Фуқароларнинг таклифлари Конституцияда акс этилган тадбиркорли | Bu mening Konstitutsiyam 🇺🇿
Фуқароларнинг таклифлари Конституцияда акс этилган тадбиркорликни ривожлантиришга хизмат қилади
Конституциявий ислоҳотлар жараёнида иқтисодиётни эркинлаштириш бўйича кўплаб таклифлар ва муҳокамалар бўлаяпти. Хусусан, Конституциянинг 53-моддаси анча кенгайтирилиб иқтисодиёт ва тадбиркорликка оид қатор янги нормаларни қўшилмоқда:
Тадбиркорлар қонунчиликда тақиқланмаган ҳар қандай фаолиятни амалга оширишга, ўз фаолиятининг йўналишини мустақил равишда танлашга, тадбиркорликдан чекланмаган миқдорда даромад олишга ҳақли.
Ўзбекистон Республикасида товарларнинг, хизматларнинг, ишчи кучининг ва молиявий маблағларнинг эркин ҳаракатланиши кафолатланади.
Иқтисодий фаолиятда инсофсиз рақобатга, монополлаштиришга йўл қўйилмайди.
Давлат тасарруфидан чиқариш ва хусусийлаштириш натижалари қайта кўриб чиқилмайди ҳамда бекор қилинмайди.
