Ҳозирги кунда Юртимизга хориждан, илмий ва ноилмий психологиян | Psixologiya - Mental Balance🎓 🧠⚖️

Ҳозирги кунда Юртимизга хориждан, илмий ва ноилмий психологиянинг турли кўринишлари шиддат билан кириб келмоқда. Шунчалик тез тарқаляптганидан, бу психологик йўналишларнинг динимизга, миллий қадриятларимизга, оила тузилмасига, инсоннинг шахс хусусиятларига кескин салбий таъсирларини фильтрлашга вақт, мутахассис ва имкон етишмаяпти.
Илмий ва ноилмий психологик йўналишларнинг салбий жиҳатларини ажратиб олишда, ҳам диний, ҳам психологик билим бўлиши лозим.
Ноилмий йўналишлардан бири бўлган Эзотерика ўзининг турланиши, динлардан ўзининг манфаати йўлида тап тортмай фойдаланиши, инсонларнинг ҳиссиётларини тўлқинлантирувчи чиройли сўзлари, умидбахш фикрлари билан ўта хавфли ҳисобланади. Уларнинг таъсирига табиатан ҳис-ҳаяжон кучлироқ бўлган аёллар кўпроқ тушади.
Эзотериклар инсон мияси дангаса эканлигини ва нафс истаклари чегарасиз эканлигини яхши билган ҳолда, ўз иҳлосмандларига "пулга очилиш", "пул оқимларига очилиш" ва ҳоказо жозибадор, нафсни қитиқлайдиган курсларни таклиф этишади. Бу аввало, инсонни идрокини бузилишига, реалликдан узоқлашишга, ризқни Аллоҳ бериши ҳақидаги ақидага зид кетиши ва бошқа кўплаб хатарларни вужудга келтиради. Қолаверса, бундай "пул чақирар", "ҳожатбарор" тренинг ва курсларга астойидил ишониб, умид қилганлар натижага эришмагач тушкунликка тушиб, ўзларига бўлган баҳоларини пасайтириб юборадилар.

Давоми бор...

https://t.me/mentalbalanceuzbgroup