#NAQL 'Kimdir sizga musht tushirganda g‘azab otiga mingan hol | Muhammad Odil Hamid | Rasmiy kanali

#NAQL

"Kimdir sizga musht tushirganda g‘azab otiga mingan holda unga ham bir musht tushirmoqchi bo‘lganingizda, eng avvalo o‘zingizni yo‘qotib qo‘ymang. Nafaqat dushmaningizga, balki o‘z nafsingizga qarshi qat’iyatli bo‘ling! Kimdir sizni bir ishda ayblagan paytda ham o‘zingizni qo‘lga olishni o‘rganing!.. Ot poygalari haqida hammangiz bilasiz... Poygada g‘alaba qozonish uchun yaxshi chavandoz tanlash juda muhim. Mashhur chavandozlar uzoq yillar davomida qo‘l ostidagi otlarni boshqarishning nozik jihatlarini o‘qib-o‘rganadilar. Shunday ekan, siz ham o‘z-o‘zini boshqarish usullarini o‘rganing. Qalbingiz, his-tuyg‘ularingiz, xohish-istaklaringiz va irodangizning jilovini also qo‘ldan boy bermang. O‘zingizga zarar yetkazadigan odatlardan yiroq turing! Chunki insonda bir odat shakllandimi, u shu odatning quliga aylanib qoladi. Shunda ekan, hech kimga va hech narsaga qul bo‘lmang! Agarda o‘zingizda dangasalik alomatlarini yoki keraksiz o‘yin-kulgiga bo‘lgan qiziqish sizni o‘ziga jalb qilayotganini sezsangiz, his-tuyg‘ularingizga va nafsingizga hokim bo‘lishga harakat qiling. O‘zingizni hayotingiz uchun manfaat keltiradigan ishlarni qilishga va doim harakatda bo‘lishga undang. Xato qilganingizda buni o‘z ichingizda tan oling va o‘zingizni isloh qilishga harakat qiling. Keyinchalik o‘zingiz va atrofdagilar oldida uyalib qolishni istamasangiz, ruhiyatingizni va ma’naviyatingizni mustahkamlang".  
    
"Ideal muallim" kitobidan

@muhammadodiluzofficial