MoychechagiM_Sh

2021-02-01 13:49:04 Butunjahon hijob kuni
​​

2003 yildan beri har yili 1 fevral sanasi Butunjahon hijob kuni sifatida yodga olinadi. Nazma Xon tarafidan asos solingan ushbu kun bugun 140 ta mamlakatda nishonlanadi. Butunjahon hijob kunidan maqsad insonlarda hijob o'rash ayollarga nisbatan jabr va zulm, degan fikrni yo'qotishdan iborat. Bu kunda hijob o'rashning islomdagi ahamiyatiga ham alohida urg'u berilib, o'ranadigan aksar ayollar hijobda o'zini xo'rlangandek his qilmasliklarini insonlarga tushuntiradi. Butun dunyo bo'ylab ayollar #FreeInHijab heshtegi ostida hijobda tushgan rasmlarini ulashadilar. worldhijabday.com sayti tomonidan Facebook va Instagram da o'tkazilgan so'rovnomaga ko'ra, ishtirokchilarning 94% qismi hijobda o'zini jabrdiyda his qilmaydi, 93% qismi esa hijobga uni hech kim majburlamaganini aytgan.
Butunjahon hijob kuni doirasida Albaniya, AQShning turli hududlari, Bangladesh, Braziliya, Kanada, Gana, Hindiston, Irlandiya, Qirg'iziston, Malayziya, Nigeriya, Pokiston, Fillipin, Shotlandiya, Janubiy Afrika, Ispaniya, Ukraina va Buyuk Britaniya kabi ko'plab mamlakatlarda tadbirlar tashkil qilinadi. Nazma Xon Anadolu turk davlat agentligiga shunday deydi: "dunyoda hijobdagi ayollar matbuot tomonidan xo'rlangan va jabrdiyda qilib ko'rsatiladigan ayni paytdagi vaziyat uchun #FreeInHijab zaruriy heshtegdir. Bu heshteg orqali ayollar o'zlarining tanlovlarini bildirib, bu bilan ommaviy noto'g'ri tasavvurlarni tarqatib yuborishga urinadilar. Shoyad mana shu bir kunlik tajriba ularning hijobga boshqa ko'z bilan qarashlariga sabab bo'lsa".

Manba: muslimaat.uz Ochish/sharhlash

2021-01-25 19:37:39 Ertak tugayapti, koʻz yoshi toʻkma,
Isyon toleyingdan baxtni toʻsarmish.
Dardingni hech qaysi quduqqa aytma,
Naylik orzusida qamish oʻsarmish.

Ertak tugayapti, murod - maqsadsiz,
Hayot bu - hammasi haqiqat, tushun.
Devlar bir yumalab shahzoda emas,
Shahzoda dev boʻlib qolishi mumkin.

Ertak tugayapti, koʻzlaringni och,
Tushingni suvlarga tashlagin yuvib.
Hayotda muhimi erishmoq emas,
Yoʻqota bilmoqlik, ayrilmoq kulib.

Ertak tugayapti...

Dilora Holiqova

@MoychechagiM_Sh Ochish/sharhlash

2021-01-24 19:20:36 ​​Nikohni ehtiros emas, balki undan ancha muhim bo‘lgan boshqa narsalar - bir - birlarini tushunish , o‘zaro bog‘liqlik, qadrlash, kechirimli bo‘lish kabilar saqlab turadi...

Elif Shafaq Ochish/sharhlash

2021-01-23 10:37:18 Ayrim ota onalar bolasiga hech narsa berolmaydi: pul va kiyim kechak, oziq-ovqatdan tashqari

Ayrimlar esa farzandiga hamma narsa beradi: eng muhimi umr bo'yi eslab yuradigan shirin bolalik xotiralarini.

P.s: derazadan tomosha qilib turaverib darsim boshlanganini ham bilmabman.

Shunday ota-onalar ko'payaversin! Ochish/sharhlash

2021-01-22 07:40:18 Shunaqa...

@MoychechagiM_Sh Ochish/sharhlash

2021-01-17 11:26:12 Ha, biror nimani qoyillatmagandirman,
To'g'ri, bu dunyoga kelib arzirli ish qilmagandirman
Lekin Dadamning qizi bo'lganim uchun o'zimni qadri bordek his qilaman...

Siz ham kimningdir farzandisiz,
Qadrlanishga arziysiz!

@MoychechagiM_Sh Ochish/sharhlash

2021-01-15 18:49:28 Ko‘nglim tilimdan, tilim esa ko‘nglimdan xafa.
Ko‘nglim, tuyg‘ularini anglata olmagani uchun tilimdan xafa bo‘lsa,
Tilim, anglata olmaydigan narsalarni o‘ylagani uchun ko‘nglimdan xafa...

Jaloliddin Rumiy

@MoychechagiM_Sh Ochish/sharhlash

2021-01-14 18:36:09 IBRAT

Yemakxonada o‘tirgandik. Bir odam telefonda gaplashib bo‘lib, quvonchdan qiyqirib sakradi va ofisiantni chaqirib:
— Hammaga mening nomimdan ko‘fta kabob tarqating! O‘n sakkiz yillik intiqlikdan keyin bugun men ota bo‘ldim!- dedi.
Uch-to‘rt kundan keyin erkakni 5-6 yoshli bolachaning qo‘lidan tutib bolalar xiyobonida sayr qilib yurganini ko‘rdim. Uni tanigan zahoti yoniga borib, o‘sha kungi ishini eslatdim va yonidagi bolachaga ishora qildim. Erkak tortinib, xijolat chekib shunday dedi:
— O‘sha kuni yemakxonada mening oldimdagi stolga kelib o‘tirgan keksa er-xotin o‘zaro suhbati qulog‘imga chalindi. Onaxon choliga “Ko‘fta kabob yeylik, anchadan beri yegim kelib yurgandi”, dedi. Otaxon esa ayolidan ko‘zlarini olib qochib “Hozir ko‘fta kabob ololmaymiz, pulimiz faqat sho‘rvaga yetadi, xolos” deya siniqqina javob qildi. Shu orada men telefonda gaplashganday bo‘lib, hammaga ko‘fta kabob buyurtma qildim.
— Faqat o‘sha keksa juftlikka olib bersangiz bo‘lardi, hamma xo‘randalarga buyurtma qilishning nima keragi bor edi?- deya so‘radim undan. Erkakning javobidan ko‘zlarim yoshlandi:
— Faqat ularga olib berganimda otaxon ayolining oldida xijolat bo‘lardi. Shuning uchun hammani birday mehmon qildim. Mening pulim ketsa ketsin, bir erkakning izzat-nafsi sinmasin!


@MoychechagiM_Sh Ochish/sharhlash

2021-01-14 16:24:11 Bugun bir o'quvchi qizim kursdosh yigitlarini bayram bilan zo'r tabrikladi:

"Sizlarni bayraminglar bilan tabriklayman. Garchi Vatanga bir tiyinli xizmat qilib foyda keltirmagan bo'lsangiz ham. Asli sizlarni foydangiz tegishi shartmas, zarar bermasangiz bo'ldi!"

Yomon tabrik-a? Bayramga yarashmadimi?

Menga esa yoqdi.

Hurmatli erkaklar, nafaqat Vatanga, balki hech kimga foyda keltirmasangiz ham zarar bermang: ayolingizni urmang, bolangizni so'kmang, ichib olib mashina haydamang, nomahramga qaramang... mayli sag'irlarga ehson qilmang, hech yo'q oilangizni ta'minlab qo'ying.

Ahlingizni seving...
Sir-salobatingizni yo'qotmang.

Bayramingiz bilan Himoyachilar!

@MoychechagiM_Sh Ochish/sharhlash

2021-01-13 14:53:00 Fikrning sayozligi ifodaning kengligi bilan "suvaladi".

#màruzadaman

@MoychechagiM_Sh Ochish/sharhlash