдан ўтказинг. Лекин эҳтиёт бўлинг, ортга чекинишга уринманг. Бугун яқин бир манзилга сафар уюштирасиз. Бу сафар ҳам, моддий муаммоларни бартараф этиш ҳам муваффақиятли кечади. Баъзилар суд жараёнида обрўли одамлар ва кучли адвокатларни жалб этиш натижасида ютиб чиқишади.
ЧАЁН (24. 10 — 22. 11)
Бугун ҳаддан ташқари инжиқлик, қизиққонлик сизга фақат зиён келтиришини унутманг. Жуфтингизга нисбатан мулойимликни сақлаб қолишга ҳаракат қилинг. Тадбиркорлар интернет орқали янги ҳамкорлар топишлари кутилади. Кечқурун уйингизга меҳмонлар ташриф буюриши мумкин. Ғийбатчилар, ҳасадгўйлардан нарироқ бўлинг. Куннинг иккинчи ярмида шахсий автомобилингизда кўчага чиқмай қўя қолинг, жароҳат олишингиз мумкин.
ЎҚОТАР (23. 11 — 21. 12)
Юлдузлар бугун нафақат сўзларингиз, балки босадиган ҳар бир қадамни ҳам етти ўлчаб бир кесган ҳолда ҳаракатлар содир этишингизни маслаҳат беришмоқда. Оила қурмаганлар учун романтикага эга мулоқотлар муваффақиятли ва ўта ёқимли кечади. Яна такрорлаймиз, бу муваффақият ва ёқимли лаҳзалар фақат ёлғизлар учун, оиласи борлар учун эмас. Кечки пайт спортнинг енгил турлари билан шуғулланишингиз ҳам фойдадан холи бўлмайди.
ТОҒ ЭЧКИСИ (22. 12 — 20. 01)
23 апрел куни сиздан жасурлик талаб қилинади. Бу жиҳат суюкли инсонингиз билан ўзаро муносабатларга яна бир карра ойдинлик киритиб олиш учун керак бўлади. Агар биринчи бўлиб ҳар жабҳада суюклингизга ён бера билсангиз, тўғри иш тутган бўлиб чиқасиз. Бажарадиган ишларингиз аниқлик ва ҳатто қайсарлик талаб этади. Мавқени ошириш ниятида бўлсангиз, ҳали у бахтли кун етиб келганича йўқ.
ҚОВҒА (21. 01 — 19. 02)
Бугун фантазияларга берилмасдан, ҳаётга реал кўз билан боққан ҳолда иш тутинг. Дўстлар, танишлар, ҳамкасблар маслаҳати эмас, ўз ҳаётий тажрибангизга таянган ҳолда олға қадам ташласангиз, кам бўлмайсиз. Кечки пайт жуда қийинчилик билан бўлса-да, молиявий аҳволингизни яхшилаб оласиз. Тижоратчилар 23 апрел куни барча ишдан воз кечиб дам олишга эътибор қаратсалар, эртанги кун учун куч йиғиб олган бўлишарди.
БАЛИҚ (20. 02 — 20. 03)
23 апрел куни юлдузлар сизга ҳар қандай кўринишдаги баҳс-мунозара, жанжалли вазиятлардан қочишни маслаҳат беришяпти. Шундай қилмасангиз, биринчи навбатда саломатлигингизга путур етади, қолаверса, одамлар орасидаги обрўйингиз йўқолади. Шахсий машинангизда ўзингиз яшаб турган ҳудуддан нарига чиқманг, жароҳат олишингиз мумкин. Кечқурун эса ўзингиз ёқтирган машғулот билан банд бўлинг.
5.3K views16:33
M
