Mendan iborat!

2021-02-10 18:32:43 ​​Himmating qadar baxtni, bardoshing qadar dardni his qilarmushsan..
Qiziq. Umring ipi ayni shu ikki tuymishning oʻrtasida tarang tortilgan ip kabi emasmikan? Sen sekin yurib borasan. Agar dard tomon yoki baxt tomon qattiqroq tortib yuborsa va sen hushyor boʻlmasang, ayni oʻsha lahza dor ustida ketib borayotgan sen muvozanatni yoʻqotib oʻz ipingni yoʻqotib qoʻyishing hech gap emas.

Umuman baxt bor yoki yoʻqligi haqidagi bu qadar koʻplab afsonalarning paydo boʻlishi, yashashning nimadir ekanini his qilgan insonlarning tinimsiz unga intilishi sababi insoniyatning yoʻqlikni, mavhumiyatni bir qadar yaxshi koʻrishidan emasmikin? Baxt mavjud emas demoqchi emasman. Ammo erishilgan har qanday baxtning qadrini erishguniga qadar samoda tutib keyin yerga otganlarni koʻp koʻrdim! Ehtimol, oʻzim ham...
(Hamma haqida emas!)

— Onamni yana bir bor koʻrsam, mendan baxtli odam boʻlmasdi ,— dedi u. Men uni tanirdim.
— Avvalroq bir lahzalik mehringni ayamaganingda onang ham baxtli tark etardi dunyoni , — deyolmadim.


— Baxt nima? — deb soʻradilar bir shoirtabiat yigitdan.
— Men sevgan parivshaning rizosi, - dedi entikib.
Rizolikdan keyin ikki marta oʻrik gulladi. Rizo bergan oʻsha shoʻrlikning rizo bergan birovi boshqasidan rizolik kutayapti endi.

— Mana shu yerga kirish men uchun baxt!... Kirdi, nasibi qoʻshilib.
— Qayoqdan ham shu yerga topshirdim-a?! deb yuribdi shumshayib. Bu sen istagan baxt-ku!

Qoʻlingda turmas ekan, ayniqsa u boshqa kimnidir qoʻlida tovlansa, shu qadar jilvalanadiki, beixtiyor baxtsizlar roʻyxatida koʻrasan oʻzingni. Azizim, seniki boʻlmagan baxtning koʻzyoshicha qadri boʻlmas.

Nimadir deb kimnidir boshiga tosh otmoqchi emasman. Chunki hayotda har lahzalik baxtini, koʻnglida bori-yu, qoʻlida turganini koʻrolganlarni ham koʻrdim (shukrki!).

T.me/Mendaniborat Ochish/sharhlash

2021-02-09 16:23:38 Alisher Navoiy
Parim bo'lsa...
Sitorabonu Shomurodova

Men sevadigan gʻazal va men sevadigan ijro
@Mendaniborat Ochish/sharhlash

2021-02-08 18:51:54 Baxt tashqaridan emas, ichkaridan keladi‌‌

) Ochish/sharhlash

2021-02-07 19:58:12 Ayashimiz kerak boʻlgani koʻngil, biz esa mehrni ayaymiz

) Ochish/sharhlash

2021-02-06 21:23:17 ​​Agar moviy rangni sevsang sen uni quyoshda ham koʻrolasan.

Yolgʻizligingni yoqtirsang millionlab insonlar ichida ham yakka oʻzingni nafasingga singib keta olasan

Sohangga chindan mehr qoʻygan boʻlsang, mashaqqatining koʻpligidan koʻproq yaxshi koʻrolasan.
Kechmishingni vijdonan yashashga uringan boʻlsang, demakki, yashalgan har bitta kuningni qadrini bilasan, ayniqsa, vijdoningga xilof yoʻl tutgan kunlaringni

Mushukka boshqalardan koʻproq mehrliroqman deb daʼvo qilsang, uning tirnoqlari qoʻlingni qontalash qilsa-da qalbingni umuman azoblay olmaydi.

Agar dengizni yaxshi koʻrsang, ummondan ayro kechgan yillar natijasida sogʻinchga toʻlgan gʻarib tomchida ham uning iforini his qila olasan

Yomgʻirni sevish — shivalab tomchilagan yomgʻir ostida soyabon taqqancha yurishgina emas, izgʻirinda ayovsiz yoqqan tomchilarni to u osmondan yuzingga qadar kelguncha kutib olish ham ekanini his qilgan boʻlsang, sen sevgan koʻp yaxshilarni yomonliklarini ham seva olish burching ekanini bilasan.
Va shunisi ham aniqki, sen koʻradigan hamma narsada sen yaxshi koʻradigan hamma narsaning eng kamida eng mitti zarrasi mavjud. Uni koʻrolishing esa oʻzing yaxshi koʻrganlar bilan qanchalik yaqin ekaning bilan bogʻliq

Demoqchi boʻlganim, nuqsoni bilan sevibgina toʻkis muhabbatni yaratish mumkin...

Nodirangiz)
T.me/Mendaniborat Ochish/sharhlash

2021-02-04 19:40:17 Agar ayol gullarni yaxshi koʻraman desa, lekin biz ularni sugʻorishni unutib qoʻyganini koʻrsak, demak, biz uning gullarga boʻlgan "sevgisiga" ishonmaymiz. Sevgi — biz sevgan kishining hayoti va farovonligi uchun faol gʻamxoʻrlikdir.

Erix Fromm "Sevgi san'ati"‌‌


@Mendaniborat Ochish/sharhlash

2021-02-03 21:05:14 Bir chashka mehrga choʻkib keting:
Bir umr va har tong

@Mendaniborat' Ochish/sharhlash

2021-02-03 18:56:35 ​​I. Telefon goʻshagi qoʻyilgandan keyin aytiladigan ayrim gaplar

— Oʻziga oʻzi tashvish sotib oladi hamisha!
— Menga dardini dasturxon qilishdan boʻlak ishi yoʻqmi?
— Nimayiki, kun koʻrgan boʻlsa, hammasiga oʻzi aybdor.

Yoki
— Boyoʻgʻliga oʻxshaydi-ya, qachon qarama qora kunimda yoʻqlaydi
— Men uning tasallisiga muhtoj qolibmanmi?
— Nahot shunchalar gʻarib boʻlsam?

Iltimos boʻlsa
— Bunga odat faqat ishi tushsa yoʻqlaydi;
— Eh sendan boʻlak ishim yoʻqmi
— Shuni ham eplab bajara olmasa-ya, hamma oʻzi qilyapti-ku!
— Namuncha chaynalmasa...

Biror kun qizil tugmani bosmasdan avval gaplaringizni aytib koʻring.
(Yuziga ayta olmaganlarimiz tilimizga chiqmasa edi..!)
Yoqmasa tinglamaslik, istalmasa "yoʻq" deyish, hamdardlikni qabul qilmaslik uchun haq hamisha mavjud. Ammo har qanday munosabatga ham jilvalanib, turlanib javob qaytarish eng razil yoʻldir. Ortlaridan aytilgan har bir soʻzingiz sizni ulardangina emas, sizni oʻzingizdan, Haqdan yiroqlashtiradi

II. Telefon goʻshagi qoʻyilgandan keyin aytiladigan ayrim gaplar

— Dadash, sizni judayam yaxshi koʻraman
— Aya, sizni shunchalar sogʻindimki!
— Meni injiqliklarim siz(lar)ni koʻp qiynadi-a?

Yoki
— Tovushiga nima qildi ekan, tinchmikan?
— Balki aytgan gaplarim ogʻir botgandir, nima qilsa ham u meni oʻylab qildi-ku!

Yana izhor

— Bu alamzada qachon mehrimni tushunarkin?
— Meni kechir...
Seni qanchalar sogʻinganimni bilsayding

Sizni hislaringizni aylana tizmalar olib borishi qiyin, yana uning qulogʻi ilib qoʻyilgan boʻlsa..
Aql — sizning hislaringiz hisobini hamisha ham hisoblayverishi yaxshilikka emas. Qalbingiz tubidagi soʻzlar ehson kabidir. Ularni egasiga tuhfa qilmasangiz uvoli sizni tutadi, yaxshim!

T.me/Mendaniborat Ochish/sharhlash

2021-02-01 18:32:17 ​​Juda gʻalati, insonlarga har qancha yaxshilikni ilinma, sevgingni izhor etma baribir u ruxsat bergandan ortiq unga yaqinlasha olmaysan.
Garchi seni yaqinlari qatoriga qoʻshsalar ham.

Ortigʻiga qoʻlingni tutganing sari, qalb erkiga dahl qilayotgan kabi koʻrinasan
Oʻzlarini ruxsat bermagunga qadar senga qoʻygan chegarani buza olmaysan.
Qaysarlik bilan talab qilingan har qanday mehr, istak roʻyobi haqiqatga aylansa ham tariqchalik qadri boʻlmas.
Keyin ular sen uchun yulduzlarga oʻxshab qoladilar, xuddi eng baland daraxtga chiqsang qoʻling yetadigandek, ammo aslida sendan millon yillar olisda.
Har qancha yaxshi boʻlma, har qancha yaqin boʻlma istaganlaridan ortiqchasini bilishga urinishing, olishni xohlashing tobora uzoqroqqa olib ketadi....
Erkka dahl qaysar insonlar uchun jonga qoʻyilgan tuzoq kabidir

Shunday

T.me/Mendaniborat Ochish/sharhlash

2021-01-31 17:19:19 ​​Bir kishi Suqrotning oldiga kelib:
— Do'stingiz menga haqingizda nima deganini bilasizmi?
— Kutib turing, - Suqrot uni to'xtatdi. - Uchta elak orqali aytmoqchi bo'lgan narsangizni avval elakdan o'tkazing.
— Uch elak?
— Biron bir gapni aytishdan oldin, uni uch marta elakdan o'tkazish kerak. Birinchidan, haqiqat elagi orqali. Siz aytayotgan so'zlarning to'g'riligiga aminmisiz?
—Yo'q. Men faqat eshitdim ...
—Juda yaxshi. Shunday qilib, bu haqiqat yoki yo'qligini bilmayapsiz. Keyin biz ikkinchi elakni - mehr elagi orqali gapingizni elakdan o'tkazamiz. Do'stim haqida yaxshi gap aytmoqchimisiz?
— Yo'q! Aksincha!
"Shunday qilib," deb davom etdi Suqrot, - siz u haqida yomon gap aytasiz, lekin bu haqiqat ekanligiga hatto amin emassiz. Keling, uchinchi elakni - foyda elagini sinab ko'raylik. Siz aytmoqchi bo'lgan narsani eshitishim kerakmi?
— Yo'q, bu kerak emas.
— Demak, - deb xulosa qildi Suqrot, - siz aytmoqchi bo'lgan narsada na ezgulik, na foyda va na zarurat mavjud. Nega endi shunda ham aytayapsiz?

T.me/Mendaniborat Ochish/sharhlash