Простатит касаллиги хавф гурухи Простатит касаллиги номи грек | Urolog Androlog Fayzullo Tursunovich

Простатит касаллиги хавф гурухи

Простатит касаллиги номи грекча "prostates" - яъни “олдинда турувчи” сўзидан олинган. Номига монанд хақиқатан хам простатит касалликлар статистикасида хам олдинда туради. Аксари 30-35 ёшдаги эркаклар касб, қизиқишлари, хаёт тарзи ва бошқа сабабларга боғлиқ холда простатит билан касалланиш ХАВФ ГУРУХИГА киради.

Хўш кимлар простатит хавф гурухига киради ?

БЎЙДОҚЛАР
Номунтазам ёки ортиқча шиддатли жинсий хаёт простатит хавфини оширади. Тез-тез шахвоний қўзғалиш бўлиши ва эякуляция бўлиб турмаслиги простата безида қон димланишини юзага келтиради. Хар хил нотаниш аёллар билан пала-партиш алоқада бўлиш эса простатит касаллигига асос яратади.

Нима қилиш керак ?
Мунтазам жинсий хаёт кечириш, ортиқча шахвоний қўзғалишлардан сақланиш

ЎТИРИБ ИШЛАЙДИГАН КАСБ-ХУНАР ЭГАЛАРИ:
ШОФЁРЛАРДАН ПРОГРАММИСТЛАРГАЧА

Ўз касби мажбуриятлари бўйича купроқ ўтириб ишлайдиган эркаклар хам простатит билан касалланиш хавфи бор. Доимий ва узоқ вақт ўтириш простата безида қон айланишини бузади, қонни димлайди ва натижада простата яллиғланишига олиб келади.

Нима қилиш керак?
Кўп ўтириш ва кам харакат хаёт тарзини ишдан бўш вақтларда спорт, жисмоний мехнат ёки бадантарбия билан компенсация қилиш. Иш вақтида эса тез тез чигал ёзди машқ қилиш керак.

ЧАВАНДОЗЛАР..
Велосипедистлар, мотоциклистлар узоққа кеташгани йўқ. Афсуски улар хам шу гурухда. Доимий силкиниш оралиқ микро-травмасини чақиради, у эса қон айланишини бузиб касалликка шароит яратади.

Нима қилиш керак?
Травмалар олдини олишга харакат қилиш. Имкон бўлса велосипед ва бошқалар учун чов сохасига юкламалар, яъни нагрузкаларни камайтирадиган мосламалар қўллаш, масалан амортизацион ёстиқ ёки “памперсли” велошорт. Яна оралиқ ва думба мускулларини кучайтирадиган машқлар қилиш.

СУВ СПОРТИ ВА ХАР ХИЛ ПОХОДЛАР ИХЛОСМАНДЛАРИ

Бунда простата билан муаммолар асосан тез-тез ёки узоқ вақт совуқ ейиш билан боғлиқ. Шунинг учун хам, актив соғлом турмуш тарзига қарамай, кўп вақтни сув ичида ва сувда ўтказадиган спортсменлар хавф гурухига киради.
Нима қилиш керак?
Имкон қадар совуқ таъсирини камайтириш, оёқларни иссиқда сақлаш, қаттиқ совуқ егандан кейин қуруқ сочиқ билан тери қизигунича артиниш. Сув машқларидан кейин иссиқ ванна қилиш ва бутун танани қиздириш. Терлаган ёки намиққан кийимни вақтида қуруғига алмаштириш.


МАЗЗА ҚИЛИБ ОВҚАТЛАНИШ ИХЛОСМАНДЛАРИ
Нотўғри овқатланиш – ёғли, ўткир, қовурилган ва ошқозонни қўзғатадиган хар қандай овқатлар простатитга мойил қилади. Бунга яна алкогол, чекиш ва кофе ўз хиссасини қўшади.
Нима қилиш керак?

Овқатланиш рационини соғломлаштириш, ич қотишини олдини олиш. Ошқовоқ, ёнғоқ ва балиқ ва рух элементига бой бошқа махсулотларни истеъмол қилиб туриш.

Простатит билан касалланиш хавфи гурухига кирувчилар мунтазам холда, хеч йўқ бир йилда бир марта, Уролог ёки Андролог қабулида кўрикдан ўтиб, тегишли маслахат олишлари ва простатит олдини олиш чораларини кўришлари керак. Жисмоний фаоллик, соғлом турмуш тарзи ва соғлом овқатланиш простатит касаллиги ёки унинг қайталаниш хавфини кескин пасайтиради.

ЭСДАН ЧИҚАРМАНГ!!! ПРОСТАТИТ ПРОФИЛАКТИКАСИ – ХАР БИР ЭРКАК УЧУН ЗАРУР БЎЛГАН АМАЛ. БУ ХУДДИ ЭРТАЛАБ ВА КЕЧҚУРУН ТИШЛАРНИ ТОЗАЛАШ КАБИ БАДАН МУОЛАЖАЛАРИДАН БИРИ. ШУ ХОЛОС!!!
ЭРКАК БЎЛИШ ОСОН ДЕБ КИМ АЙТИБДИ !!!???
ПРОСТАТАНГИЗ ДОИМО БЕШ БЎЛСИН!!!

#простатитхавфгурухи #простатитқилувчи

Яқинларингизга хам улашинг
Каналимизга уланиш
Савол жавоблар: @mening_urologim
Гурухимиз: @mening_urologim2
Мақолалар: @bizning_urolog
Қизиқарли фактлар: @tibbiy_faktlar
Уйбоп даво ва муолажалар: @tib_tabobat

Др. Файзулло Абдулхаев
@Urolog_Androlog_Seksopatolog