ҚИЗЛАРГА ЎРГАТИНГ! • Сендан кейин эркак киши бўлса нарвонга ч | Millionersha

ҚИЗЛАРГА ЎРГАТИНГ!

• Сендан кейин эркак киши бўлса нарвонга чиқма. Бир четда тур. Эркак чиққанидан сўнг ундан кейин сен чиқ!
• Лифтда бегона эркак бўлса лифтга чиқма. У чиқсин. Кейинги сафар сен чиқ!
• Амакингни ўғли, тоғангни ўғли, холангни ўғли билан қўл бериб кўришма!
• Гаплашадиган кишинг билан доимо керакли масофани сақла!
• Қанчалик яқин бўлмасин, кишилар билан муомала қилганингда чегарани сақла.
• Виқорингни муҳофаза қил!
• Йўлларда дугоналаринг билан кулишиб гаплашма. Кўча одобини сақла!
• Сен бор жойга катталар кирса диққатли бўл. Катталарни ҳурмат қил. Қарияларга ўрнингни бер!
• Кўчада отадан бошқа эркаклар бегонадир. Улар билан гаплашиш шарт эмас. Қариндош бўлсада, қалби касаллар кўп!
• Бирор дўконда оғирроқ нарсани кўтармоқчи бўлсанг рукуъ қилгандек эгилма. Олдин ўтириб кейин кўтар. Мана шу яхшироқ бўлади. Кўринишинг хуник бўлмайди!
• Автобус ёки таксида бутун ҳаётингни достон қилма. Овозингни кўтарма!

Баъзилар юқоридаги ишларни йўқолиб кетган эскилик сарқитлари деб қарайди. Аммо бизга тушгани уларни ўз ўрнига қайтаришдир. Булар буюк динимизнинг асл ўзакларидандир!

Аллоҳ хотин-қизларимизни фитналардан асрасин!

Абдулқодир Полвонов