ТАРОЗИ (24. 09 — 23. 10) Хусусий мулк ёки турар жой олди-сот | 🔮Munajjimlar Bashorati🔮

ТАРОЗИ (24. 09 — 23. 10)

Хусусий мулк ёки турар жой олди-сотдиси масаласида муаммоларга дуч келишингиз эҳтимоли бор. Бу соҳадаги барча режаларингиз йўққа чиқиши мумкин. Оилавий ҳаётда баҳслар, жанжаллар таъқиб этиши кутилмоқда. Имкон топсангиз, бетарафлик масаласига эътибор қаратиб кўринг. Шунда қондошлар танқидларидан холи бўласиз. Кечқурун албатта тоза ҳавода сайр қилинг. Атмосферадаги магнит бўронлари таъсиридан сақланинг.

ЧАЁН (24. 10 — 22. 11)

Шахсий бизнесига эга бўлганлар сергакликни оширишлари зарур. Агар яқинда дўст ёки танишлардан бирига қарз берган бўлсангиз, тез орада қайтарилишидан умидингизни узаверинг. Муҳаббатда оиласизлар бўлғуси жуфтининг доимий ташрифига ўрганиб қолишдан сақлансинлар. Доимий ташрифлар асосий ишларни адо этишга, тирикчиликка жиддий халал беради. Айримлар кечқурун ўзларини ҳорғин ҳис эта бошлаши мумкин.

ЎҚОТАР (23. 11 — 21. 12)

8 майда шахсий ҳаётингизда юзага келадиган тушкунликларга тайёр туринг. Иш бажаришда ёши улуғ ва ақлли, тажрибали одамлар маслаҳатига қулоқ тутинг. Молиявий масалада йўқотишларга юз тутишингиз хавфи бор. Айниқса, тадбиркорлар ҳужжатларда йўл қўйилган хатоликларни ўз вақтида тузатишга улгуришмаса, йўқотишлар миқдори катта бўлиши мумкин. Кечқурун овқатланиш рационингизни яна бир бор кўздан ўтказиб олишингиз тавсия этилади.

ТОҒ ЭЧКИСИ (22. 12 — 20. 01)

Биринчи навбатда саломатлигингизга эътибор қаратинг. Керак бўлса, витаминлар ичинг. Иммунитетингиз тушиб кетган. Бу фавқулодда шамоллаш ёки инфекцияли хасталикларга дучор этиши ҳеч гап эмас. Стрессли лаҳзалар, жанжаллардан нари бўлинг. Рўзғордаги аҳвол ҳам булуциз эмас. Уста чақириб бузилган жиҳозларни таъмирлатишингизга тўғри келади. Бунинг учун албатта пул керак бўлади. Пул топиш ҳаракатида бўлинг.

ҚОВҒА (21. 01 — 19. 02)

8 май толиқишларга бой бўлиши кутилмоқда. Асосий режаларни ортга суриб майда-чуйда ишлар билан банд бўлишга мажбурсиз. Тадбиркорлар янги бизнес лойиҳаларни ҳаётга тадбиқ этиш натижасида янада кўпроқ даромадга эга бўлишлари мумкин. Атрофдагилар билан муносабатларда позитив кайфиятда бўлишингиз талаб этилади. Умуман айтганда, кўп нарсалар айни сизнинг кайфиятингизга боғлиқ бўлади. Яқин манзилга сафар қилишингиз ҳам ҳақиқатга яқин. Ишонинг, сафар муваффақиятли ўтади.

БАЛИҚ (20. 02 — 20. 03)

8 май куни бошингизга тушиши лозим бўлган ёқимсиз ишларда вақтни, вазиятни айблай бошлайсиз. Аслида эса бунга ўзингизнинг эътиборсизлигингиз сабабчи бўлади. Бугун омадга эришишингиз учун қулай имкониятлар кўп бўлади. Асосийси, уларни ўз вақтида пайқай билсангиз бас. Куннинг иккинчи ярмида дўстлар билан ёқимли суҳбатларни бошдан кечирасиз. Оила қурмаганлар романтик танишувга ҳам рўбарў бўлишлари мумкин.

Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•