Владислав “Госуслуги”даги аккаунтидан паролни унутиб қўйгач, тиклаш учун узоқ ҳаракат қилади. Аккаунтга кириш учун МВД бўлимига, банкка мурожаат қилиб, аккаунтини тиклашга еришади.
Бироқ тиклагач, у “Госуслуги”даги фойдаланилган хизматлар тарихида қирғизистонлик мигрантни уйига рўйхатдан ўтказишганини кўради. Ички ишлар бўлимига шикоят қилиш учун борганида эса унинг уйида 8 нафар қирғизистонлик муҳожирлар рўйхатдан ўтгани маълум бўлди.
Барча муҳожирлар москвалик эркак аккаунтига киролмаётган вақтда рўйхатдан ўтказилган бўлган. Ким москвалик эркак номидан мигрантларни рўйхатдан ўтказганини аниқлаш ва жавобгарликка тортиш учун текширув бошланган. Мигрантлар ноқонуний миграцион қайддан ечилган.
Уйнинг эгаси ўзи миграцион қайддан ўтказиб бермаса, мигрантнинг "регистрацияси" ноқонуний ҳисобланади ва у тегишли жавобгарликка тортилиши мумкин.
