Миграция агентлиги матбуот котиби

2022-08-17 14:11:21 Россия Федерациясида ишлаётган юртдошларимизни огоҳликка чақирамиз!

Сўнгги вақтларда Россия Федерациясида ишлаётган юртдошларимиз орасида Интернет орқали катта миқдордаги пул эвазига маҳсулотларни бир манзилдан иккинчи манзилга етказиб бериш ҳақидаги эълонлар бўйича муаммолар юзага келмоқда.

Мурожаатлардан маълум бўлмоқдаки, норасмий курьерлик хизматларида наркотик ёки тақиқланган моддалар солинган буюртмаларни етказиб бериш (закладка) таклиф қилинмоқда ва бунинг оқибатида полиция ходимлари томонидан курьерлар ушланиб, жиноий жавобгарликка тортилмоқда.

Шу муносабат билан, юртдошларимиздан норасмий курьерлик хизматларида ишламасликни, катта миқдордаги пул эвазига шубҳали буюмларни бир манзилдан иккинчи манзилга етказиб бермасликни ёки маҳсулотни албатта текширишни сўраймиз.

Эслатиб ўтамиз, Россия Федерацияси қонунчилигига кўра, наркотик моддаларни сотиш ёки етказиб бериш учун узоқ муддатли қамоқ жазоси белгиланган.

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-16 12:32:40 Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида ташкил этилган брифингда Ташқи меҳнат миграцияси агентлиги матбуот котиби Ортиқхўжа Норов Корея Республикасида вақтинча меҳнат фаолиятини амалга ошириш учун ўтказилаётган имтиҳонлар юзасидан маълумот берди.

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-15 13:14:37 Бугун соат 16:00 да Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида ташкил этиладиган брифингда Ташқи меҳнат миграцияси агентлиги матбуот котиби Ортиқхўжа Норов Корея Республикасида вақтинча меҳнат фаолиятини амалга ошириш учун ўтказилаётган имтиҳонлар юзасидан маълумот беради.

Саволларни @Rasmiy_aloqabot га жўнатишингиз мумкин.

Брифинг "UzReport TV" ва "O‘zbekiston 24" телеканаллари орқали онлайн ёритилиши режалаштирилган.

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-13 09:31:46 Ўзбекистондан Россияга ишлаш учун кетганлар сони қанча?

Ижтимоий тармоқларда ва баъзи ОАВда Россия ИИВ томонидан 2022 йилнинг 2-чораги давомида ушбу мамлакатга ишлаш мақсадида кириб борган хорижий давлатлар, шу жумладан, Ўзбекистон фуқаролари сони ҳақида тақдим этилган маълумотлар нотўғри талқин этилмоқда.

Таъкидлаш жоиз, ушбу хабарларда баён этилаётганидек жорий йил 2-чорагида Ўзбекистондан Россияга 1,5 миллиондан ортиқ меҳнат мигранти кириб бормаган. Аслида бу рақам миграцион рўйхатда туриш ҳолати билан боғлиқ.

Чет эл фуқароси бир йил давомида миграцион рўйхатни ўзгартириши ва бир неча марта туриши мумкин.

Тасаввур қилинг, 3 ойда 1,5 миллион одам. Агар битта самолёт рейсида ўртача 250 нафар йўловчи бўлса, бу ҳар куни 66 та самолёт Ўзбекистондан Россияга учган дегани.

Россия ИИВ расмий маълумотларига кўра, 2022 йил январь-июнь ойлари давомида 622 минг ўзбекистонлик патент расмийлаштирган.

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-11 08:43:20 Россия Федерацияси чегарасида Ўзбекистондан исириқ олиб борган юк машинаси тўхтатиб қолинди

Маълум қилинишича, ушбу ҳолат юзасидан ҳозирги вақтда жиноят иши қўзғатилган. Уни жўнатувчи шахс умрбод қамоқ жазоси ва миллион рублгача жаримага тортилиши мумкин.

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-10 15:19:24 Корейс тили бўйича UBT-EPS-Topik тест имтиҳонидан муваффақиятли ўтган фуқаролар диққатига

2022 йил 2 июндан 15 июлгача бўлиб ўтган EPS-Topik тест имтиҳонидан муваффақиятли ўтган фуқаролар учун жорий йил 16, 17 ва 18 август кунлари малака тест (Skill test) имтиҳони бўлиб ўтади.

Имтиҳонга кириш санасини кўриш

Манзил: Тошкент шаҳар Яшнобод тумани Паркент кўчаси 331-уй, "Ишга марҳамат" мономаркази.

Имтиҳонда номзодлардан қуйидаги ҳужжат ва маълумотлар сўралади:

1. Фуқаролик ва хорижга чиқиш паспорти;
2. Шахсий маълумотлари тўғрисидаги анкета.

Анкета намунасини юклаб олиш

Имтиҳон иштирокчилари учун муҳим маълумотлар:

1. Хорижга чиқиш паспортини олиб келмаган фуқаролар имтиҳонга киритилмайди.
2. Белгиланган вақтдан 1 соат олдин кўрсатилган манзилга етиб келиш ва рўйхатдан ўтиш лозим.
3. Белгиланган сана ва вақтдан кеч қолган фуқаролар имтиҳонга киритилмайди.
4. HRD шартларига кўра, такрор ёки қайта апелляция Skill test ўтказилмайди.
5. Имтиҳонда электрон воситаларидан (мобил телефон, электрон соат, шпаргалка ва ҳ.к.) фойдаланиш қатъиян ман этилади.
6. HRD талабларига мувофиқ, имтиҳон қоидаларини бузган номзоднинг тест натижалари бекор қилинади ва кейинги тестларда қатнашиши учун 3 йил муддатга чеклов қўйилади.

Мурожаат учун: +998 71 202-33-55

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-10 15:19:24 Ochish/sharhlash

2022-08-09 11:14:54 Россия Федерацияси Новый Уренгой шаҳридаги нефть, газ ва газ конденсатини қазиб олиш фаолияти билан шуғулланувчи "Эриэлл Нефтегазсервис" корхонасида ишлаш учун автокран ҳайдовчиси (машинист крана автомобильного) мутахассислари ишга таклиф этилади.

ойлик иш ҳақи 100 минг рублдан бошланади;

яшаш жойи, овқатланиш, транспорт ва патент расмийлаштириш билан боғлиқ харажатлар иш берувчи ҳисобидан.

Номзодларга қўйилган талаблар:

18-50 ёшгача;
камида 1 йиллик иш тажриба;
рус тилини билиши;
судланмаган бўлиши;
Ўзбекистондан чиқишга ва Россия ҳудудига киришга тақиқ қўйилмаган бўлиши.

Номзодлар 2022 йил 22 август соат 18:00 га қадар рўйхатдан ўтиши мумкин.

Рўйхатдан ўтиш

Эслатма: фақат юқорида кўрсатилган мутахассислик бўйича тажрибага эга фуқаролар рўйхатдан ўтиши сўралади.

(71) 202-33-55

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-05 10:27:45 Корея Республикасида вақтинча меҳнат фаолиятини амалга ошириш учун бўлиб ўтган UBT-EPS-Topik тест синовлари тўғрисида

Корея Республикаси Инсон ресурсларини ривожлантириш хизмати томонидан 2022 йил 2 июндан 15 июлгача Корея Республикасида вақтинча меҳнат фаолиятини амалга ошириш истагида бўлган фуқаролар учун корейс тили бўйича UBT-EPS-Topik тест имтиҳони бўлиб ўтган эди.

Инсон ресурсларини ривожлантириш хизмати томонидан тақдим қилинган натижаларга кўра, тест имтиҳонидан жами 2224 нафар фуқаро муваффақиятли ўтган.

Тест натижаси билан танишиш

Тест имтиҳонидан муваффақиятли ўтган фуқаролар учун жорий йилнинг 16-18 август кунлари малака тест имтиҳони бўлиб ўтади.

Мурожаат учун: +998 71 202-33-55

Каналга обуна бўлиш
https://t.me/migratsiyamatbuotkotibi Ochish/sharhlash

2022-08-03 13:40:04 Корея Республикасида ишлаш истагида бўлган фуқаролар диққатига!

Корея Республикасида ишлаш истагидаги фуқаролар учун 2022 йилнинг 2 июнидан 15 июлигача Тошкент шаҳрида корейс тили бўйича EPS-Topik тест имтиҳонлари бўлиб ўтган эди.

Корея Республикаси Инсон ресурсларини ривожлантириш хизмати томонидан тест имтиҳони саралаш натижалари 5 август куни эълон қилинишини маълум қиламиз.

Каналга обуна бўлиш
https://t.me/migratsiyamatbuotkotibi Ochish/sharhlash