2022-04-17 20:02:39
Toshkent shaxar Muhammad Yusuf nomidagi jamoat fondi 16-aprel kuni Respublika "Yozuvchilar Uyushmasi"ning majlislar zalida "O'zbekiston yoshlarining milliy-ma'naviy meroslari" loyihasi doirasida Muhammad Yusuf siymosi aks etgan ko'rgazma va Uzbekiston Yozuvchilar Uyushmasi bilan xamkorlikda seminar hamda loyiha doirasida e'lon qilingan tanlov g'oliblarini taqdirlash marosimini o'tkazdi.
Tadbirda O'zbekiston Yozuvchilar uyushmasining raisi Sirojiddin Sayyid yoshlarni kitobxonlikka jalb etish, ular ma'naviyatini ustirish yo'lidagi sa'y-harakatlar va davlat tomonidan yosh ijodkorlarga bo'lgan e'tibor haqida nutq so'zladi.
Tadbirda O'zbekiston san'at va madaniyat institutining ilmiy ishlar, innovatsiyalar va ilmiy-pedagogik kadrlar tayyorlash bo‘limi boshlig‘i Ma'rufjon Yo'ldoshev institut prezidentimiz tomonidan Muhammad Yusuf ijodini o'rganishga yo'naltirilgani, shoirning she'rlari yoshlarni vatanparvarlik ruhida tarbiyalashda katta ahamiyat kasb etayotgani, institutda yoshlar bilan olib borilayotgan tarbiyaviy ishlar, Muhammad Yusuf ijodi qardosh xalklar, jumladan turk xalqining e'tiborini tortgani, turk tarjimonlari shoirning 200 betlik kitobini chop etishgani, kitob taqdimotiga institutdan, Respublika Yozuvchilar Uyushmasidan vakillar, shoirning oila a'zolari borib, qatnashgani, kitob barcha turkiy xalqlarga beg'araz tarqatilishi xaqida gapirib berdi.
Toshkent Davlat Sharkshunoslik Universiteti dekani Jumali Shabanov Muhammad Yusuf nomidagi fondning universitet bilan doimiy xamkorligi, loyiha doirasida, universitetda o'tkazilgan seminar va "Ulug'imsan, vatanim" filmi taqdimoti, film ijodkorlari bilan uchrashuv talaba yoshlarda katta taassurot qoldirgani xaqida batafsil gapirib berdi. Shundan so'ng
shu institut dotsenti Xayrulla Xamidov, turk tiliga Muhammad Yusuf she'rlarini tarjima qilib kitob nashr etgani, Muhammad Yusuf nomidagi jamoat fondi bilan xamkorlik, universitet talabalarining tarjimalari Muhammad Yusuf nomidagi fond muassisligidagi "Oltin qalam" gazetasida chop etib borilishi, yoshlar ma'naviyatini shakllantirishda fondning xizmatlarini e'tirof etib o'tdi.
Shuningdek, tadbirda Qorakalpog'iston xalq shoiri Rustam Musurmon Muhammad Yusuf xaqidagi xotiralari bilan bo'lishdi. Uning she'rlarining yoshlar tarbiyasidagi o'rni xaqida ma'ruza qildi. So'ngra shoir Mirzo Karim ham shoir xaqidagi xotiralarini so'zlab berdi.
Tadbirda Sayyora Ernazarova loyiha doirasida "Muhammad Yusuf ijodi" telegram kanalida shoirga daxldor e'lon qilingan 3 ta yo'nalishdagi tanlov xaqida gapirib, tanlovda qatnashgan ishtirokchilarning va 20 ta g'olibning ism-sharifini e'lon qildi.
Shundan so'ng g'oliblar grant mablag'lari va Muhammad Yusuf nomidagi jamoat fondi mablag'lari hisobidan tayyorlangan diplom, sertifikat va esdalik sovg'alari bilan taqdirlandilar.
Tanlov g'oliblari, mehmonlar esdalik uchun suratlarga tushdilar.
Tadbir so'ngida fond raisi Nazira as-Salom fond faoliyatida Davlat grantlarining ahamiyati, fond 2 marta Oliy Majlis huzuridagi NNT va fuqarolik jamiyatining boshqa institutlarini qullab-quvvatlash jamoat fondining davlat grantini qo'lga kiritgani, 2021-yildagi ushbu grant esa Xalq deputatlari Toshkent shaxar Kengashi huzuridagi fond tomonidan ajratilgani, ushbu grant mablag'lari hisobidan fond o'zining texnik bazasini mustaxkamlashida yordam bo'lgani, shuningdek, yoshlar ma'naviyatini yuksaltirish yo'lidagi tadbirlarning ahamiyati xaqida ma'ruza qildi.
U yana fondning ta'lim muassasalari, jumladan TDSHU bilan xamkorligi, xamkorlikdagi tadbirlari uchun minnatdorlik bildirdi.
@Muhammad_Yusuf_ijodi
1.7K viewsFazliddin Murod, 17:02
M
