ҚЎЙ (21. 03 — 20. 04) Жамиятда ўзингизни тутиш тактикангизни | 🔮Munajjimlar Bashorati🔮

ҚЎЙ (21. 03 — 20. 04)

Жамиятда ўзингизни тутиш тактикангизни вақтинчага бўлса-да, ўзгартириб туришингиз тавсия қилинади. Айниқса, ишхонангизда анчадан бери етакчиликка даъво қилиб келган бўлсангиз, бу тактика сизга жуда асқотиши мумкин. Оилавий ҳаётингизда сокинлик ва аҳиллик ҳукм суради. Молиявий муаммолар ҳам сизнинг фойдангизга ижобий ҳал бўлади. Хайрият, пулни деб яқинларингиз билан худонинг берган куни жиқиллашавермайдиган бўлдингиз.

БУЗОҚ (21. 04 — 21. 05)

13 декабрда дўстларнинг бири билан жанжаллашиб қолишингиз кутилади. Бу жанжал ё пул, ёки шахсий масала туфайли келиб чиқиши мумкин. Эмоциянгизни жиловда ушланг. Қайсарлик, худбинлик бугун катта йўқотишларга олиб келиши мумкин. Муҳаббатда сизни ёрқин ҳодисалар кутиб қолади. Куннинг иккинчи ярмида ўзингиз қачонлардир кўнгил берган инсон билан тўқнаш келишингиз эҳтимоли бор.

ЭГИЗАКЛАР (22. 05 — 21. 06)

Яқинларингизнинг турли инжиқликларига сабр билан ёндашинг. Уларга қарши ранжитадиган сўзларни айтиб қўйманг. Охири яхши бўлмайди. Руҳан тинч бўлишни хоҳласангиз, ишга ўзингизни уринг. Чалғийсиз. Майли, арзимас ва кичик бўлсин, барибир иш билан банд бўлинг. Кечқурун фавқулодда, аммо сердаромад сафарга отланишингиз кутилмоқда. Ўзингизни эҳтиёт қилинг.

ҚИСҚИЧБАҚА (22. 06 — 23. 07)

13 декабр куни тушга қадар шу даражада кўп ахборотларга эга бўласизки, уларни бир-бири билан чалкаштириб юборишингиз тайин. Агар бу ахборотлар ишингиз билан боғлиқ бўлса, кунингиз туққани шу. Лекин муҳаббатга оид бўлса, жуда эҳтиёт бўлишингизга тўғри келади. Кечқурун уйингиз меҳмонга тўлиши мумкин. Олисда яшайдиган қариндошларингиз сизникига меҳмон сифатида ташриф буюришни ихтиёр этишибди.

АРСЛОН (24. 07 — 23. 08)

Эрталаб кайфиятингиз тушкун ҳолатда бўлиши туфайли юзларингизда тундлик ҳукм суриши мумкин. Лекин билинг, бу юз билан ҳеч кимга ёқиб тушмайсиз. Чеҳрани очсангиз, даромад ва бахтли лаҳзалар ҳам сира қўрқмасдан атрофингизда саф тортади. Иш оғир, бироқ охирига етказмасангиз бўлмайди. Молиявий масалада ҳам омадингиз кулади. Фақат тежамкор бўлишни унутманг. Бугун саломатликни тиклашда сув билан боғлиқ муолажалар, медитация ёрдам беради.

ПАРИЗОД (24. 08 — 23. 09)

13 декабрда оила қурмаганлардан кимнидир ўзига анчадан бери ёқиб келаётган одам романтик учрашувга таклиф этиши мумкин. Бу сизга эртаклар оламини эслатиб юборса ажабмас. Бугун табиат қўйнида дам олиш, кино, театрга тушиш бир дунё гармония бахшида этади. Кечқурун сизни ажойиб бир инсон билан учрашув кутади. Бу инсон келгусида сизнинг энг ишончли ва яқин ҳамкорингизга айланиши эҳтимолдан холи эмас.

Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•