Muhammad Amin Naziraliyev

2022-07-07 13:33:25 O'tkir Hoshimovning "Dunyoning ishlari" kitobidan olgan xulosalarim

Muallifning faqat bir asarini o'qigandim yoshligimda. Kitobxonlar guruhining xulosalar bo'limida O'tkir Hoshimovning asarlari haqida iliq fikr va xulosalar yozilar edi. Shuning uchun bironta asarini o'qib ko'rishim kerak deb yuqorida keltirib o'tilgan asarni o'qib chiqdim.

Kamina yozuvchiga baho berishga ojizmanku, lekin bir-ikki o'zim xulosa olganlarimni keltirmoqchiman. O'tkir Hoshimov so'zlarni joyida qo'llash va gapni sayqallab tuzish borasida juda mahoratli ekanligiga guvohi bo'ldim. Undan tashqari gap so'zilib ketishini oldini olish maqsadida o'quvchiga bir gap bilan o'qiyotgan narsasini yetkazib berar ekan. O'qilishi sodda yozar ekan.

Asarga keladigan bo'lsak shunchalik ona siymosini gavdalantirganki, odamni tafakkurga chorlaydi. Har birlarimizni onalamiz o'zimiz uchun huddi shunday. Asarni o'qib volidamizga yanada hurmat qilishimiz kerakligini amin bo'ldim va amaliga o'tishga harakat qilyapman.

Asar men ojizni shunchalik ta'sirlantirdiki, asar haqida kinofilmni va audio variantini qayta ko'rib, eshitib chiqishga undadi. Va hozir ham davom etmoqda. Endi niyat qilib qo'ydim reja bilan muallifning boshqa asarlarini ham albatta o'qib chiqaman. Muvaffaq qilsin!

Asardan parcha keltirib xulosamni yakunlayman:

"Tush ko'rsam, onam chiroq ko'tarib yurganmish. Yuzini aniq ko'rmasmishmanu, ammo qo'lidagi chiroq xira nur sochib turganmish. "Ko'zinga qara, bolam, chuqur bor" dermish nuqul. Qarasam, chuqur yo'q. Uyg'onsam, onam ham yo'q....."

Muhammad Amin Naziraliyev

@mnshuz Ochish/sharhlash

2022-07-05 09:12:21 Farg'ona shahriga ko'p dasturchilar kelib o'zlarini tajribalarini berib ketishmoqda. Shulardan birlari Komiljon Xamidjonov "Astrum" da Data science bo'yicha dars berar ekanlar.

Juda samimiy o'zini bilimini ayamay o'rgatadigan va undan tashqari kirchimon yigit ekanlar. Komiljonning suhbati ko'proq Codial ustozlari bilan bo'ldi. Undan tashqari Codialda o'qib tugatgan va o'qishini yana davom ettiraman degan yigitlarni Komiljonga yuborishimizni kelishib ham oldik.

Komiljon bergan bilimlaringizga rahmat. Salomat bo'ling.

@mnshuz Ochish/sharhlash

2022-07-04 20:37:00 Ta'lim dargohi ochilsa kamina o'zini juda baxtiyor his qiladi. Va ochilish marosimiga vaqt ajratishga harakat qilaman.

Kuni kecha o'zini universitetga o'quvchi tayyorlashi bilan mashhur bo'lgan "Registon" o'quv markazi Farg'ona shahrida o'z faoliyatini boshladi. O'quv markazning 16-filiali ekan. Qoil.

Qanday o'qitadi, tizimi qanday, o'quv rejalari va chiqarayotgan keng ko'lamli kitoblari bilan tanishib ushbu o'quv markazga yanada hurmatim oshdi.

Farg'ona shahardagi boshqa o'quv markazlarga hurmat saqlagan holda aytamanki, bunday o'quv markazlari bizni Farg'onada juda ko'p filiallarini ochishi tarafdoriman. Sababi raqobat oshib sifat yuqorilaydi. Ozgina o'quvchiga nisbatan xizmat ko'rsatish va o'qitish o'sadi. Shuning uchun.

Registon o'quv markaziga omad va zafarlar tilab qolaman.

ps: Birinchi rasmdagi Avaz aka. Registon o'quv markazi asoschisi.

@mnshuz Ochish/sharhlash

2022-06-27 14:50:09 @mnshuz Ochish/sharhlash

2022-06-27 14:49:57 Bir necha kun oldin Toshkentda Asaxiyuz ofisiga Firuz aka bilan kitoblar haqida gaplashgani bordik.

Borishda ozgina suhbat qilsak deb o'ylagandim. Lekin ushbu satrlar muallifi kitobga qiziqishi ortidan ko'p savollar bilan Firuz akani o'ylashga majbur qildi. Qolganlarga 1ta kitob va menga esa 2ta kitob sovg'a qilganlaridan ham bilsa bo'ladi savollarim muzdek bo'lib tushganini. Lekin qoyil qolganim hamma savollarimga asosli javoblar oldim.

Xulosa olganim bizneslaridagi bir nechta xatolarni aytib bizni ham shu xatolarni qilmaslikka chorladilar. Bular diqqatni biznesga qaratish hadeb piar ga berilmaslik. Biznes jarayonning bir qismida o'zimiz bo'lishimiz va hokazo. Undan tashqari kitoblarni nashr jarayoni va yangi chiqayotgan kitob to'g'risida ham iliq suhbat qildik.

Suhbatni oxiri bir majlisning huddiki vojibi bo'lgan rasmga tushish va Farg'onaga kelsalar albatta mehmon qilamiz degan so'zlar bilan yakunlandi. Rasmiyatchilik ma'nosida bir-ikki jumlalar yana qo'shildi.

Firuz aka ishlaringizga rivoj charchamang. Sizlar katta rahmat. Salomat bo'ling.

ps: Ha aytgancha asaxiyuz loyihasini egasi sifatida kitoblarga qo'l ham qo'ydirib oldim.

@mnshuz Ochish/sharhlash

2022-06-26 06:12:02 Hasanxon Yahyo Abdulmajid domlaning "Yo'l harakati fiqhi" kitobidan olgan xulosalarim

Yaqinda mashina minishni o'rganish uchun kursga borib, ulov minish guvohnomasini ham oldim. Endi undan keyin qiladigan birinchi ishim mashina minish qoida va odoblari haqida dinimizda nima deyilgan ekan deb kitob qidirishga tushdim va Hasanxon Yahyo Abdulmajid domlaning "Yo'l harakati fiqhi" kitobini topdim.

Haqiqatda dinimizda har bir holatimiz uchun yo'l-yo'riq va ko'rsatmalar borligini yana bir bor his qildim. Ulamolarimiz yangi chiqqan narsalarni ham tez o'rganib unga dinimizda qanday ko'rsatma va qoidalar borligini ishlab chiqishar ekan. Ulardan rozi bo'lsin!

Yuqoridagi satrlardan ta'kidlab kitobdan iqtibos keltiraman:

Qizil chiroq yonganda harakatni to'xtating, garchi muqobil yo'lda biror mashina yoki piyoda bo'lmasa ham. Chunki bu vaqtda yo'l yurish qarshi tomonning haqqi, birovning haqqiga tajovuz qilish joiz emas.

Payg'ambarimiz sollallohu alayhi vasallam: "Har bir haq egasi haqqini ber", deganlar.

Hamma mashina haydashga o'tirgan odamni mana shu kitobni o'qib chiqishini tavsiya qilaman.

Kitob muallifini umrlariga baraka bersin!

Muhammad Amin Naziraliyev

@mnshuz Ochish/sharhlash

2022-06-25 07:21:53 Bir necha kun oldin Toshkentga borib to’laqonli ITga ixtisoslashgan xususiy “PDP University”ning ochilish marosimiga qatnashdik. Ajoyib muhit bilan bo'ldi.

Xulosa olgan tarafim doim izlanish va harakatdan to'xtamaslik ekan. Kamina PDP da Android yo'nalishida o'qiganman. Biz o'qigan paytda 3-4 xonada dars berilar va juda katta bo'lmagan joy edi. Lekin hozirda ko'rib turganimiz akademiya binosi va universitet ko'lami.

O'quv rejalari va universitetda o'qigan bola nimalarga erishishi haqida eshitib hursand bo'ldim. Bu kabi katta ishlarga kuchli jamoa bilan erishishdi deb o'ylayman.

Ayniqsa biz qatnashuvchilarga yaxshi bo'lgani ko'p tanishlarimiz bilan suhbatlar qildik va qo'shimcha yangi tanishlar topdik.

Alloh taolodan Odilbek aka va jamoalariga rivoj tilab qolaman. Bundanda katta marralarga erishinglar. Omin.

@mnshuz Ochish/sharhlash

2022-06-22 05:43:12 Rey Bredberining "Farengeyt bo‘yicha 451°" kitobidan olgan xulosalarim

To'g'risi ajoyib asar ekan. Aslida kam kitob o'qiganimdanmi bilmadim bu kitob kamina xodimingiz uchun o'zgacha bo'ldi. Muallif asar orqali umuman boshqa narsalarni ifodalab berdi deb ham o'ylanib qoldim. Bir-ikki kitobga yozilgan xulosalarni ham o'qib ko'rdim. Hozirgi kunlarda kitobxonlarga bo'layotgan holatlarni ham ifodalab ketgan deb o'ylayman. Ayniqsa oxirida ayni vaqtda qo'lyozma bo'lib qolayotgan asarlarni qaysi kutubxonalarda qolayotgani va uni tahqiq qilib qayta nashr etmayotganini ajoyib tarzda ifodalagan muallif.

Aslida bu asarda kitoblarni taqiqlaydigan jamiyat tilga olingan bo'lsada hozirgi vaqtda huddi shu holat bo'lmoqda. Faqat majburlash orqali emas balki o'zimiz texnologiyalarga berilishimiz va vaqtimizni bekorchi narsalarga isrof qilayotganimizdan. Yana bir qadam tashlasak asardagi fuqarolarga o'xshaymiz qolamiz.

Romanni ingliz tilidan ajoyib tarzda tarjima qilgan Bobur Yo'ldoshev ga rahmat. Xullas vaqtni ketkazib o'qishga arzigulik asar ekan. O'zimni qisman mana shu asarda ko'rdim deb o'ylayman.

Bu loyihaga asoschilari Asaxiy books ga minnatdorligimni bildiraman. Salomat bo'linglar.

Muhammad Amin Naziraliyev

@mnshuz Ochish/sharhlash

2022-06-21 06:40:30 Amina Shenliko'g'lining "Iskanja" kitobidan olgan xulosalarim

Ushbu kitobni o'qib bo'lib ancha vaqt tafakkur qilib xulosalarni nimalarni yozishim kerak va atrofimdagi do'stlar mana shu kitobni o'qishi uchun nimalar yozishim kerak deb o'ylanib yurdim. Keyin ozgina vaqti jazm qila olmadim ham. Kuni kecha kitobning audio variantini topib olib e'tibor bilan eshitib chiqdim. Xulosa yozishga jazm etdim.

Muallifaning ko'p asarlari singari bu asar ham hayotiy voqealikka asoslanib yozilgan. Asarda Uyg'ur o'lkasida qurilgan kommunizm qurbonlari haqida hikoya qilindi. Bir yigitning butun yoshlik davri tasavvurga sig'maydigan qiynoqlar bilan qamoqda o'tgani va unga sabab o'zining akasi bo'lgani achinarli. 21 yil davomida yigit ko'rmagan qiynoqlari qolmagani va bundaylar atrofida juda ko'pligi undan tashqari Uyg'ur xalqining ziyoli qatlanimi qamoqlarga olganligi odamni juda mahzun qiladi.

Asarni o'qiyotganimda juda ko'p Allohga shukr qildim. Afsuski, hozirda ham huddi shu holatlar davom etayotgani achinarli hol. Bizni qiladigan yoki qila oladigan yagona ishimiz Allohga duo qilishlikdir.

Xullas ibrat va xulosa olmoqchi bo'lganlar hech bo'lmasa ovozli tasmasini eshitishni tavsiya qilaman.

Asardan iqtibos:

Chaqaloqning ovozi chiqmay qolgandi.
U esa, bor kuchi bilan mushtekkina chaqaloqning boshini tepkilardi. Bor ovozim bilan baqirdim.
- Xoinlaaar, ablaxlaaar, senlarni Allohning o'zi xor qilsin...

Kitobni o'qiganlar bormi?

Audio varianti: https://t.me/audiokitoblar_islom/337

Muhammad Amin Naziraliyev

@mnshuz Ochish/sharhlash

2022-06-20 12:14:59 Taklif uchun tashakkur. Nasib qo'shgan bo'lsa, albatta, boramiz.

PDP jamoasiga omad va zafarlar tilab qolaman.

@mnshuz Ochish/sharhlash