2022-08-29 16:27:53
«Ғалати» японлар
Доим қайсидир шедевр чет эл фильмининг премьераси ҳақидаги афишаларни кўрсам, бир инсон гапириб берган қизиқ воқеа ёдимга келади.
«Ўзбекистондан Японияга ўқишга борган танишим айтади: бир куни курсдошлар билан суҳбатлашиб ўтириб, гап яқиндагина чиққан Америка киносига тақалди. Ҳамма курсдошларимиз анонсни кўргани, у Япония кинотеатрларига келиши билан тушмоқчи эканини айтишди.
Мен эса «ҳа, кино ростдан зўр экан, яқин орада бунақасини кўрмовдим» дедим. Шу пайтда япон курсдошларимни қисиқ кўзлари ҳайратдан катта-катта бўлиб кетишди: «сен бу кинони қаерда кўрдинг? Ҳали Япониягача етиб келмадику?!»
Мен уларга одатдагидек, «торрент»дан скачат қилганимни, агар кўрмоқчи бўлишса, ана, ноутбукимда турганини айтдим. Японлар эса менга худди ноутбукда кино эмас, бомба олиб юргандек қарашди. «Сен жиннимисан, бунақа қилиш мумкин эмас, ахир бу кино бировни меҳнати, қанча маблағ сарфланган, уни ўғрилаб кўриб бўлмайди» дейишди. Кейин бир неча ҳафта ҳар кўришганда «торрент»дан кино скачат қилиш нотўғри эканини гапириб юришди. Японлар бировнинг, ҳаттоки, ўзига бомба ташлаган америкаликлар ҳаққига ҳам хиёнат қилмаслиги мени қаттиқ таъсирлантирди».
Конституция лойиҳасига интелектуал мулк ҳуқуқи бўйича модда қўшилаётгани маълум бўлгач, бу ҳақдаги муҳокамалар кўпайди. Кўпчилик бир фикрни айтяпти ва мен ҳам унга тўлиқ қўшиламан — интелектуал мулк ҳуқуқи, умуман, бировнинг ҳаққига хиёнат қилмаслик мактабдан, керак бўлса, бошланғич синфлардан бошлаб ўргатилиши керак.
Интелектуал мулк ҳар қадамда бор. Шундай экан, унинг ҳуқуқи ҳамма жойда бўлиши керак. Конституцияда ҳам.
Каналга уланиш:
@mirzaobod_xabarlari
439 views13:27