G'aniyev M.A.

2023-05-14 12:23:31 Ота ҳақидаги ҳақиқий тушунча!

1. Отанг сенга танбеҳ берганида у сени кариҳ кўрмайди.
2. Отанг сенга босим қилганида у сени ўсишингни истайди.
3. Отангни жим турганини кўрганингда у сени келажагинг ҳақида бош қотираётган бўлади.
4. Отанг иқтисод қилган пайтда билиб қўй, у ўз нафсини бутунлай маҳрум қилган бўлади.
5. Отанг ҳансираб қолганини кўрсанг билиб қўй, у сен сабабли шундай бўлган.
6. Отанг кулган пайтида билиб қўй, бунинг ҳам сабабчиси сенсан.
7. Отанг қаттиқ қўл бўлиб қолса билиб қўй, сен унинг кўрсатмаларига юрмаган бўласан.
8. Отанг эшик хонасини қулфлаб олган пайтида билиб қўй, у йиғлаётган бўлади.
9. Отангга нисбатан овозингни баландлатсанг уни тириклайин гўрга тиққанингни билиб қўй.
10. Сен ўзингни дарбадар ва саргардон ҳолда кўрсанг билиб қўй, отанг сендан ғазабланган бўлади.
11. Отанг тўшакка чўзилиб олиб, гапирмаётганини кўрсанг билиб қўй, сен улкан суячиқ тоғни йўқотиб, бўшлиққа юз тутган бўласан. У бўшлиқни ҳеч қандай хотира ҳам тўлдира олмайди.

Вақтида қадрлашни одат қилинг!

@konspektor Ochish/sharhlash

2023-05-08 21:41:26 Бу йигитнинг исми Абдуллоҳ!
Дўстлари уни "Абду" деб чақиради.
Абду тақводор йигит. Буни исботлаш учун Абду ҳар жума соат 00:00 бўлиши биланоқ ўзида бор гуруҳларга "Жума муборак" шаблонларини юборади.

Абду машиналарни яхши кўради. Турли хил русумдаги машиналар олдида гердайиб расмга тушиб, расм остига "крутойча" гапларни ёзиб, инстаграмига юклайди.

Ўзи уйланмаган, аммо Инстаграмда оила бошлиғи қандай бўлиши, кўпхотинлик фазилатлари ҳақида постлар қўяди. Ҳаммани уйланишга тарғиб қилади.

Абдунинг ота-онаси мусулмон, шу боис Абду ҳам ўзини мусулмон деб ҳисоблайди. 4-5та сурани кириллчада ёдлаган. Асосийси қалбида бўлиши керак. 30пора ёдлаб гуноҳ қилиб юрганлар қанча?!

Уйга келиб кийимларини ҳам алиштирмай, диванда ялпайиб интернетни титкилайди. Агар Хадига ўхшаган евроҳижобли қизларни кўрса албатта уларга "подписка" ташлайди. Уларнинг расмларига бирма-бир лайк босиб чиқади.
Номаҳрамларга ёзма дейишса, "Насиҳат қилаябман. Даъват қилаябман!" дейди.

Абду тақводор йигит - у мусиқа эшитмайди. Шунинг учун басс ва ремикс нашидларни эшитади.

Ўртоқларидан бири уйланса, албатта келин-куёв олдига бориб расмга тушиб олади. Кейин у расмни тармоққа юклаб, куёвни баттар даюс қилади. Тагига эса "Бахтли бўл ўрто, аддуши" деб қўшиб қўяди.

Абду - спортчи! Қизларга соғлом йигитлар ёқишини билади. Шу боис ойда бир фитнесс залга бориб, катта ойна олдида кучаниб расмга тушиб олади. Кейин расмни инстаграмга юклаб, кучли мўмин кучсиз мўминдан кўра Аллоҳга маҳбублигини таъкидлайди.

Абду намозга бефарқ эмас - жумага чиқади. Рамазон ойларида атиги 2-3кун 3-4соатлаб таровеҳ намозини ўқишга эринмайди, аммо 5дақиқалик фарзларни ўқишга вақти бўлмайди.

Абду рўза тутишни ҳам билади. Чунки рўза баҳона ҳеч нима қилмай ётса бўлади. Интернетда эса ҳаммага ифторгача сабр тилайди.

Абдунинг севган солиҳа қизлари бор. Улар ичида ўзига ўхшаган тақводор Хади ҳам бор. Абду ҳали Хадига уйланмаган бўлса ҳам, Хадини тергаб, текшириб туради. Қаерга борди, ким билан кўришди - билиши керак. Абду - даюс эмас!

Абду ҳар куни Хадига севишини эслатиши керак. Хади ранжиса унга ўзига ўхшаган "Горилла" ва қалбидек "Кола" олиб бориши керак.

Абду ўзи "пешкадром", лекин бор чақасини йиғиб Хадига пайнет қилади. Уйга эса нон олиб киришга келганда ёдидан кўтарилиб қолади.

Онаси ҳар куни Абдуни бомдодга уйғотади. Лекин Абду бомдодни ўқимайди. Чунки Абдуни ота-бобоси хўжа бўлишган. Хўжа кимлигини ўзи ҳам билмайди, аммо қаерлардадир эшитган, хўжалар - "афтаритет" бўлишади.

Абду бармоғида электрон тасбеҳ олиб юришни ёқтиради. Чунки шунда ҳеч ким унинг тақвосига шубҳа қилмайди.

Ўзи уйи олдидаги масжидга ҳам чиқмаган, аммо давраларда кўзига ёшни тўлдириб "Қанийди Маккадаги таҳоратхоналарда фаррош бўлсам эди" деб гапиришни яхши уддалайди.

Бу - "Абдуллоҳ"! Абдуллоҳ шундай яшайди. Сиз бунақа Абдуллоҳ бўлманг! )))

Shaydoi Jannat

@konspektor Ochish/sharhlash

2023-05-06 22:52:41 Бугун бир суҳбатда мани анчадан бери қийнаб юрган масалада муҳокама бўлиб қолди. Тез-тез кўрамиз, катта лавозимдаги, ақлли инсонларнинг фарзандлари унақа ақлли чиқишмайди. Ҳаёти бузилиб, дабдала бўлиб кетганлари ҳам орасида жуда кўп. Ҳамма билан шунақа демаймизу, лекин бунақа воқеалар тез-тез учрайди. Ўйлашимча, бунинг асосий сабаби мамлакатимизда шаклланган иш муҳити сабабли. Муваффақиятли инсон бўлиши учун кадр бир кунда 12-14 соатини, баъзида ҳатто 18 соатини иш билан ўтказиши керак. Масъулиятли жойларда бу ҳафтасига 7 кун даражага етган. Натижада оила учун, бола учун отада вақт қолмайди. Энди қолган ҳаммаси онага боғлиқ. Бола тарбияси онага қолиб кетади. Ота муваффақиятли, ақлли, ҳурматли, лекин у шу статусларни ушлаб туриш, янада ривожлантириш билан банд. 

Онанинг руҳий ҳолати, тарбияси, таълими боланинг келажагига муҳим роль ўйнайди. Камбағал оилада ота назоратисиз ҳам пул етишмовчилиги сабаб бола чалғиб кетиш эҳтимоли кам. Бой оилада вазият фарқ қилади, пул бор, у хоҳлаган ишини қилиши мумкин. Унда ота эътиборидан бошқа ҳамма нарса бор. Янада ёмони, унинг ҳаётидаги энг муҳим вазиятларда унга ёрдам беришга меҳрибон, лекин вақти йўқ ота пайдо бўлади. Муҳим қадамми, отанг қўллаб ҳал қилиб беради. Ўқишга киритиш, пул тўлаш, машина, уйлантириб қўйиш, ундан олдин ҳатто мактабда, ҳамма жойда отанинг ёрдами бор, вақти ва меҳридан ташқари. Ота олдида бўлмасдан, фақат керакли вазиятда ёрдам қиламан деб ўйлаб, аслида зарар етказиб қўяди. Натижада, отасидан фарқли, ҳаракат ва меҳнат эвазига бирор нарсага эришишни ўзига эп кўрмайдиган, бир гуруҳ дангаса ва кўнгилхушликдан боши ортмайдиган инсонлар чиқади. 

Мен атрофдаги катта тадбиркор акаларда тез-тез кўраман, боласи бир нечта чет тилини билади, дунёнинг йирик Университетларида ўқийди. Пул, ота-она эътибори, тўғри тарбия, сифатли таълим бирлашган жойда катта натижалар чиқарса бўлади. 



Шу учун ҳам, фарзандлар ва оила билан кўпроқ вақт ўтказайлик. Ҳар бир фарзандга алоҳида лойиҳа сифатида қараб, уларга эътибор ва меҳр ажратайлик. Фарзанднинг тақдири, аҳамияти, бугун номимиз ва карьерамиздан кам эмас. Ochish/sharhlash

2023-05-04 12:44:47 Ochish/sharhlash

2023-04-18 02:20:51 Рамазонни соғинамиз, рамазон жуда тезда ўтиб кетди, келаси рамазон насиб қилармикин - мана шундай гапларни жуда кўп эшитамиз, бу гапларнинг кўпи жуда самимий бўлади.

Албатта, бу ойнинг ўз кайфияти бор - одамлар одатдагидан сахийроқ, одамлар одатдагидан мулойимроқ, одамлар одатдагидан ибодатлироқ, одамлар одатдагидан яхшироқ...

Биз мана шу кайфиятни яхши кўрамиз аслида, йил бўйи соғинамиз гўёки.

Лекин биласизми, Ислом доим амалнинг ниятига, мазмунига, кайфиятига урғу беради. Биз мана шу кайфиятни исталган бир кунда пайдо қилишимиз ўз қўлимизда экан, демак биз истаган кунимизни рамазоннинг бир кунига, истаган бир тунимизни лайлатулқадрга айлантиришимиз мумкин. Аллоҳнинг ўша тунни яширишида, бир ойнинг бошқаларидан афзал қилинишида мана шу ҳикмат  - инсоннинг тўғри йўлга тушиб олиши, яхши амаллар одатга айланиши учун  имконият эмасмикин, деб ўйлаб қоламан.

Ахир бир ой мунтазам қилинган ҳар қандай ишнинг одатга айланиши осон.

Биз эртага ҳам одатдагидан ибодатлироқ, одатдагидан сахийроқ, одатдагидан яхшироқ бўлишимиз мумкин. Ўшанда оддий кунимиз ҳам биз учун рамазон кунига айланади. Рамазон бизнинг одатимизга айланади...

Тасаввур қилинг, ҳар куни рамазон - неъматку бу!

Аъзам Ўктамнинг қўйидаги шеърини илова қиламан.

«На бўлғай яшашни сал осон кўрсанг,
Қил сиғмаган кўнглинг шуълага тўлсин.
Ҳар намоз орасин Рамазон билсанг,
Бир кунда беш ҳайит муборак бўлсин!» Ochish/sharhlash

2023-04-09 10:49:12 Hazrat Umar menga ayblarimni aytganga Allohni rahmati bo'lsin, deganlar. Bizda esa kim bir-birini tanqid qilsa, ikkinchi tomon gapni o'zingchi, deb boshlaydi. Xullas, hozir aytmoqchi bo'lganim, insonlar o'rtasidagi munosabatlar haqida emas. Inson va institutlar o'rtasidagi munosabatlar haqida. Qonunlarga qat'iy amal qilmasang, tanqidni hayolingga ham keltirma. Ijro hokimiyati ham xuddi biz kabi o'zingchi, deb gap boshlaydi va katta ehtimol yutqazib qo'yasan))) Ochish/sharhlash

2023-03-27 09:56:33 Кундан-кунга билмайдиган нарсасини тан оладиган инсонларни кўпроқ қадрлаяпман.

Ҳаммамизда ғурур бор, ҳаммамиз ўзимизни маълум бир даражада ақлли деб биламиз. Айниқса атрофимиздагилар ҳам буни тасдиқлаб туришса, ўз-ўзидан бунга ишонамиз ва кибр пайдо бўлади. Натижада ҳамма нарсани биларканман деб, хоҳлаган мавзуда фикр бериб бошлаймиз.

Фақатгина, ҳақиқий дунёқараши кенг, шахсий камолотда маълум бир даражага етган инсонларгина турли хил нарсаларини билмаслигини тан олиб бошлайди. Ишонинг, ўзи билмаган нарса ҳақида нотўғри фикр бериб бошқани ҳам чалғитгандан кўра тинчгина билмаслигини тан олиш катта маҳоратдир. Айнан билмаслигини тан олган шоу-бизнес вакили иқтисодиётдан чуқур билимга эгаликка, тадбиркор физикадан, рассом медицинадан мутахассисликка даъво қилмайди.

Қанча кўп ўқиган сарим шунча кам билишимни билдим деган машҳур ибора 100 фоиз ҳақиқатдир.

Билмайман деган ёки билмаслигини тан олган инсонлар сизлар ТОПсизлар! Ochish/sharhlash

2023-03-23 10:59:12 2023 йил 1 майдан бошлаб ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида жарима миқдорининг 50 фоизини, ўттиз кун ичида 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади - президент қарори Ochish/sharhlash

2023-03-22 08:56:08 Men har doim kiyimlarimni faqatgina bitta do'kondan xarid qilaman. Bir gal do'kondagi ish yurituvchidan so'radim: men har doim oddiy va klassik kiyimlarni ma'qul ko'raman. Lekin sizlar oxirgi paytda bunday kiyimlardan kam olib kelyapsizlar. Asosan mijozlarga tor va kalta kiyimlar taklif qilyapsizlar. U aka esa menga: uka, to'g'ri tushuning, biz faqat sizning didingizdan kelib chiqib emas, ko'pchilikning qiziqishlaridan kelib chiqib kiyimlar olib kelamiz, dedi. Ya'ni, hozir oddiylikdan ko'ra eng so'nggi urfda yurishni xohlaydiganlar ko'p, dedi.
Bugungi kunda atrofda bo'layotgan turli piar kompaniyalarni kuzatib, hayolimga shu suhbat keldi, beixtiyor. Bizga erish tuyulgan narsa ko'pchilikka ma'qul kelishi mumkin. Ochish/sharhlash

2023-03-09 09:25:13 Ўзбекистонда 6 минг нафарга яқин давлат хизматчилари бирламчи тиббий кўрикдан ўтказилибди. Тиббиёт ходимларининг хулосаларига кўра, ҳокимлик ходимлари ўртасида овқат ҳазм қилиш органлари (сурункали гастрит), юрак қон томир (артериал гипертония), асаб тизими, остеохондроз, кўз ва эндокрин (қандли диабет ва семизлик) каби касалликлар аниқланган. Ochish/sharhlash