#hodisalar #video #Turkiya
Яхшилик қиламан деб балога қолманг!
Куни кеча "Туркиядаги ўзбеклар" каналига бегонанинг юкини чегарадан ўтказиб беришда келиб чиқаётган муаммолар тасвирлаган видеолавҳа жойланди. Унда айтилишича, баъзи бир ватандошларимиз ёлғонларга ишониб, яхшилик қилиш мақсадида фирибгарларнинг тузоғига тушиб қолмоқда.
"5 сентябрь куни Истанбулдан Тошкентга Алмата орқали учган юртдошларимизга аэропортда бир киши "қўл юкингиз камроқ экан, илтимос, мана шу кийимларни қўлингизга оволинг, болаларимга олгандим, менинг юким кўпайиб кетди", деб илтимос қилаётган эди. Атрофимдаги одамларга ишора қилиб, олмасликни маслаҳат бергандим. Ҳатто ўзим таниган бир аёлдан бегонанинг сумкасини Алмата аэропортида ё эгасига қайтариб беринг, ёки дуч келган жойда қолдириб кетинг, деб қаттиқ талаб ҳам қилдим. Кутганимиздек, ичида диний китоблар бор экан. Аёл қўрқиб кетди, зудлик билан юк эгасини топиб сумкасини ўзига қайтариб берди.
Лекин одамлар кўп эди, видеодаги қаҳрамонимиз ҳам яхшилик қиламан деб бегона одамни сумкасини олган экан, мана энди машина кўринишидаги болалар сумкасини ичидан дорилар чиқибди.
Энг ёмон томони, сумкани берган одам "мен берганим йўқ, бу одамларни танимайман", деб туриб олибди. Айтишларича, у одам яна 4-5 кишига сумка тарқатган экан. Ҳозир божхоначилар ҳаммасини аэропортда ушлаб турибди", дейилади хабарда.
https://t.me/migrantuzb - обуна бўлинг
https://migrantmobi.taplink.ws/ - бизни кузатиб боринг
