ҚЎЙ (21. 03 — 20. 04)   28 апрел куни иш жойингизда ҳар бир б | 🔮Munajjimlar Bashorati🔮

ҚЎЙ (21. 03 — 20. 04)

  28 апрел куни иш жойингизда ҳар бир бажарилажак юмушга ижодий ёндошиш орқали ҳамкасбларни ҳайратга солишингиз кутилади. Ҳатто янги қирраларингиз юзага чиқиши ўзингизни ҳам лол қолдиради. Тижорат билан шуғулланишни ният қилганлар учун бугун жуда қулай кун ҳисобланади. Моддий жиҳатдан қайғурмасангиз ҳам бўлади. Жуда дўппи тор келса, қариндошлар қарз бериб туришади.

БУЗОҚ (21. 04 — 21. 05)

Бугун эрта тонгданоқ аъло кайфиятда ишга шўнғишингиз кутилмоқда. Иш орасида ўзингиз севган машғулотларни ҳам четда қўймайсиз. Кўр-кўрона танишишлар 28 апрел куни сизга фақат йўқотишлар, ташвишларни ҳадя этади холос. Бундай танишувлардан умуман барака топмайсиз. Кечқурун қандайдир тадбирга таклиф этишлари мумкин. Тадбир сизнинг анча вақтингизни ўғирлаши тайин. Кечқурун ухлашга ётишдан олдин тез ҳазм бўладиган таомлар истеъмол қилиш билан чекланганингиз маъқул. Шунда саломатлигингизга ҳеч нарса хавф солмайди.

ЭГИЗАКЛАР (22. 05 — 21. 06)

28 апрел куни тежамкорликни ўзингизга шиор қилиб олмас экансиз, турли керак-нокерак харажатларга йўл қўйиб бошқа кунлари қийналиб қоласиз. Агар рашк балосини нари ҳайдай билсангиз, шахсий ҳаётингиз баҳор каби беғубор кечади. Жуфтингиз билан ўзаро муносабатларингиз ҳам ҳавас қилса арзийдиган даражагача мустаҳкамланади. Кечқурун ухлашдан олдин тоза ҳавода сайр қилинг, шунда юлдузларнинг башорат қилишларича, тушингиз хайрли кечаркан.

ҚИСҚИЧБАҚА (22. 06 — 23. 07)

Бугун иш жойингизда қандайдир сабаблар билан анча кўнгилсиз вазиятга тушишингиз кутилади. Ҳамкасблар орасидаги сизга ҳасад кўзи билан боқувчилар атайин шундай вазиятни ўйлаб топишлари мумкин. Куннинг иккинчи ярмида олисдан болаликдаги дўстингиз хонадонингизга меҳмон бўлиб келиш эҳтимоли бор. Кечқурун вақтингизни оила даврасида кечиринг. Кичик байрам уюштирсангиз ҳам зиён қилмайди. Моддий жиҳатдан сизда муаммолар кўзга ташланмайди.

АРСЛОН (24. 07 — 23. 08)

28 апрел куни ҳойнаҳой уйқудан чап ёнбошингиз билан турган чиқарсиз, жуфтингизга нисбатан беихтиёр қалбингизда нафрат ҳисси уйғониши мумкин. Ўзингизни қўлга олинг, жуфтингиздан ҳам садоқатлироқ, меҳрибонроқ инсон йўқ дунёда. У сизни бутун борлиғи билан севади. Пул масаласида таваккалчиликка йўл қўйманг, акс ҳолда жуда мушкул вазиятга тушиб қоласиз. Сурункали хасталикка чалинганлар профилактика деган нарсани ҳам унутиб қўйишмасин.

ПАРИЗОД (24. 08 — 23. 09)

28 апрел куни ўзингиз учун жуда қимматли бир инсонни учратасиз. Бу учрашув сизга бир олам қувонч ва қўшимча куч бағишлайди. Иш жойингизда сизни кутилмаган ёқимли совғалар кутади. Баъзилар мукофот олиши, айримлар юқори лавозимни эгаллашлари мумкин. Жуда бўлмаганда, ўзингиз учун ёқимли хабар эшитасиз. Сурункали хасталикка учраган бўлсангиз, кун давомида саломатлигингизни назорат қила боринг. Моддий жиҳатдан орзуларингиз кечқурун ушалади.



Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•