#DV2020: #GrinKarta lotereyasi bo'yicha sud ishi nihoyasiga yetdi.
Bugun sudya Amit Mehta grin karta lotereyasi sovrindorlari uchun 30-sentyabrdan keyin ham 9 095 joy ajratilishi haqida qaror chiqardi (Advokatlar da’vo arizasida 30 ming joy ajratilishini so’ragan edilar). Demak 2020 yilda har yili ajratiladigan 55 000 vizaning taxminan yarmi ishlatiladi.
AQSh Tashqi ishlar vazirligi bergan hisobotga ko’ra, bugungacha 15 400 viza berilgan. Sudya Mehta buyurgan 9 095ta viza berilgan taqdirda, 2020 yilda grin karta lotereyasi bo’yicha jami 24 495ta viza beriladi.
Sud advokatlar talabini nega to'liq qondirmadi?
Sudya Mehtaga ko’ra, koronavirus AQSh Tashqi ishlar vazirligi tomonidan grin karta lotereyasi arizalari samarali ko'rib chiqilishiga salbiy ta'sir qilgan. Bu holatni inobatga olib, 30-sentyabrdan keyin jami 9 095 ariza ko'rib chiqilishi haqida qaror chiqardi.
