ТАРОЗИ (24. 09 — 23. 10) Муҳим ва кўп вақт талаб қиладиган и | 🔮Munajjimlar Bashorati🔮

ТАРОЗИ (24. 09 — 23. 10)

Муҳим ва кўп вақт талаб қиладиган ишларни бошқа кунга қолдиринг. Бугун улар бекорга вақтингизни ўғирлайди холос. Ишхонангизда янги лойиҳалар ўйлаб топишга ҳаракат қилинг. Бу ишни уддалай олсангиз, мукофотини албатта оласиз. Куннинг иккинчи ярмида шахсий иш билан яқин манзилга қиладиган сафарингиз муваффақиятли якунланади. Шахсий автомобилингизда йўлга чиқсангиз, йўлларда эҳтиёт бўлинг.

ЧАЁН (24. 10 — 22. 11)

1 март куни илгари аъло даражада уддалаган ишингиз учун мукофот олишингиз кутилади. Ниҳоят сизни ишхонангизда яхшироқ сезиб, муносиб тақдирлашади. Муҳаббатда оиласизлар ўта фаол бўлишлари керак. Фаоллик ёрдамида оғир вазиятлардан чиқиб кетишингиз осон кечади. Бўлғуси жуфтингиз билан ўзаро муносабатларни фақат романтика ёрдамида мустаҳкамлай оласиз. Фақат бу йўлда пулни аяманг.

ЎҚОТАР (23. 11 — 21. 12)

Кунингиз ростакамига баҳорий ва қувончли кечади. Ёқимли лаҳзалар шу қадар кўп бўладики, мамнунлигингиздан қўшиқ айтиб юборай дейсиз. Фақат қўшиқ айтишга қарор қилсангиз, овозингизни баланд пардаларга кўтарманг, раҳбарлардан гап эшитиб қолишингиз мумкин. Бугун сиз учун биринчи ўринда иш, кейин шахсий ҳаёт туриши керак. Кечқурун рўзғорингиздаги муҳим масалаларни ижобий ҳал этишингиз талаб этилади.

ТОҒ ЭЧКИСИ (22. 12 — 20. 01)

1 мартда оғир руҳий ҳолатларни бошдан ўтказишингизга тўғри келади. Ҳатто, қуёшли ҳаво ҳам сизга ёрдам бера олмаслиги мумкин. Тушдан кейин эса оила қурмаганлар қизиқарли бир учрашувга рўбарў бўлишади. Сиз танишиб суҳбат қурадиган одам айни сизбоп чиқиб қолади. Келгусида у инсон билан ҳамфикр ва ҳамдардга айлансангиз ҳам ажаб эмас. Шахсий ҳаётда оптимистга айланинг. Шунда мақсадга етишингиз осон бўлади. Кечқурун оила даврасида дам олинг.

ҚОВҒА (21. 01 — 19. 02)

Шахсий ҳаётда бугун вужудингиз эҳтирослар денгизида чўмилади дейилса, ишонаверинг. Лекин уларни қайнаш даражасигача етказманг. Кимнидир куйдириб қўйиши мумкин. Имкон борича қариндошлар, яқин инсонлар билан жанжаллашманг. Молиявий муаммоларни ижобий ҳал этишда эски қадрдонларингиздан бири ёрдамга келади. У сизга пул иқтисод қилишни ҳам ўргатиб қўяди. Шунга яраша келгусида харажатлар кўплигидан азоб чекмайсиз. Куннинг иккинчи ярмида сизни меҳмонга таклиф этишлари кутилади. Спиртли ичимликларга ружу қўйишдан сақланинг.

БАЛИҚ (20. 02 — 20. 03)

1 мартда яқин инсонингиз билан муносабатлар ёмонлашмаслиги учун катта қалб эгасига айланишингиз керак. Агар бу муҳаббат бўлса, суйганингизнинг инжиқлигига йўйинг-у, уни кечиринг ва қаттиқроқ сева бошланг. Агар бўшашишга йўл қўймасангиз, энг оғир вазиятлардан ҳам ўз куч ва имкониятларингизга суянган ҳолда чиқиб кета оласиз. Кечқурун сизга анчадан бери фойдали бир ишда ҳамкорлик таклиф этиб келаётган одам билан учрашасиз.

Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•