ҚЎЙ (21. 03 — 20. 04) Бугунги кунни имкон доирасида тоза ҳав | 🌟Munajjimlar bashorati ⚡

ҚЎЙ (21. 03 — 20. 04)

Бугунги кунни имкон доирасида тоза ҳавода сайр қилиб ўтказинг. Албатта иссиқ кийинган ҳолда. Билингки, бир томчи тоза ҳаво хаёлларни бир нуқтага жойлаш учун етарли бўлади. Қачонлардир юрган сўқмоқлардан ўтинг, эски қадрдонлар билан юз кўришинг. Танани чиниқтирувчи муолажалар, спорт билан шуғулланиш ва кечқурун ҳаммомга тушиш сиз учун жуда фойдали кечади. Ўзингизни эҳтиёт қилинг.

БУЗОҚ (21. 04 — 20. 05)

7 январ куни ҳар бир дақиқангизни нафақат сифатли ва тартибли, балки гўзал ўтказишингиз тавсия этилади. Кўп нарсалар сизнинг кайфиятингиз билан боғлиқ бўлади. Шунинг учун оптимизмни йўқотманг. Молиявий масалада янги ва бир-биридан муҳим фактлар юзага келади. Сиз харажатларни тартибга солинг. Муҳаббатда қаҳрамонликлар намойиш этишдан воз кечинг. Омадсизликка учрайсиз.

ЭГИЗАКЛАР (21. 05 — 21. 06)

Кун аввалидаёқ жуфтингиз тарафидан сизга фавқулодда алоҳида ва кўпроқ эътибор кўрсатилиши сизни ҳайратга солмай қўймайди. Лекин ҳозирча бу ишларни четга сура туринг. Профессионал касбингиз билан боғлиқ ишингизда бундан ҳам ёқимлироқ ва муҳимроқ лаҳзалар кутиб турибди. Айримлар кутилмаганда куннинг иккинчи ярмида хизмат сафарига жўнаб кетишлари мумкин. Сафарингиз хайрли кечсин!

ҚИСҚИЧБАҚА (22. 06 — 22. 07)

7 январда кун бўйи уйда ўтиришни режа қилган бўлсангиз, қаттиқ янглишасиз. Энг ёмони шуки, даромаддан қуруқ қоласиз. Сиз катта тезликда қўшимча даромад келтирувчи иш топишингиз керак. Моддий аҳволингиз ачинарли аҳволда. Бу ишда сизга яқин қариндошларингиздан бири ёрдам беради. Баъзилар шамоллашдан безовталаниши мумкин. Кечқурун тоза ҳавода сайр қилинг. Овқатланиш режимини бузманг.

АРСЛОН (23. 07 — 23. 08)

Бугун эрталабдан кунни меҳмондорчиликларга боришдан бошлашингиз кутилмоқда. Шу сабаб бўлиб рўзғор ташвишларини вақтинча унутасиз. Майли-да, бирозга унутилса, осмон узилиб ерга тушмайди. Жуфтингиз билан орангизда баланд девор пайдо бўлган кўринади. Бу деворни йиқитишнинг ўзи бўлмайди. Яхшиси, вақтинча уни тинч қўйинг. Тадбиркор бўлсангиз, яқин ҳамкорлар билан ўзаро муносабатларга кучлироқ эътибор қаратинг.

ПАРИЗОД (24. 08 — 22. 09)

7 январ куни паризод буржи остида таваллуд топганларни ҳам муҳаббатда, ҳам ишда илҳом қаршилаб ўтади. Шундай фикрлайсизки, натижада жуда кўпчиликни ўзингизга қарата оласиз. Жуда кўпчиликни ҳайратдан ёқа ушлашга мажбур эта оласиз. Саломатлигингиз тобида эмас. Шунинг учун кўпроқ дам олинг. Режим бўйича овқатланинг. Айниқса, сурункали хасталикка йўлиққанлар ўзларини эҳтиёт қилсинлар.