2022-10-28 18:02:03
Мен келин бўмаган бўлардим
Минде одамларга қараб, турмаш чорраҳаларидаги ишларни кўриб баъзан ўйланиб қоламан. Аёлларни муаммоларини тушуниш учун уларни ўрнига ўзимни қўйиб кўраман.
Бизда жуда кўп оилаларга ростдан ҳам олий маълумотли фаррошлар керак. Сен норин кесишни билишинг керак, қишда қахатчилик бўлган замонлардан қолган удум бўлмиш архаик банка ёпишинг керак ёзда. Шуларни билмасанг онанг ўргатмаганми деган тавқи лаънатда қоласан. Онанг эса сенга энг меҳрибон зот эди. Сени ўқитган, шунинг учун ҳам дипломи бор деб келин қилишган аслида, лекин дипломинг ҳеч кимга юз йил керакмас.
Турмуш ташвишлари елкангда, сени қайғуришга, ўзинг билан ёлғиз қолишга, депрессияга тушиб 3 кунлаб дивандан турмай ётишга ҳаққинг йўқ. Сен ҳаммага кулиб қарашинг керак, барчани кўнглини олишинг керак, қўшнилар фалончининг келини мамнақа экан деб мақташлари керак или по крайней мере тасқара экан деб ёмонламасликлари керак. Булар сенга муҳим бўлмасада сени бошингда турганлар учун шу даражада муҳимки ҳаётнинг мазмунидан бири ҳатто.
Сен ўзинг орзу қила олмайсан, орзуларинг бошқаларнинг планларига мос тушиши керак, сен чегараланган рамкадагина орзу қила оласан, яхшиям ҳаёл бор аёл... Ҳеч бўлмаса унда сен эркинсан, аммо бу ҳаёллар амалга ошишига ишонмайсан, ишончсиз эса амалга ҳам ошмайди. Замкнутый круг ичида дарбадарсан.
Кўпинча ёнингда дўст эмас бошлиқ бўлади, сенга ҳамма бошлиқ. Ҳаттоки қайнангни опасини невараси бўлган чурвақа ҳам... Қорни ичидаги қамоқхона камерасига солинган қафасдаги қушсан.
Мен бундай жамиятда келин бўла олмасдим, абсолютно ёлғиз яшаб ўтган бўлардим. Чунки мен эркак парадигмасида ўйлаяпман ва дунёдаги бирорта аёлнинг сабр шкаласига бир сантиметр ҳам яқинлаша олмайди меники. Ўз қизларини қафасда яшашга тайёрлаб тарбия қилмайдиган ота бўлиш келади холос қўлимдан.
@nurbekalimov
13 views15:02
𝙹
