ТАРОЗИ (24. 09 — 23. 10) 23 майда энг аввало тилингизга эҳти | 🔮Munajjimlar Bashorati🔮

ТАРОЗИ (24. 09 — 23. 10)

23 майда энг аввало тилингизга эҳтиёт бўлинг. Ҳамкасблар, дўстлардан кимнидир ранжитиб қўйишингиз мумкин. Ишхонангиздаги юмушларни бажаришда фақат олдинга боқинг. Яқин ўтмишни эсга олишдан тийилинг. Пул масаласида бугун омадингиз келмаслиги мумкин. Лекин заҳирадаги пулларингиз етарли. Қайғуга ботманг. Қариндошлар билан мулоқотда жаҳл қилишдан сақланинг. Икки ўртада катта жанжал юзага келиши ҳеч гап эмас.

ЧАЁН (24. 10 — 22. 11)

Ишда ва жамиятдаги обрўйингизга путур етиши эҳтимолга яқин. Бунинг олдини олиш учун ишхонадаги сизга нисбатан ёши улуғ, тажрибаси кўп ҳамкасблардан маслаҳат олинг, зиён кўрмайсиз. Ҳар қандай вазиятда ҳам ўзингизни бошқаларнинг ўрнига қўйиб кўришга эринманг. Кун давомида қўшимча даромадли иш таклиф қилишса, албатта рози бўлинг. Алдоқчилар, кўнгли қораларга чув тушиб қолишдан сақланинг. Сафарга чиқманг, инқирозга юз тутасиз.

ЎҚОТАР (23. 11 — 21. 12)

23 май куни шахсий бизнесига эгалар рақобатчилар ва кўролмаслар таъқибига учрашлари мумкин. Бу масалада яқинларингизнинг маънавий кўмаги зарур бўлади. Оилалиларнинг шахсий ҳаётида кўнгилсизлик юз бериши мумкин. Бунга жуфтингиз билан ҳадеганда тил топиша олмаслигингиз сабаб бўлади. Рўзғордаги муаммоларни яқинларингиз билан бамаслаҳат ҳал этинг. Бугун молиявий масалада омадингиз чопади.

ТОҒ ЭЧКИСИ (22. 12 — 20. 01)

Бугун куннинг биринчи ярмида кимлар биландир баҳслашиб, айтишиб қолишдан сақланишингиз тавсия этилади. Ўзингизни қўлга олмасангиз, бундай жанжалли лаҳзалар кўпайиб кетиши турган гап. Эмоциянгизни жиловда ушланг. Кимлардир янги ишга қўл уради. Бу иш сизга моддий манфаатдорлик ҳадя этади. Банклардан катта миқдорда кредит олманг. Охири яхши бўлмайди. Кечқурун тоза ҳавода сайр қилинг.

ҚОВҒА (21. 01 — 19. 02)

23 май куни биринчи бўлиб организмингизга қулоқ тутинг. Агар юрак уришингиз безовта бўлса, ё бўғимлар қақшаб оғриётган бўлса, дарҳол мутахассис қабулига боринг. Ошқозонингиз оғрий бошласа, демак, овқатланиш режимига амал қилмаган бўлиб чиқасиз. Жисмоний зўриқишдан сақланинг. Жароҳат олишингиз хавфи юқори. Муҳаббатда оила қурмаганлар учун романтиканинг охири йўқ. Сиз бўлғуси жуфтингиз билан тўйгунча суҳбатлашиш имконига эгасиз. Фойдаланиб қолинг.

БАЛИҚ (20. 02 — 20. 03)

Кунингиз хотиржамликда ўтиши кутилмоқда. Аммо ишхонангизда кайфиятингиз бузилиб, уйга шу тахлит қайтсангиз, бу кайфият оиладаги яқинларингизга салбий таъсир ўтказиши мумкин. Кечқурун яқинларингиз билан ёқимли суҳбатлар қуринг, севимли хоббингиз билан шуғулланинг. Спорт билан шуғулланиш ҳам бугун сизга сергаклик, қўшимча куч бағишлайди.

Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•