ҚЎЙ (21. 03 — 20. 04) 28 феврал куни олдингизга аниқ бир мақс | 🔮Munajjimlar Bashorati🔮

ҚЎЙ (21. 03 — 20. 04)

28 феврал куни олдингизга аниқ бир мақсадни қўйган ҳолда ҳаракат бошланг. Бу мақсад сизни доимо фаоликка ундаб турсин. Бугун дам олишдан умид қилмай турсангиз ҳам бўлади. Лекин бу вақтинча. Агар яқин орада меҳнат таътилига чиқишни мўлжаллаб қўйган бўлсангиз, зиммангиздаги вазифаларни охиригача бажариб улгуришингиз керак. Оиласизлар муҳаббатда эҳтиросга қул бўлиб қолишдан сақлансинлар. Эҳтирос сиз ва бўлғуси жуфтингиз орасидаги муносабатларга путур етказиши мумкин. Ўзингизни эҳтиёт қилинг.

БУЗОҚ (21. 04 — 21. 05)

Эрта тонгдан дўстлар ва ҳамкасблар билан ўзаро муносабатларни янада мустаҳкамлаш пайида бўлишингиз тавсия этилади. Бу сизни хафагарчиликлар ва аччиқ-тирсиқлардан ҳимоя қилади. Техника воситаси билан ишлаганда жуда эҳтиёт бўлинг. Молиявий масалада бугун омадингиз чопмаслиги мумкин. Топганингизни қарзларни қайтаришга сарфлашингиз керак бўлади. Аммо кечқурун яқинда кимнингдир ҳожатини чиқарганингиз ҳақини санаб оласиз. Демак, пулсиз қолмайсиз.

ЭГИЗАКЛАР (22. 05 — 21. 06)

28 февралда спорт, профессионал касбингиз билан боғлиқ иш ҳамда муҳаббатда муваффақиятлар кутиб туради. Бунга эришиш учун анчадан бери курашардингиз. Мана, меҳнатларингиз маҳсули сизга мунтазир. Куннинг иккинчи ярмида қариндошлардан бири билан бўлиб ўтадиган суҳбатдан кейин кайфиятингиз аъло даражада бўлиши кутилмоқда. Кечки пайт моддий аҳволингизни яхшилаш, энг зарур харидларни амалга ошириш учун қулай имкониятлар туғилади.

ҚИСҚИЧБАҚА (22. 06 — 23. 07)

Бугунги кунингиз энг бахтли кунлардан бири бўлиши тайин. Лекин бунинг учун ҳар бир воқеа-ҳодисадан руҳий лаззат олишни билишингиз керак. Ҳам иш бажаринг, ҳаракатланинг, ҳам орзулар уммонида сузинг. Шундай йўл тутингки, орзулаш билан иш бир-бирига халал бермасин. Кечқурун шахсий бизнес, уй ёки машина таъмири, олди-сотдиси билан боғлиқ ҳаракатлар муваффақиятли кечади. Саломатлигингизни атмосферада бошланган магнит бўронлари таъқибидан сақланг.

АРСЛОН (24. 07 — 23. 08)

28 феврал куни саховатингизнинг чек-чегараси бўлмайди. Ўз моддий аҳволингизни яхшилаш асносида бошқаларнинг ҳам шу соҳадаги ҳожатларини чиқариб, қўшимча савобларга эга бўласиз. Бунинг мукофотини эса Оллоҳнинг ўзи беради иншооллоҳ. Ижод, мусиқа ва бадиий адабиётлар мутолааси учун бугунги кун жуда қулай ва омадли кечади. Кечқурун баъзилар олис сафарга отланиши мумкин. Серқатнов йўлларда эҳтиётингизни қилинг.

ПАРИЗОД (24. 08 — 23. 09)

Биринчи навбатда сурункали хасталикка йўлиққанлар атмосферада давом этаётган, тобора кучайиб бораётган магнит бўронларидан ўзларини, саломатликларини сақлашлари талаб этилади. Агар ўзингизни ёмон ҳис эта бошласангиз, яхшиси врач кўригига чопинг. Қиз-жувонлар тушдан кейиноқ косметолог ҳузурига отланишлари, ташқи қиёфасига ижобий ўзгартишлар киритишлари лозим. Шу баҳонада ортиқча вазндан ҳам халос бўлишингиз мумкин.

Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•