Митти Ҳикоялар

2022-08-18 08:44:18 10-11 ёшимда тенгдошларим билан футбол ўйнаётгандим. Нимадандир қаттиқ жаҳлим чиқиб: "Онангни эмгур" девордим. Ўзимдан-ўзим уялиб кетдим. Оғзимдан чиқаётган биринчи уятсиз сўзим шу эди. Бу менинг учун энг даҳшатли уятсиз сўз эди. Укам буни кўриб турган экан: "Сиз сўкиндингиз, дадамга айтиб бераман", деди. Энди бу иккинчи даҳшатли сўз эди. Биз сўкинмас эдик, энди ўлдим, дея ўйладим. Укамга ялиндим-ёрвордим...

Йиллар ўтди. Ҳалигача ҳозир болалар бемалол сўкадиган сўзлар уёқда турсин, ҳатто "сўлаги оқди", "терладим" ёки "бурнимни қоқдим" деган сўзларни айтишга ҳам уяламан.

Оилавий муҳитда гап кўп.

Мубашшир Аҳмад ҳафизаҳуллоҳ.

@Mitti_Xikoyalar Ochish/sharhlash

2022-08-16 20:57:36 -Уффф, бугун нимагадир савдо яхши бўлмади, - деди хафа оҳангда дорихоначи қиз.

Зафар Рўзмаматов

@Mitti_Xikoyalar Ochish/sharhlash

2022-08-15 18:54:33 Меҳр бўсаси

Фарзанд қариб, тўзиб юра олмай қолган онасини тавоф қилди ва оёғини узоқ уқалади, сўнгида ўпиб қўйди. Уни улуғлади. Секин бошини юқорига кўтарди ва ажин тўла юз билан жилмайиб қараб турган онасини кўрди.
- Нечун юзингизда табассум онажон? - сўради ўғил.
- Ёшлигингда оёғингдан ўпсам қиқир-қиқир кулар эдинг! Ўшанда оёғингдан эмас юрагингдан ўпган эканман... - дея она Аллоҳга омонатини топширди.

П.С. Сизни севаман онажоним!

Ҳусан Насруллаев

@Mitti_Xikoyalar Ochish/sharhlash

2022-08-14 20:38:38 Оптимист

ㅡ Одамлар керак бўлиб қолганингдагина сени эслашади!
ㅡ Демак, кимгадир ҳали ҳам керакли эканман.
ㅡ Одамлар сендан фойдаланишади, деяпман!
ㅡ Демак, фойдали инсон эканман...

Малика Мумтоз

@Mitti_Xikoyalar Ochish/sharhlash

2022-08-13 06:37:28 Ўзининг пешонаси шўр эди ҳаёт унга эрта азоб берди бахтли эди, у ўзгарди нима жин бўлдики эри туриб ўйнаш топди, бир жонини берганча юраги тамом бўлди, шўрликни, томга чиқиб юлдуз санади, кейин юрак ишламай қолди. Сўраганларга юраги чатоқ эди деб айтишарди.

@Mitti_Xikoyalar Ochish/sharhlash

2022-08-11 10:53:42 ​​#ибрат

Фил ва арқон ҳикояси

Кунларнинг бирида сайёҳ, ингичка нимжон арқонга бойлаб қўйилган ва натижада жазирама иссиқда қийналиб туришга мажбур бўлган катта ва кучли филни кўриб ҳайрон қолди. Сабаби сал нарироқда салқин, ям-яшил ўрмон бор эди, аммо бу гигант иссиқда қийналиб турарди.

— Нима учун шундай катта фил нимжондан нимжон бўлган арқонни узиб кетиб озод бўлиш ўрнига жимгина иссиқда қийналиб турибди? — дея сўради сайёҳ. Унга жавобан фил эгаси:
— Фил кичиклик пайтида бу арқонни узишга жуда кўп уринган, лекин эплай олмаган. Шунинг учун ҳозир бунга харакат ҳам қилмаяпти.

P.S.: Дарҳақиқат кўпчилигимиз фарзандларимизга ёшлигидан "уни қилолмайсан, буни қилолмайсан, ҳали ёшсан" деб, уни синдириб қўямиз ва бутун умр ўзига ишонмаслик ипига боғлаб қўямиз!

Фарзандингизни кўринмас иплар билан боғлаб қўйманг!

@Mitti_Xikoyalar

https://t.me/+lEZqlPfiCyM5MTUy Ochish/sharhlash

2022-08-11 10:39:06 МАСЛАҲАТ

– Севиб қолдим, дўстим... Сендан маслаҳат олиш учун келдим. Афсуски, у оилали аёл. Бошим қотди!
– У ҳам сени деса бирга бўлинглар. Умр бир марта берилади, ахир! – дедим дангал.
– Энг ёмони шундаки, унинг эри...
– Э, эри вақти келиб тушунади. Севмаган одаминг билан яшашдан нима наф? – қўл силтадим мен. – Маслаҳатим: уни бахтли
қил!
Дўстим билан бу суҳбатимдан кўп ўтмай хотиним мени ташлаб кетди...

Наргиза Асадова

@Mitti_Xikoyalar Ochish/sharhlash

2022-08-11 04:54:49 Дунёни қутқармоқчимисиз?
Қизга тарбия беринг!

Дунёни гўзал қилмоқчимисиз?
Қизга тарбия беринг!

Жаннатга кирмоқчимисиз?
Қизга тарбия беринг!

@Mitti_Xikoyalar Ochish/sharhlash

2022-08-10 19:06:37 НОМСИЗ ҲИКОЯ

Эшик қўнғироғи чалинди. Лайли эшикни очди ва маст эркакни кўрди.
– Жоним, мен...
– Йўқол!
Лайли эшикни ёпмоқчи бўлди, у ёқасига чанг солди. Кўйлак шириллаб йиртилди.
– Кет! Эрим келса ўласан. Йўқол деяпман!
Жувон уни итариб юборди. Бир оздан сўнг яна қўнғироқ чалинди. Ўшамикан?!
– Боши ёрилган, – эри бояги эркакни ичкарига суяб кирди. − Қон кетяпти, ёрдам бермасак бўлмайди. Зинадан йиқилганга ўх-
шайди.

Мақсуд Жонихонов

@Mitti_Xikoyalar Ochish/sharhlash

2022-08-10 15:25:15 ГУМРОҲ БАНДАЛАР

Одамларга ҳайронсан. Ота-онаси тириклигида икки оғиз ширин сўзни текинга айтмайди-да, улар ўлганидан кейин минг-минг
пул сарфлаб, ўша сўзларни қабртошга ёздириб қўяди...

Шукур ХОЛМИРЗАЕВ

@Mitti_Xikoyalar Ochish/sharhlash