Hayot Mavjudlik haqida ko'p bahs-munozaralar bo'ladi (albatta | M

Hayot

Mavjudlik haqida ko'p bahs-munozaralar bo'ladi (albatta miyamda). Odamlarning eng hayron qoldiradigani tiriklikni romantizatsiya qilishidir. "Ota-onangga rahmat de, seni tug'gani uchun". Uzr, faqat bu dunyoga keltirgani uchungina rahmat aytish kamlik qiladi. Rahmatni tarbiyalagani uchun aytish kerak, bo'lmasa tug'ib, farzandini shunchaki ko'chaga tashlab ketadiganlarga ham farzandi rahmat aytishi kerak bo'ladi.

Nega bu borliqda biz yashayotganimiz o'ylantiradimi? Nega tug'ilganmiz? Nega bu borliqdamiz? Nega bu olam boshqacha emas? Boshqacha olamda tug'ilishim mumkinmidi? Agar parallel olamda tug'ilganimda nimalar bo'lardi?

Lekin savollarga e'tibor beradigan bo'lsak hammasi o'z egomiz mahsuli. Ya'ni hammasi tug'ilishimizdan keyin haqida. Biz o'qiydigan tarixga esa oddiygina faktlar uyumi sifatida qaraymiz. Bo'lgan demak yodlash kerak yohud foydasiz ma'lumotlar to'plami. Ammo...

Ammo bizning mavjudligimizga ota-onamiz bilan bir xil sababchi ham tarixdir. Agarda 2000-yil oldin Sezar Brut orqali o'ldirilmaganda, dunyo hozir boshqacha bo'lardi. San'at boshqacha bo'lardi, balki biz ham bo'lmasdik, menimcha ham bo'lmasdik. Tarixga qarasak butun dunyoga katta ta'sir ko'rsatgan shaxslar bor - Da Vinchi, Bobur, Kolumb, Amir Temur, Chingizxon, Sezar, Gitler.

Tarix o'qini o'zgartirgan shaxslar sifatida Chingizxon va Gitlerni ko'rsatishim mumkin. Fan olimlari insoniyotning yaxshi davrda yashashiga sababchi bo'lgan bo'lsa, diktator-qotillar bizning mavjudligimizga sababchi. Ular qanchadan qancha ayollarning "potensial juft"larini o'ldirishgan. Ya'ni insoniyotni o'z o'qidan siljishiga sabab bo'lganlar. "Ikki eshi orasi" yozilmasdi agar Gitler psixopatik xarakteriga ega bo'lmaganda. Yetishilmagan sevgi qissasi ham bo'lmasdi. Shpilman bunchalik psixologik travmani boshidan o'tkazmasdi...

" The Pianist"ni ko'rib amin bo'ldim Gitlerning qanchalik ko'p insonlarga ta'sir qilganini. Qanchadan qancha begunoh yahudiy bolalari o'lib ketdi, nafaqat yahudiylar, butun Yevropa va Markaziy Osiyodan ham odamlar o'lib ketdi. 35million-60million odam o'lgan ekan 2-jahon urushida. Tasavvur qilib bo'lmaydigan sonlar, va ularning tirik bo'lganidagi boshqa hayotni ham tasavvur qilib bo'lmaydi. Biz ham bo'lmasdik ular tug'ilganida.

Hullas, bo'lishi kerak bo'lgan voqealar bo'ldi va biz mavjudmiz. O'z tirikligingizni romantizatsiya qilib yubormang, agarda tarix hozirgidan ozgina farq qilganda ham kelajak boshqacha bo'lardi:)

@nomalum_makon