2023-02-21 07:00:31
Бу башорат эмас, психологик кузатувлар асосида ёзилган!
Қайси ойда туғилгансиз?
Декабрь
Чиройли, таъсирчан ва фаолсиз! Яқинларингиздан ёрдамингизни аямайсиз. Сўз билан ҳамма нарсани тушунтириб бера оласиз-у, аммо атрофдагиларни тинглашни билмайсиз. Доим шошиб юрасиз. Сабрлироқ бўлинг, шунда муаммолар гирдобида қолиб кетмайсиз.
Январь
Киришимлилигингиз сабаб атрофдагилар билан тез тил топишасиз. Сизни севганларни чин дилдан қадрлайсиз. Ички дунёнгиз гўзаллиги ташқи қиёфангизда намоён бўлади. Орзуларингизнинг чеки йўқ. Улар ушалишига ишониб яшайсиз. Камчилигингиз–доим диққат-марказда бўлишни истайсиз, агар бирор даврада эътибордан четроқда қолсангиз, аразлаб, тўнингизни тескари кийиб олманг.
Февраль
Ақлли ва дунёқараши кенг инсонсиз. Ич-ичингиздан романтикага ошуфта бўлсангиз-да, ҳаётга реал қарайсиз. Бировнинг қўлига қараб ўтиришга тобингиз йўқ. Барча ишларни бир ўзингиз бажаришни ёқтирасиз. Жаҳлингиз тез чиқса-да, буни яшира олшингиз таҳсинга сазовар.
Март
Истараси иссиқ, сирли, ёқимтой, қўли ва кўнгли очиқсиз. Кўп гапиришни ёқтирасиз. Тез жаҳлингиз чиқади. Танбеҳ беришга устасиз. Мақтов эшитиш эса жону дилингиз. Сўнгги урфдаги кийимларни кийишингиз, доим ўзингизга эътиборли бўлишингиз шарт. Атрофдагиларга ҳам шундай муносабатда бўлинг.
Апрель
Ҳазилкаш, қувноқ, ўжар, сергап ва ҳотамтойсиз! Атрофдагилар билан яхши муносабатда бўласиз. Шунинг учун ишдаям ошиғингиз олчи. Янгиликлардан доим бохабарсиз. Спорт билан шуғулланиш, мусиқа тинглаш, дам олиш ва сайёҳатга чиқиш жону дилингиз.
Май
Ушбу ойда туғилганлар қарор қабул қилишга уста бўлишади. Муросаи мадоранинг устаси фаранги эканликлари боис улардан яхши раҳбар чиқади. Қўрқмасдан мақсадлари сари интилади. ҳамиша кулиб тургани учун хафа қилишга ботина олмайсиз. Шу сабаб дўстлари кўп. ҳис-ҳаяжонга берилувчан, дилидаги тилида. Салбий томони жуда эътиборталабдирлар.
Июнь
Ёзнинг илк ойида туғилган «ичимдаги топ» дейдиганлардан. Хотиржам, дунёни сув босса, тўпиғига чиқмайди. Ғурури баланд. Битта инсонни севадилар ва улар учун садоқат муҳим. Рашк оловини бир ёқсалар ўчиролмай, олам оввора. Дўстлари учун бор имкониятларини ишга солади. Раҳбарлик қобилияти кучли.
Июль
Бетакрор ва кўнгли тоза. Янги дўстлар билан танишишни хуш кўрасиз. Истагингиз–завқу шавққа тўла ҳаёт кечириш. Шу сабаб муаммоларга дуч келганда ўзинингизни йўқотиб қўясиз. Бироз вазминроқ бўлинг, ҳаётга жиддий қаранг.
Август
Кўнглингиз бўш. Аммо ҳамма нарса назоратингизда бўлишини хоҳлайсиз. Ўзингизга ишончингиз баланд. Сувни кўрмагунча этикни ечмайдиганлар тоифасига кирасиз. Тасаввур оламингиз бой. Қизиқувчансиз. Кучлилигингиз ва иродангиз ўрнак бўлишга арзигулик.
Сентябрь
Жасоратли дўстларингиз даврасида бўлиш ёқади сизга. Эътиборталабсиз-у, аммо одамларнинг диққатини ўзингизга тортишни билмайсиз. Сохталикни хушламайдиган, самимийсиз. Ҳаётда бироз фаолроқ бўлсангиз, кўп нарсага эришасиз.
Октябрь
Хотирангизга гап йўқ. Воқеа-ҳодисаларга жуда эътиборлисиз. Ўзингиз истаган нарсаларга эришиш учун чин дилдан ҳаракат қиласиз. Олма пишиб, оғзингизга тушишини кутмайсиз. ҳазилга устасиз. Доим кулиб юрасиз.
Ноябрь
Қайсар, баъзи пайтларда қаҳри қаттиқ, иродаси кучли. Уларни юпатиш осон. ҳамма жойда тартибни ва масъулиятни талаб қилишади. Адабий асарлар ўқишни ва санъатни яхши кўради. Саёҳат қилиш дону дили. Кечириш ва унутишни ўрганишса, яшашлари осон бўларди.
192 viewsergashkhonova muslimaxon, 04:00
М
