ТАРОЗИ (24. 09 — 23. 10) 2 май куни омаддан, муваффақиятларда | 🔮Munajjimlar Bashorati🔮

ТАРОЗИ (24. 09 — 23. 10)

2 май куни омаддан, муваффақиятлардан қўрқмасдан умид қилаверинг. Иш жойингизда бажараётган юмушлар сифатига эътибор қаратинг. Куннинг иккинчи ярмида ҳам уй, ҳам иш жойингизда юмушлар кўпайгандан кўпаяди. Кечқурун чарчоқларни оилангиз даврасида бирга вақт ўтказиш йўли билан чиқаришингиз мумкин. Саломатлигингиз бугун панд бермайди. Моддий жиҳатдан ҳам аҳволингиз ҳавас қилса арзийдиган даражада бўлади.

ЧАЁН (24. 10 — 22. 11)

2 май куни иш жойингизда етакчиликка зинҳор даъво қилманг. Сизни шундоқ ҳам қадрлашади, ҳурматингизни жойига қўйишади, ҳақиқий профессионал сифатида қабул қилишади. Муҳаббатда вазиятга қараб иш тутинг. Жисмоний зўриқишлар, ички қувватни ҳаддан зиёд кўп сарфлаш жиддий хасталикка йўлиқишингизга сабаб бўлади. Кечқурун олисда яшайдиган танишингиз сизга қўнғироқ қилиши мумкин.

ЎҚОТАР (23. 11 — 21. 12)

2 май куни негадир тушкун кайфиятда уйғонасиз. Бу ишхонангизда ҳам таъсирини ўтказмай қолмайди. Бало келса ботмонлаб келиши шу бўлса керак-да, ҳамкасблардан бири билан жиқиллашиб қолишингиз ҳам эҳтимолдан холи эмас. Саломатлигингиз ҳақида қайғурган ҳолда кўпроқ кўкатлар, сабзавотли салатлар, кўк чой истеъмол қилинг. Иммунитетингизни кўтариш пайида бўлинг. Бугун ғийбатчиларга дуч келиб қолишдан эҳтиёт бўлинг.

ТОҒ ЭЧКИСИ (22. 12 — 20. 01)

Бугун ишдами, уйдами, бор юкни ўз зиммангизга олмаслигингизни юлдузлар маслаҳат беришяпти. Акс ҳолда организмингиз жисмоний зўриқишга учраб, жиддий хасталик орттириб олишингиз мумкин. Бугун севимли машғулотингиз билан шуғулланиш, томорқада ишлаш, дўстлар билан мулоқот қилиш учун хайрли кечади. Шахсий ҳаётингиз гуллаб-яшнайди. Фақат эски одатингиз қўзғалиб, рашк балосига ён бериб қўймасангиз бас.

ҚОВҒА (21. 01 — 19. 02)

2 май куни катта ишлар билан бемалол банд бўлаверишингиз мумкин. Муҳим ҳужжатларга имзо қўйишда сергак бўлинг, келажак учун режалар тузинг, уйингизни безатиш билан шуғулланинг. Ижодкорлар учун ҳам 2 май баракали кечиши кутилмоқда. Моддий жиҳатингиз ҳам маромида бўлади. Шундай экан, ҳар қандай харажатларга йўл берсангиз ҳам ярашиб тушади. Соғлиғингизни кун давомида назоратдан четда қўйманг. Юлдузлар башорат қилишларича, бугун кўрадиган тушингиз ўнгидан келаркан.

БАЛИҚ (20. 02 — 20. 03)

Ишда ҳам, уйда ҳам мустақил фикрингизга эга бўлган ҳолда ҳар бир фикрингизни ҳимоя қилинг. Ёши улуғ қариндошлар, фарзандлар парваришига бугун кўпроқ эътибор қаратинг. Мавқеингиз ошиши учун ҳам етарлича имконият бор. Кечқурун оғир ҳазм бўладиган таомлардан нарироқ бўлинг. Тижорат билан шуғулланадиганлар бугун мўмай даромаддан умид қилаверсалар бўлади. Кечқурун тоза ҳавода албатта сайр қилинг.


Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•