2022-09-02 16:15:02
Ижтимоий тармоқларда Бош вазирнинг сентябрь ойи учун пенсия ва нафақаларни муддатидан олдин тўлаб бериш юзасидан топшириғи ижроси нотўғри талқин қилинаётган ҳолатлар кузатилмоқда.
Шу муносабат билан, Ўзбекистон Республикаси Молия вазирлиги ҳузаридаги бюджетдан ташқари Пенсия жамғармаси қуйидагиларни маълум қилади.
Вазирлар Маҳкамасининг тегишли топшириғига асосан пенсия ва нафақа олувчиларга
Мустақиллик байрами олди кўтаринки кайфият улашиш мақсадида муддатидан аввал маблағларни пластик карталарга юклаб бериш топширилган.
Мазкур топшириқ ижроси бўйича етарли маблағлар 2022 йил 1 сентябрга қадар тижорат банкларнинг ҳисобварақларига молиялаштириб берилди.
Жамғарманинг туман (шаҳар) бўлимлари томонидан жорий йил сентябрь учун
4,2 млн. нафар фуқароларга пенсия ва нафақа тўлови қайдномалари 30 августга қадар тўлиқ шакллантириб, ахборот тизимлари орқали
АТ “Халқ банки” ва тегишли тижорат банкларига етказилди. Жорий йилнинг 2 сентябрь ҳолатига пенсия ва нафақа тўлови учун жами талаб этилган 4 298,6 млрд. сўм маблағдан
3 881,2 млрд.сўм (ёки 90 фоиз) молиялаштириб берилди. Жумладан, нақд пулда олувчилар учун 1 831,9 млрд. сўм (ёки
ойлик талабнинг 81 фоизи) АТ “Халқ банки”га ҳамда банк пластик карталари орқали олувчиларга тўлиқ миқдорда
2 049,3 млрд. сўм (ёки 100 фоиз) тижорат банкларига молиялаштирилиб пенсия ва нафақа олувчиларнинг банк пластик карталарига
тўлиқ юклаб берилди.Шунингдек, Президентнинг тегишли фармонига асосан Мустақиллик байрамида
кетма-кет 4 кун дам олиш белгиланганлиги муносабати билан АТ “Халқ банки” томонидан сентябрь ойида нақд пулда пенсия ва нафақа олувчилар учун тўловлар жорий йилнинг 5 сентябрь санасидан амалга оширилишини маълум қиламиз.
-11-40 - http://pfru.uz
Kanalga ulaning: @PensionFundRUz
1.8K viewsMoliyaPress, 13:15
M
