Millionersha

2023-01-19 06:06:51 #танқид

Роппа-роса 105 йил бурун Николай II нинг бир фармони чиққан. Унда Туркистон ўлкасидаги рус бўлмаган 19 ёшдан 49 ёшгача бўлган жами 250 минг эркакни фронт ортидаги ишларга сафарбар қилиш кўзда тутилган.

Менинг жафокаш халқим нима деган биласизми? “Майли, империянинг уруш харажатларини тўлашга розимиз, лекин болаларимизни мардикорликка боришига қаршимиз”.

Чунки бу халқ оммавий мардикорликни ўзларига иснод деб билди. Кафангадо бўлсак бўламиз, лекин фарзандларимизни мардикор қилмаймиз, деб туриб олишди. Бу йўлда қўлига қурол олди ва минглаб шахидлар беришди...

Қисматнинг шафқатсиз ўйинини кўринг, орадан 100 йил ўтиб, ўзимиз мардикор бўлмоққа бел боғладик. Улуғларимиздан мерос қолган ғуруримизни тирикчилик еб битирди...

Алишер Назар Ochish/sharhlash

2023-01-13 19:03:08 Бошқаларнинг фикри:

20 ёшда бошқалар сиз ҳақингизда нима деб ўйлашлари ҳақида ҳавотирланасиз.

30 ёшга кирганингизда, энди сиз бунга аҳамият бермайсиз.

40 ёшда эса, сиз ҳақингизда ҳеч ким ўйламаганлигини тушуниб етасиз ...

Уинстон Черчилл Ochish/sharhlash

2023-01-11 14:41:36 ​​Бор эканда йўқ экан, қадим-қадим замонларда меҳнаткаш чумоли бўлган экан. Чумоли эрта-ю кеч тинимсиз бир ўзи меҳнат қиларкан. Бир куни учиб кетаётган пашша меҳнаткаш чумолини кўриб қолибди. Пашша заҳматкаш, меҳнатсевар ва бахтли чумолини кузатиб, “Чумоли бир ўзи меҳнат қилиб қийналади” -деб унга ёрдам беришга қарор қабул қилибди. У аввалига корхона очибди. Корхона раҳбари лавозимига ўзини тайинлаб, чумолини эса оддий ишчи лавозимига ишга олибди. Корхона ишлари бир маромда давом этарди лекин меҳнаткаш чумоли ишини ҳеч ким назорат қилмас экан. Бу муаммони ҳал этиш учун янги бўлим яъни, "ишларни назорат қилиш бўлими" ташкил қилинибди.

Бу лавозимга суҳбатдан муваффақиятли ўтган чаён ишга олинибди. Чаён ишчан чумолини ҳар бир соатини тўлақонли ўз назоратига олиб, эрта-ю кеч қилинган ишлар ҳақида ҳисоботлар қилишни талаб қила бошлабди. Меҳнаткаш чумоли энди нафақат тинимсиз меҳнат қилиши керак, балки назорат бўлимига ҳисоботларни ҳам ўз вақтида тақдим қилиши зарур бўлиб қолибди. Вақт ўтиши билан пашшага бу ҳисоботлар камлик қила бошлабди. Энди у чаёндан чумолидан эртанги кун режалари ва келгуси ишлари ҳақида йўл харитаси ҳам олиб тақдим қилишини талаб қила бошлабди. Чумолига хайфсан ва ойлигидан жарималар ушлаб қолиниши билан таҳдид қилишибди. Чаённинг бир ўзи ҳисоботларни текшириб чиқишга қийналганлиги сабабли унга ёрдамчи асистент лавозимига суваракни ишга олишибди. Йил якунида корхона йиллик режаларини муваффақиятли бажаргани учун пул мукофотлари пашша, чаён ва суварак ўртасида тақсимлаб олинибди. Чумолини эса ишдаги камчиликлари учун мукофот пулидан маҳрум қилишибди. Иш унумдорлиги кўпаймасада, лекин ҳисоботлар ва бошқа хужжатларни тўлдириш (бюрократия) кун сайин ортиб бораверибди.

Чумолини иш унумдорлигини ошириш мақсадида, “чумоли ишини мувофиқлаштириш” департаменти ташкил этилибди. Бўлим бошлиғи этиб ўргимчак тайинланади. Янги бўлим алоҳида хоналар, замонавий жиҳозлар билан таъминланибди. Бундан ташқари, ушбу бўлимга яна бир нечта янги кадрлар ишга қабул қилинибди. Янги бўлим орқали меҳнаткаш чумолининг барча ишлари автоматлаштирилган янги тизим орқали марказлаштирилибди. Корхона раҳбари пашша корхона ҳисоботларида иш сифати ва унумдорлигида камчиликлар топиб, уни бартараф этиш учун ташқаридан қора қўнгизнинг молиявий аудит фирмасини ишга ёллабди. Корхонанинг барча молиявий ҳисоботларини, қолаверса, чумолининг иш унумдорлигини текшириб чиқибди.

Қора қўнғиз корхонада ходимлар сони кўпайиб кетганлиги учун корхона даромадлари камайганини аниқлаб, штатни қисқартириш хулосасини тақдим этибди. Пашша раислик қилган мажлисда бир ходимни қисқартириш масаласи кўндаланг қўйилибди. Узоқ бахс-мунозалардан сўнг, чумолини ишдан бўшатишга қарор қабул қилишибди. Чумолини ишдан бўшатилишига қуйидаги муҳим асосларни келтириб ўтишибди:

1. Чумоли доим иши кўплигидан нолийди;
2. Чумоли доим бошқа ходимлардан ойлиги камлигини айтади;
3. Пул мукофотлари олмаганлиги учун эътирозлари кўп;
4. Доим қўшимча ишчи кучи - чумоли олиш хақидаги таклифлар беради;
5. Ишдан кеч кетиб, эртасига ишга кеч қолиб келади ва хоказоларни инобатга олиб, бир овоздан чумолини ишдан бўшатишибди.

Ишдан бўшаган чумоли аввалгидек бир ўзи - ўзи учун ишлаётганидан бағоят хурсанд ва бахтиёр бўлибди. Корхона эса ишлайдиган ходим қолмагач ёпилишга мажбур бўлибди. Шунақа гаплар...

Халқ оғзаки ижоди Ochish/sharhlash

2023-01-06 19:02:01 Itoat! (Judayam taʼsirli, albatta o'qing)

Men safarga ketyapman xotin,
Ruxsatimsiz chiqma koʻchaga.
Xoʻp boʻladi - dedi ayol jim,
Xotirjamlik choʻkdi oʻrtaga.

Ikki kuncha oʻtib oradan,
Taqilladi darvoza sekin.
Kim u - ayol soʻradi undan
Men otangning doʻstiman qizim

Otang betob yotibdi uyda,
Shuni senga aytgani keldim.
Ayol dedi, titroq, kuyda:
Shifo bersin yaxshiyam bildim

Borolmayman lekin ming afsus,
Erim ketgan olis safarga.
Chiqma degan koʻchaga essiz,
Kelsa borib kelamiz birga.

Ikki soat oʻtmasdan yana
Taqilladi darvoza qattiq
Kim u – ayol dedi baralla
Ukangizman – gapirdi achchiq

Otam biroz ogʻir ahvolda,
Sizni soʻrab kutyapti halak.
Padaringiz axir har xolda,
Tosh emasdur sizdagi yurak!

Ukajonim, xato oʻylama,
Pochchang kelsin safardan qaytib.
Hech qayerga chiqma deganda,
Shifo bersin, borib qoʻy aytib.

Uka ketdi, qaytib ortiga,
Opa biroz siqildi, yondi.
Alam qildi ketolmay birga,
Sadoqati tufayli qoldi.

Ikki kundan keyin darvoza
Taqillardi, yaqinroq tushga
Ayol koʻngli oʻrtanib rosa
Ulgurmadi kim u deyishga

Opa, otam qildilar qazo
Bosmadingiz bir bora qadam
Ayol yigʻlab derdi: Ey, Xudo
Jannatlarga kirsinlar dadam.

Hech narsani oʻylamay ayol,
Darvozadan chiqmoqchi boʻldi.
Shu payt ketdi eriga hayol,
Choram yoʻq deb, yerga yiqildi.

Uka jaxl qildi-yu, qaytdi,
Tushunmasdan opani bir zum
Shunday boʻlgan zamon u payti
Telefonlar boʻlmagan udum.

Uch kun oʻtib, safardagi er,
Qaytib keldi sogʻu-salomat.
Voqeani tinglab eri der:
Bormabsan-da, attang oʻsha payt

Gapingizni yerda qoldirsam,
Gunoxidan qoʻrqaman buni.
Indamasdan bilganim qilsam,
Qiynalaman oxirat kuni.

Yigʻlagancha uxladi ayol,
Tushga kirdi oʻlgan otasi.
Unga kulib qoʻydida xiyol:
Qizim, yaxshi dedi hammasi.

Bir amaling yoqib Xudoga,
Alloh menga mukofot berdi.
Itoatgoʻy boʻlganding erga,
Jannatiymiz xammamiz endi.

Qara, jannat roʻyxatlarida:
Onang, ukang, ering va oʻzing.
Qarindoshlar jamdur barida,
Oldimda ham yorugʻdir yuzing.

Qay holatda oʻlsa xam bari,
Jannatlarga boʻlar musharraf.
Sevintirdi jon qizim mani,
Sening otang ekanim sharaf.

Seskandi-da uygʻonib birdan,
Soʻzlab berdi onaga tushin.
Ona dedi: Bu ishin chindan,
Taxsinlarga arzirkan qizim.

Internetdan olindi Ochish/sharhlash

2023-01-06 19:01:29 Бировнинг гуноҳини ҳеч қачон муҳокама қилма, чунки сен уни фақатгина гуноҳини кўряпсан, тавбасидан эса ҳабаринг йўқ. Ochish/sharhlash

2022-12-22 18:59:21 #ибрат

Йиғламасдан ўқий олмайсиз...

Бир кишига қўнғироқ қилиш сабаб, телефоним контактидан унинг рақамини қидирар эканман, бошқа рақам эгасига кўзим тушиб қолди. Кўзим тушди-ю, этим жимирлади, бутун вужудимни қайғу қамраб олди. Бу рақам эгаси билан туғилганимдан буён бирга эдим. Ўн ой аввал ҳам кунда кун олис суҳбатлашиб турардик.

Рақамга кўзим тушаркан, аламли хотиралар бирин-кетин кўз олдимдан ўта бошлади. Чидаб бўлмади, ўпкам тўлиб кетди, чуқур-чуқур хўрсинардим. Афсус чекардим. Бу рақам эгаси, менинг раҳматли падари бузрукворим эди.
Манашу рақамдан дадам хаётликларида, ҳар доим ҳам эмас, онда-сонда:
— Иқболжон болам, телефонимни пули тугаб қолади-да, иложи бўлса беш-ўн минг пайнет қилиб юборгин, — дердилар.
— Хўп бўлади, дада.

Алам қиладигани, армон қиладигани, баъзи-баъзида ўзим билан ўзим бўлиб (дунёвий ташвишларга берилиб), айтган илтимосларини унутиб қўйган кунларим бўлганди. Ўзлари телефонларига пул тушириб, яна қўнғироқ қилардилар. Телефон экранида рақамларини кўришим билан бояги илтимослари ёдга тушиб, "эҳ эсимдан чиқибди-ю" деганча коловланиб, қўнғироқни олганимда:
— Иқболжон! Хавотир олма, ўғлим, ўзим пул тушириб олдим, ишларингни қилавер, фақат эҳтиёт бўлгин! Бошинг омон бўлсин! — деб дуо қилиб қўярдилар.

Аламли хотираларни ёдга олар эканман, қанчалар бепарво эканлигимдан хафа бўламан, ўпкам тўлиб, кўзларимдан ёш думалаб, экрандаги "Дадам" деб ёзилган телефон рақамига думалайди. Хаёлга бериламан. Қани энди хозир шу рақамдан қўнғироқ бўлсайди, 34 йиллик таниш овоз жаранглаб:
— Ўғлим, яхшимисан? Ишларинг бўляптими? Қийналмаяпсанми? Бизлардан хавотир олма, биз яхшимисиз, ўзингни эҳтиёт қил, болам! — десалар.

Йўқ, энди қўнғироқ бўлмайди! Қўнғироқ бўлмаслигини билганим учун ҳам бугун чуқур қайғудаман! Жаннатларда кўришишлик насиб қилсин, дадажон!

Иқбол Юсуф Ochish/sharhlash

2022-12-19 05:00:53 Ассалому алайкум ва роҳматуллоҳи ва барокатуҳ.

Хайрли тонг Азизлар!
Аллоҳим тонгингизни нурафшон, кўнглингизни хотиржам қилсин! Душанба тонги барчамизга муборак бўлсин!

Тириклигимиз, саломатлигимиз, тинчлигимиз булар бизга берилган Аллоҳнинг инъомидир.

Шундай экан, табассум қилинг, яқинларингизга хуш кайфият, яхшилик улашинг, ҳатто ёмонлик қилганга ҳам мурувват кўрсатинг, ҳаётдан завқланиб, баҳра олиб яшанг. Токи, биздан фақат яхшилик ва яхши хотира қолсин.

Бу куннинг файзу барокати ҳамроҳингиз бўлсин, қадрдонлар... Ochish/sharhlash

2022-12-15 08:42:28 Германиялик шифокор айтади:
— Арабларда кўзойнак ишлатилиши камдан-кам учрайдиган ҳолат. Сабаби эса, улар ўнгдан чапга қараб тўғри ўқишади. Биз европаликлар эса, лотинчани чапдан ўнгга қараб ўқиймиз. Ҳолбуки, яратилишига кўра, кўз ўнгдан чапга қараб ўқишга мослаштирилган.

Қуръони Каримни бизга араб тилида нозил қилган Аллоҳга ҳамду санолар бўлсин! Ochish/sharhlash

2022-12-15 08:33:11 -Агар инсон фабрика бўлганида, нима ишлаб чиқарган бўларди?
- Баҳона... Ochish/sharhlash

2022-12-12 09:24:10 Бир куни шам уни йўқ қилган ипни қучоқлаганини тушунади. Ochish/sharhlash