Тавсия-мулоҳаза ўрнида… Японларнинг бола тарбияси ҳақида кўп | Muallim | Ta'limga oid

Тавсия-мулоҳаза ўрнида…

Японларнинг бола тарбияси ҳақида кўп эшитгандим, лекин яқинда ўз кўзим билан кўриб ҳам уялдим, ҳам ҳавасим келди.
4 ёшли ўғлимнинг ўзи тенги япон ўртоғи бор. Қиз бола. Вако. Доим бирга ўйнашади. Боғчада ҳам битта гуруҳга боришади.

Бир кун нима бўлдию нарироқда ўйнаб юрган болаларимиз ниманидир талашиб қолишди. Ўғлим Вакони итариб юборди, қизча йиқилди ва тиззаси қонади. Югуриб бордик, мен ва Ваконинг онаси. Табиийки, мен ўғлимни :

-Нега итардинг, қара нима бўлди, ўртоғингга зарар бердинг, қонатдинг!- деб койиб бошладим.
Шу пайт қонаб ва йиғлаб турган қизчасини овутаётган Япон она ёнимизда пайдо бўлди. Ўғлимнинг ёнида тиз чўкиб , қўлларидан ушлаб:

-Хафа бўлма, сенинг айбинг йўқ, сен йиқилишини қонашини истамагандинг, фақат коптокни олмоқчи эдинг. Сизлар Вако билан чин ўртоқсизлар. Тиззаси ҳам бир пасда яхши бўлиб кетади. Яна сен билан ўйнайди. Тортишмасдан ўйнайсизлар кейинги гал,- деб овутиб бошлади…

Иккала бола ҳам бир пас ўтиб тинчиб, яна ўйнаб кетишди. Мен Аёкодан узр сўрадим ва рахмат айтдим. Шунда у
- Сен ўғлингни унақа койимагин, Ваконинг тиззаси яхши бўлиб кетади, лекин ўғлинг бошқа болалар билан ўйнашга, муносабат қилишга қўрқиб қолади. Болалар бир-бири билан ўйнайди, йиқилади. Фақат итариш, уриш яхши эмаслигини китоб ўқиш, ўйнаш, эртак айтиш давомида тушунтирсанг бўлди, эсида қолади,- деди.
Дилбанд нур

https://t.me/muallimlarga