2022-08-30 06:06:09
#e_ijara
E-ijara xizmatida yerto‘la va tomlarni ijaraga berish shartnomalarini ro‘yxatdan o‘tkazish mumkin Soliq to‘lovchilarning ko‘plab murojaatlarini inobatga olgan holda E-ijara xizmatida yerto‘la va tomlarni ijaraga berish shartnomalarini ro‘yxatdan o‘tkazish imkoniyati yaratilgan. Buning uchun yerto‘a yoki tomni ijaraga beruvchi shaxsda ushbu mulkning kadastr raqami bo'lishi kerak.
Bunday ijara shartnomasini ro'yxatdan o'tkazish uchun:
1. ERIdan foydalanib, ijara.soliq.uz saytiga kiriladi.
2. Asosiy oynada "Boshqa ijara" menyusi tanlanadi.
3. "Ijaraga berilgan ko'chmas mulk to'g'risida ma'lumot" bo'limida "Ko'chmas mulk obyekti" qatorida obyektning kadastr raqami tanlanadi. Uning umumiy yer maydoni va bo'sh maydon, joylashuvi va ro'yxatga olingan manzili haqidagi ma'lumotlar avtomatik ravishda aks etadi.
4. Shartnoma muddati, mulkdan foydalanish maqsadi (savdo faoliyati, xizmat ko'rsatish, umumiy ovqatlanish, omborxona, ofis, ishlab chiqarish va boshqalar), ijaraga olingan maydon turi (yerto'la yoki tom) va maydon o'lchami ko'rsatiladi.
5. Oylik to'lov ko‘rsatiladi. U so'mda yoki BHM miqdoriga nisbatan belgilanishi mumkin. Shartnoma bo'yicha ijara summasining umumiy miqdori avtomatik ravishda hisoblab chiqariladi.
6. Ijaraga beruvchi to'g'risida ma'lumot avtomatik shakllanadi.
7. Ijaraga oluvchi to'g'risida ma'lumot bo‘limida ijaraga oluvchi:
yuridik shaxs bo‘lsa,
STIR kiritiladi;
jismoniy shaxs bo‘lsa,
JShShIR kiritiladi.
8. Ma'lumotlar tasdiqlash uchun yuboriladi.
Tasdiqlash uchun yuborilgan ma’lumotlar quyidagicha aks etadi:
• IJARAGA BERUVCHIda –
“Ijaralar ro‘yxati” oynasi
“Chiquvchi shartnomalar” “Tasdiqlanishi kutilayotgan”;
• IJARAGA OLUVCHIda -
“Ijaralar ro‘yxati” oynasi
“Kiruvchi shartnomalar” “Tasdiqlanishi kutilayotgan”.
Agar IJARAGA OLUVCHI ushbu ma’lumotni tasdiqlasa,
ko‘chmas mulk ijara shartnomasi hisobga qo‘yilganligi to‘g‘risida maxsus
QR-kodli Guvohnoma shakllanadi.
Тelegram | Facebook | Youtube| Instagram
87 views03:06