2022-07-08 06:45:37
.
Ziroat opa ishdan qaytganda qizchasi Odila eshik yonida oʻynab yurgan edi. U yugurib borib, onasini quchoqladi. Onasi sumkasidan uch dona konfet olib berdi.
- Hammasi oʻzimgami?- deb soʻradi Odila. - Ha oʻzingga, - dedi Ziroat opa.
- Yoʻq, oʻzimgamas. Boʻlib yeymiz. - dedi Odila va uyga kirgach, konfetlarni buvisiga berib:
- Buvijon, boʻlib bering! - dedi. Buvisi:
- Mana bular senga, - dedi-da, ikkita konfetni Odilaga uzatdi. - Mana bu bittasi esa Sobir akangga.
- Yoʻq bunaqa emas, -dedi Odila.
- Boʻlmasa, ikkitasini akangga bera qol, - dedi buvisi.
- Bunaqa ham yamas,- dedi Odila yana kuyunib.
- Qanaqa qilib boʻlay, oʻzing
koʻrsata qol!
Odila hamma konfetni qoʻliga olib, bittasini buvisiga, bittasini akasiga berdi. Birini oʻziga olarkan:
- Mana shunaqa boʻladi, -dedi-da konfetni ogʻziga soldi.
Mahmud MURODOV
Ibrat bekati...
Telegram manzili:
@Mening_kutubxonam_07
81 viewsNodira Arslonova, 03:45